Kabanata 5

TATLONG linggo na ang nakalipas nang umalis sina Timothy kasama si Chesca.

Masama ang pakiramdam ni Celine, pero bumangon pa rin siya para makapagtrabaho. Ayaw naman niyang abusuhin ang kabaitan ng kanyang mga amo lalo na at kailangan niya pang pagtrabahuhan ang nabasag niyang vase.

Kaya kahit umiikot ang kanyang paningin sa hindi niya malaman, nagtungo pa rin siya sa banyo upang maghilamos at makapagsimula na sa paglilinis ng loob.

Habang naglilinis ang babae, hinihingal siya kahit kunti pa lang ang nalinisan niya. Para rin siyang naduduwal pero pinipilit niyang pigilan.

Noong nakaraang araw pa siya ganyan. Hindi niya maintindihan kung bakit bigla-bigla niyang nagbabago ang kanyang katawan.

“Gwaaghh,” tinakpan niya ang kanyang bibig at mabilis na tumakbo patungo sa banyo.

Napahawak siya sa sink habang dumuduwal.

Hindi niya maintindihan kung bakit, pero parang may tumatakbong kabayo sa kanyang dibdib—nagkakarera. May pakiramdam siya kung ano ang nangyayari sa kanyang katawan, pero hindi niya kayang tanggapin.

Mababaliw siya kung tama ang iniisip niya.

Tiningnan niya ang kanyang sarili sa salamin—mahigpit ang pagkakahawak niya sa sink.

“Sana mali ako,” mahina niyang bulong na tanging sarili niya lamang ang makakarinig.

Ayaw niyang maniwala, ayaw niyang mag-isip, ngunit hindi niya maintindihan kung bakit siya takot na takot. Sa katotohanan ba…o sa magiging reaksiyon ni Timothy.

Pinaandar niya ang gripo; inilagay niya ang kanyang kamay sa rumaragasang tubig at sandaling natulala.

“Celine,” narinig niyang tawag ng mayordoma sa kanya.

Napakurap siya at naghilamos; lumunok siya nang ilang beses at huminga nang malalim bago lumabas.

Sina Timothy, Matteo, Gabriel, at Vann naman ay naglalaro ng volleyball sa dalampasigan.

Malawak ang isla. Ilan lang din ang sumama na nanatili dito dahil ito na ang huling gabi nila sa resort, at dito sila matutulog para maranasan nila ang ipinagmamalaki ng Triple A’s Resort.

Masayang naglalaro ang apat na lalaki, habang ang mga babae ay nakatingin lang sa kanila. Paano kasi, nakasuot na pambeach na shorts ang mga iyon at wala silang suot na pang-itaas, kaya lantad na kantad ang kanilang naglalakihang braso at katawan.

Habang si Chesca naman ay nakasimangot lang ang mukha sa loob ng maliit na tent na inilatag ni Timothy para sa kanya.

Ang buong akala kasi ni Chesca ay sila lang dalawa ni Timothy kaya pinaghandaan niya ang lahat, mula sa kanyang katawan hanggang sa kanyang pananamit. Sinigurado niyang matitikman niya si Timothy, ngunit isa lang pala iyong kahibangan dahil kasama ni Timothy ang tatlo niyang kaibigan, at sa buong bakasyon—sa kanila lang nakatuon ang atensyon ng lalaki.

“Kainis!” Naoapadyak siya sa inis.

Akala pa naman niya makaka-score na siya para ma-blackmail na niya ang lalaki, pero wala. Walang nangyari sa kanila, at mukhang ayaw din talaga ni Timothy na magsama sila nang mag-isa dahil nandiyan ang mga KAIBIGAN niya.

Nagpakawala siya ng mahabang buntong-hininga.

Kinalma na lang niya ang sarili niya. Inisip niyang sa huli ay mapapasakanya rin naman ang lalaki. Marami pang pagkakataon, at sisiguraduhin niya na sa pagkakataong iyon, sa kanya na aayon ang tadhana.

“LINISAN mo nga iyong pool, Celine,” utos ng matandang maid na pumangalawa sa mayordoma.

Hindi niya gusto ang babae. Paano nahahalata na pinapaboran ito ng mayordoma at ng amo, kahit siya naman ang matagal na rito. Si Manang Esing kasi ay may anak na si Milagros—gusto niyang akitin ng anak si Sir, pero may ibang gusto si Milagros, kaya inis na inis siya sa anak, pati na rin kay Celine, dahil alam niyang ito ang nagtulak sa anak na huwag akitin si Timothy.

“Bilisan mo,” Singhal ni manang Esing kay Celine.

Kahit masama ang pakiramdam, sumunod sa utos ang babae at nagtungo sa malawak na pool para linisin ito, kahit hindi naman iyon ang trabaho niya.

Habang naglilinis siya, napapahinto siya dahil sumasakit talaga ang ulo niya at umiikot ang paningin niya.

“Ang bagal mo, Celine!” Sigaw ni Manang Esing nang makita siyang nakatayo lang habang hawak ang net.

Habang pinipilit ni Celine ang kanyang sarili na magtrabaho, lalong naduduwal siya, kaya kahit tinawag siya nang malakas ni Manang Esing ay hindi siya nakinig at dumiretso uli sa banyo.

Kagaya kahapon, palagi pa rin siyang naduduwal, nahihilo, at pagod na pagod kahit wala namang ginagawa.

Mababaliw na siya; hindi na niya alam kung ano ang gagawin o kung ano ang sasabihin.

She was looking at herself in the mirror; she looked horrible—like a woman who he never should have become.

Maputla ang labi.

Hinang-hina.

Muli na naman siyang nasuka.

“Celine,” narinig niya ang isang pamilyar na boses.

Natigilan siya. Hindi niya puwedeng makitang ganito ang kalagayan. Isasara na sana niya ang pinto nang bumukas iyon at iniluwa nito si Timothy.

He was staring at her; she looked foreign to him.

Nilapitan niya ang babae, nakakunot ang noo.

“May sakit ka ba?” Bakas sa kanyang boses ang pag-aalala.

Nag-iwas ng tingin si Celine. Ayaw niyang isipin na may iba pang ibig sabihin ang ginagawa ng lalaki sa kanya. Dahil alam at kilala niya ang lalaki, wala siyang pakialam sa kanya.

Gagamitin lang siya, paglalaruan—natigilan ang pag-iisip niya nang lumapit si Timothy at hinawakan ang babae.

Umatras siya; kinabig ang kamay nito. “Wala akong sakit,” pinilit niyang maging steady ang boses niya.

Pero hindi naniniwala si Timothy. Hinawakan niya ang chin nito at pinatingin sa kanyang mga mata, pero agad na nag-iwas lang siya ng tingin.

Her heart thudded into her ears, something beneath hope.

Na sana totoo ang ipinapakita ni Timothy sa kanya.

Pero bago man siya muling makapagsalita, biglang dumilim ang kanyang paningin at bumagsak ang kanyang katawan; mabuti na lang at nasalo siya ni Timothy.

“Ihanda ang kotse!” Malakas na sigaw ng lalaki, puno ng pag-aalala.

What happened to her? Bulong niya sa kanyang sarili habang nakatingin sa namumutla niyang mukha.

***

Nagising si Celine at nakita niya si Timothy na nakabantay sa kanya.

Alertong pinindot ni Lucas ang red button kaya may dumating na doctor.

Gusto pa sanang magtanong si Celine kung bakit binabantayan siya ng lalaki, pero hindi na niya nagawa dahil nagsalita na ang doktor.

“Good morning, ma’am and sir,” bati niya. Binati rin pabalik ni Celine ang doktor. Nakangiti ito habang tumingin sa kanya at kay Timothy.

“Congrats, you’re 2 weeks pregnant,” nakangiti niyang anunsyo habang ang dalawa ay parehong natigilan.