Chapter Nine: Invitation

Prinsesa Atyrrah POV

Tatlong araw na ang nakalipas mula no'ng dito tumira si Biyola at tatlong araw na rin bitin ang tulog ko. Palagi na lang akong nagigising dahil sa bangayan ng dalawa. Bago at pagtapos ng araw ay puro pag-iingay nila ang maririnig na animo'y nasa giyera. 

"Umalis ka kung aalis ka basta umuwi ka sa tamang oras!" Dinig kong sigaw ni Ginoong Ibo kay Biyola. Nasa baba naman sila pero hanggang dito ay rinig ko ang ingay ng dalawa. 

"Duh, aalis ako kung kailan ko gusto at wala akong pakialam d'yan sa mga patakaran mo!" Sigaw rin ni Biyola. Nakaraang gabi ay alas dose na ng gabi umuwi ang dilag na iyon kaya simula no'n ay nilimitahan na ng Ginoo ang oras ng pag-uwi ni Biyola. 

"Gusto mo isumbong pa kita kay Daddy ha?! Napakatigas ng ulo mo ah!" Sigaw ulit ng Ginoo. Malakas akong bumuntong-hininga at saka tumayo. Nagsuklay ako ng aking buhok at bago lumabas sa pinto ay lumabas si Aireen mula sa pandeha. 

"Oh? Kay aga