Chapter 4

Ceelin

Hindi ko matanggap na mauulit pa rin sa pangalawa kong buhay ang nangyari sa akin in my past life.  Agad akong bumangon sa kama para isuot ang mga damit kong nasa ibaba ng kama. Kailangan kong makalabas sa silid na ito bago pa man dumating ang mga magulang namin ni Phil at pilitin kaming ipakasal sa isa't isa.

Tapos na akong magbihis at inaayos ko na lamang ang nagusot kong buhok nang bigla namang nagising si Phil. Agad na lumarawan ang galit sa mukha nito nang makita ako at ang sarili nito. Nilapitan niya ako at sinakal.

"You shameless, woman! You drugged me and brought me into this room! You did this so I could marry you, right?" Nag-iigting ang mga ugat sa leeg ni Phil sa matinding galit. "Huwag mong isipin na pakakasalan kita porke't may nangyari sa ating dalawa. I will never marry a woman like you!"

Pinilit kong alisin ang mga kamay nitong nakasakal sa leeg ko. Ngunit parang bakal ang mga kamay nito at kahit anong gawin ko ay hindi ko ito magawang alisin. Nahihirapan na akong  makahinga.

Pinagbabayo ko ang dibdib ni Phil ngunit hindi pa rin niya binibitiwan ang leeg ko. Wala akong choice kundi ang sipain ang pagitan ng mga hita nito.

"You left me no choice, Mr. Salvatore. Mapapatay mo ako kapag hindi mo pa ako binitiwan," hinihingal na sabi ko kay Phil matapos siyang mapilitan na pakawalan ang leeg ko.

"You're a shameless and evil woman!" galit na wika nito habang nakayuko at iniinda ang sakit ng ginawa kong pagsipa sa pagkalalaki nito. "You will pay for this, woman!"

"Bago ka manggalaiti sa galit ay makinig ka muna sa sasabihin ko, Mr. Salvatore," inis na sabi ko sa kanya. "Una, walang nangyari sa atin. N*******d lang tayo pero nasisiguro ko na walang nangyari sa pagitan nating dalawa. Pangalawa, both of us were drugged at dinala sa silid na ito. Panghuli, bilisan mo at isuot mo na ang mga damit mo bago pa dumating ang mga magulang natin. Kapag dumating sila at nakitang ganyan ang hitsura mo ay tiyak na mangyayari ang iniisip mo. And for your information, kahit ikaw na lamang ang pinakahuling lalaki sa mundo ay hinding-hindi pa rin ako magpapakasal sa'yo."

"Do you think maniniwala ako sa mga sinabi mo?" he hissed at me. Hindi pa rin mailarawan ang galit sa mukha nito.

Sasagutin ko sana ang sinabi niya nang marinig ko ang boses ng aking ama na palapit pa lang siguro sa kuwartong kinaroroonan namin. Nanlaki ang mga mata ko at bigla akong nagpanic.

"Shut up and just do what I said!" nagpapanic na sigaw ko kay Phil. Hindi ko na hinintay na sundin niya ang sinabi ko. Ako na mismo ang dumampot sa mga damit nitong nasa ibaba rin ng kama. Katulad ko ay may suot na underwear pala si Phil. They just took off our outer garments. "Sa banyo ka na magbihis at ayusin mo ang sarili mo. Bilis!"

Itinulak ko si Phil papuntang banyo pagkatapos ay nagmamadaling inayos ko ng bahagya ang nagusot na kama. Inilagay ko sa mahabang sofa ang isang unan pati na rin ang kumot para isipin nila na sa sofa natulog si Phil.

Eksaktong humiga ako sa kama nang bumukas ang pintuan at galit na pumasok ang aking mga magulang kasama ang mga magulang ni Phil, kapatid nitong si Paula at aking nakababatang kapatid.

"Ano ang ibig sabihin nito, Ceelin? Bakit ka narito sa silid na ito?" galit na sita sa akin ng Dad ko. Lihim akong napaismid dahil napakagaling nitong umakto. Nag-artista na lang sana siya at hindi naging businessman.

Bago pa ako makasagot sa aking ama ay lumabas sa banyo si Phil na bagong paligo at nakasuot lamang ng bathrobe.

"Anong ibig sabihin nito, Phil? Bakit magkasama kayo sa iisang silid ng babaeng iyan?" galit na tanong naman kay Phil ng ina nito.

"Ano pa ba ang ibig sabihin nito, Mrs. Salvatore? Our children spent their night alone inside a room and slept in one bed. Kahit sino ay mahuhulaan kung ano ang nangyari sa kanila," nakakasiguro ang tono na wika ng aking ama.

Nakita ko ang lihim na pagngiti ng aking ina at ang palitan nila ng makahulugang tingin ng aking ama. Iniisip nilang magtatagumpay ang masama nilang binabalak. Ngunit kahit anong mangyari ay hindi ako papayag na muling magpakasal kay Phil.

"Don't be exaggerated, Dad. Walang nangyari sa amin ni Phil. At hindi kami natulog sa iisang kama," mabilis na kontra ko sa aking ama. Tumalim ang tingin niya sa akin ngunit hindi ko ito pinansin. "Ako lamang mag-isa ang natulog sa kama. Phil is a gentleman kaya sa sofa siya natulog." Itinuro ko ang sofa kung saan naroon ang isang una at gusot na kumot na hindi pa natutupi.

Tinitigan ako ni Phil na tila ba binabasa kung ano ang laman ng isip ko ngunit mabilis akong nag-iwas ng tingin sa kanya.

"No. Hindi ako naniniwala na walang nangyari sa inyong dalawa," giit ng aking ama. Nilapitan niya ako at mariing hinawakan sa braso. Lihim na naikuyom ko ang aking kamao dahil masakit ang pagkakahawak niya sa braso ko. Nais niyang iparating sa akin na huwag akong kumontra sa nais niyang mangyari sa halip ay sumang-ayon ako. "Huwag kang matakot, Ceelin. Nandito si Daddy. Hindi ko hahayaan na maagrabyado ka ng kahit na sino. Kailangang panagutan ni Phil ang nangyari sa inyong dalawa."

Pilit na inalis ko ang kamay niyang mahigpit na nakahawak sa braso ko. Sa pagkakataong ito ay hindi ko hahayaan na manipulahin niya ang buhay ko.

"Dad, ilang beses ko bang sasabihin sa inyo na wala ngang nangyari sa amin ni Phil. Hindi niya ako kailangang panagutan dahil wala naman siyang pananagutan. Kung hindi kayo naniniwala ay willing akong magpatingin sa doktor para masiguro sa inyo na intact pa rin ang aking virginity," muling paliwanag ko sa kanya. Talagang ipinagdiinan ko na walang namagitan sa amin ni Phil para mawalan ng rason ang aking ama na pilitin kaming ipakasal ni Phil. "And besides, wala akong gusto sa kanya kaya bakit ko siya pakakasalan?"

Lalong tumalim ang tingin sa akin ng ama ko. Maging ang Mom ko ay matalim din ang tingin sa akin ngunit hindi nito magawang magsalita at ipagdiinan na panagutan ako ni Phil gaya ng ginagawa ng ama ko.

"Ano ba talaga ang nangyari at natulog kayo sa iisang silid, Phil?" mahinahon ang boses na tanong ni Mr. Salvatore sa kanyang anak. Mabait talaga siya. Sana ay siya na lamang ang naging ama ko.

"Someone drugged us and deliberately brought us into this room, Dad. Mabuti na lamang at nakaya kong kontrolin ang sarili ko kaya nanaig ang katinuan ng aking isip. Nagbabad ako sa ilalim ng shower hanggang sa kumalma ako. At tama si Ceelin. Siya lamang mag-isa ang natulog sa kama dahil sa sofa ako natulog," paliwanag naman ni Phil sa kanyang ama. Muli niya akong tinapunan ng tingin ngunit kagaya kanina ay iniiwas ko lamang ang aking paningin sa kanya.

"Kahit totoo na walang nangyari sa pagitan ng mga anak natin ay hindi pa rin maniniwala ang mga tao na walang nangyari sa kanila, Mr. Salvatore. Magiging katawa-tawa ang anak ko. Masisira ang reputasyon niya. Sino na lamang ang matinong lalaki ang papayag na magpakasal sa kanya? Kaya nararapat lamang na pakasalan ng anak mo ang anak ko para hindi masira ang reputasyon niya." Talagang iginigiit ng ama ko na pakasalan ako ni Phil. Mukhang hindi siya papayag na hindi magtagumpay ang kanyang plano.

"I don't care about my reputation, Dad. Wala rin akong pakialam kung walang lalaking nais na magpakasal sa akin dahil wala naman akong balak na mag-asawa. Huwag mo nang ipilit ang gusto mo dahil hindi mangyayari iyon," muling kontra ko sa aking ama.

"Makinig ka sa Dad mo, Ceelin. Para rin naman sa ikabubuti mo ang nais niyang mangyari. You need to marry, Phil," pangungumbinsi sa akin ni Mommy. For the first time ay nagsalita siya para panigan ang aking ama.

Lihim akong napaismid. They are really good at portraying as my loving parents. What a perfect couple. Ngayon ay nagdududa na tuloy ako na hindi sila ang tunay kong mga magulang. Dahil walang magulang na nananaising mapasama ang kanilang anak.

"Mom. Dad. If you really want to have a connection to the Salvatore family through marriage then why don't you let my younger sister marry Phil instead of forcing me to marry him?" prangkang tanong ko sa mga magulang ko. This time, I know na wala ng pag-asa na magtagumpay ang plano nila. Lihim akong nagbunyi.

Galit na sinampal ako ng aking ama. "How dare you say that to us! You're unfilial daughter!"

Napahiya ng labis ang ama ko kaya walang paalam na lumabas ito ng silid matapos akong bigyan ng malakas na sampal. Nagmamadali namang sumunod sa ama ko ang aking ina at nakababatang kapatid.

"I'm sorry for the trouble, Mr. Salvatore," paumanhin ko sa ama ni Phil. Tinapunan ko ng mabilis na tingin si Phil bago ako lumabas ng silid.

Masakit man ang mukha ko dahil sa sampal ng aking ama ay masaya at magaan naman ang pakiramdam ko. Sa wakas ay natakasan ko ang sitwasyon na naging dahilan kung bakit mas naging miserable ang buhay ko sa aking past life. From now on, I will decide my own fate. I will create my destiny.