Chapter 27: ABOUT TEEHAN

Nanlamig ang buong katawan ni Mahalia sa takot dahil sobrang sakto ang pagdating ni Matteo na ganon ang usapan nila.

Napaawang lang ang mga labi niyang namamawis din ang mga palad niya dulot ng takot. Lumapit ang lalaking hindi inalis ang paningin sa kaniya, at sa mga mata nitong nangangasul, talagang masasabi niyang galit ito.

Nilapag nito sa ibabaw ng lamesa ang isang basket ng prutas, at pareho nilang tinapunan ng tingin iyon.

"Who's Teehan?" ulit na tanong nito na tila pati si Sezy nagpigil ng hininga.

"K-Kwan..." Hindi niya alam ang sasabihin. Natatakot siyang magbigay ng pangalan dahil baka paimbestigahan din ng lalaking ito si Teehan at malaman ni Teehan kung nasaan talaga siya.

"What?" tanong pa nito, at kumatok-katok sa lamesa ang mga daliri nito.

Dahan-dahan siyang napatingin kay Sezy lihim na nagtatanong kung ano ang gagawin, pero si Sezy nakatitig sa mga kamay ni Matteo na kumakatok sa lamesa.

"You, Sezy..." Napasinghap si Sezy nang pansinin nito.

"S-Sir?" tanong ng