Chapter 17

“Lahat ito, isasalansan ko?” gulat na tanong ko kay Leander nang sabihin niyang lahat ng mga documents na pinadala niya kay Mina ay aayusin ko.

Kasalukuyan siyang nakatayo sa harapan ko pero ang kaniyang tingin ay nakabaling sa mga karton-kartong papeles na kailangan kong ayusin mamaya.

“Kailangan mong maayos iyan hanggang sa susunod na araw. Iyan ang unang assignment mo sa akin bilang sekretarya ko.”

 Puno ng frustrasyong bumaling ako sa kaniya.

“Seryoso ka ba? Sir naman. Ganoon lang kaikli ang araw na ibibigay mo sa akin? Sa dami nito.”

May assignment pa siyang nalalaman, anong tingin niya sa akin, estudyante? Kumag na ito. Tumango pa siya bilang sagot.

“May lakad tayo sa Biyernes, aalis tayo patungong Vigan para sa isang business meeting na gaganapin sa Ilocos. Ayoko namang may mga trabaho akong gagawin pagbalik ng Manila sa susunod na linggo. Kaya maigi nang tapusin na natin it