CHAPTER 3

NAGPALIT ng damit si Kaizer at mag-isang umalis patungo sa Payatas kung nasaan ang kaniyang kapatid. Walang guards at walang mga tauhan ang pinabuntot niya.

“Kapag naiuwi kita, matatamaan ka talaga sa akin bata ka,” aniya sa kaniyang sarili habang nagmamaneho.

Dumagdag pa sa inis niya ang trapikong hindi niya kontrolado. Ngunit kahit na ganoon ay nanatili siyang kalmado. Hanggang sa may ma-receive siya notification sa Mafia Lord Site.

“Tsk! What the heck is the problem of this old man!” anas niya habang binabasa ang abiso.

Napapailing nalang siya habang binabasa iyon. Manghihiram ng sattelite si Don Alfonso to search a woman?

Si Kaizer lang ang may malawak na sattelite kaya alam niyang sa kaniya nakikiusap ang matanda. Dinaan pa talaga sa Group Site ng mga Local Mafia Lord ang pagpaparinig nito.

Tuluyan niyang inihagis ang phone niya sa kabilang seat.

“No the hell! For sure na para lang iyan sa kaniyang kalib*gan. Di na bago ‘to,” napangisi siya sa isipin na paniguradong manggagalaiti na naman iyon sa pang-iignora niya.

He’s not interested who’s the woman he’s searching for. Unang pagkakataon ito na nagpahanap siya ng babae. Sa dami ng babae sa mundo, may nakapagpabaliw sa baliwng si Don Alfonso.

Pagak siyang napatawa sa pangmamaliit nito sa astang asong ugale ni Don Alfonso. Ang kung sino man na makibagay rito’y kagaya niya ring, asal aso. Kaya nga umiiwas siya rito.

Nang malapit na siya sa patutunguhan ay nakita niya ang ilang sasakyan na may palatandaang ahas na nakapulupot sa arrow.

Napangisi siya.

“Ano ba ang tinira nun at tuluyang nabangag ang matanda na ‘yun?” anito sa sarili.

How come’s na nagpakalat kalat ang mga tauhan niya. Dahil pa rin ba sa babaeng hinahanap niya?

Gayunpaman ay nagpatuloy siya sa pagmamaneho. Wala siyang pake sa pinagagawa ng kapwa Mafia Lord niya.

****

“Naku Miss Layla, hiyang hiya na talaga ako sa iyo. Ang dami mo ng binibigay na tulong sa akin. At di lang ‘yun, dinamay mo pa ang mga kapitbahay ko,” wika ni Agnes. Kaibigan niyang tumigil sa pag-aaral dahil sa kahirapan.

Inakbayan ni Layla ang kaibigan na para bang, ipinaparamdam nitong hindi siya nagmamataas.

“Alam mo naman na bestfriend tayo. Isa pa, wala lang itong mga naitulong ko. Maliit na bagay lang ito. Hayaan mo, kakausapin ko si Kuya para makabalik ka sa school.”

“Talaga! Naku h’wag na. Nakakahiya na masyado. Sobra sobra na ang mga naitulong mo,” nahihiyang tanggi ni Agnes.

"Tsk. If I said, I will do. So please, huwag ka ng komontra. Gusto ko rin makatapos ka,” aniya pagkatapos ay niyakap niya ang kaibigan.

Mangiyak ngiyak naman si Agnes na tinugunan ang yakap nito.

Nang biglang —

“LAYLA!” tawag ng baritonong boses. Kilalang kilala ng dalaga iyon kaya naman, mabilis siyang ginapangan ng kaba.

Nang tingnan niya ang lalaking pinanggalingan ng boses ay napakagat labi siya.

“K-Kuya, p-paanong —”

Hindi pa siya natatapos magsalita ay hinigit na siya ng matangkad at gwapong lalaki. Malaki ang pagkakahawig ni Layla at base na rin sa pagtawag ni Kaizer sa dalaga ay alam na ng mga tao doon kapatid niya ito.

Kaya naman ng kaladkarin niya ang dalaga at nagpupumiglas sa mahigpit niyang pagkakahawak, ay walang nakialam.

Liban kay Agnes.

“S-Sir! Huwag po! Wala pong ginagawang masama si Layla,” paghila ni Agnes sa kaibigan.

Dahil dito’y tumalim ang tingin ni Kaizer kay Agnes.

“And who the hell are you!?”

Biglang kinilabutan ang kaibigan ni Agnes at nabitawan ang kaibigan.

“Kuya naman! Natakot tuloy sayo ang kaibigan ko!” sigaw ni Layla na halos maiyak na dahil sa eksenang ginagawa ng kaniyang kuya.

“At mas lalo siyang matatakot kung patuloy mong susuwayin ang mga sinasabi ko sayo. Ang tigas talaga ng ulo mo!”

Dahil sa pagpupumilit makawala ng kaniyang kapatid ay binuhat nalang niya ito sa kaniyang balikat. Wala ng nagawa ang dalaga kung hindi magpatianod nalang habang naiyak na.

Sinundan lang siya ng tingin ng mga tao roon.

Nang tuluyang maisakay ni Kaizer ang kapatid ay saka pa lang linapitan ng lalaking may mga tattoo si Agnes.

“Yun ba ang tinutukoy mong kaibigan?”

“Opo Tito.”

“Alam mo na ang gagawin. Mukhang tiba tiba tayo sa isang ‘yan,” anito saka ngumisi.

Napailing naman si Agnes. Alam nito ang binabalak ng kaniyang Tito Alfred. Kagaya ng dating gawi, makikipagkaibigan siya sa mayaman at kukuhanin ang loob.

Target nila ay ang may malalambot na puso kagaya ni Layla. Pero si Layla pa lang ang pinakamayamang kaibigang nakilala niya.

Kaya naman, excited na siya na makimkim kung anong meron sa kaniya. Gusto niya ang buhay nito, kaya nanaisin niyang gayahin ang pamumuhay nito, kapag nakulimbat ng kaniyang tiyuhin ang pera nila.

Pumasok na siya sa kanilang barong barong na bahay at itinago ang ibinigay sa kaniya ng kaibigan. Wala siyang paki kung saktan o pagalitan siya ng kuya niya.

Alam rin kasi niya na pupuntahan pa rin siya nito. Nakabisado na niya kasi ang ugale ni Layla. Masyadong malambot ang puso nito.

At dahil napagalitan siya ng kuya niya kanina, for sure hindi na naman iyon makakatulog sa guilt. Iisipin nun na dahil sa kaniya, kaya natatakot siya ngayon. Ibibig-deal na naman nun ang maliit na bagay.

Napairap nalang si Agnes sa taas.

“Ang OA. Feeling santa. Sarap tirisin. Akala mo kung sinong anghel,” anas pa nito sa sarili na tila ba, naiirita siya sa sobrang kabaitang ipinapakita ng kabigan.

“Ang t*nga t*nga,” dugtong pa nito.

Sa totoo lang ay naiinis siya kay Layla. Kung bakit kasi, siya pa ang naging anak mayaman. Isang uto-u***g babae na madaling malansi.

“Kalma Agnes. Magiging mayaman ka rin. Ipakita mo kay Layla na di siya worth it sa yamang tinatamasa niya. Puro pasikat sa mahihirap na kunwari tumutulong para mas umangat ang tingin sa kaniya. Bwesit na babae yan!” panggagalaiti pa niya sa dalaga.

***

Samantala, nang makarating sa Bulacan sina Cassy ay dumeretso na sila sa bar na tinutukoy ni Diane. May kalakihan din iyon at halatang di bababa sa 10 million ang nagastos doon.

Kaya napagtanto ni Cassy na sobra naman talagang mayaman si Diane. Kaya nagtaka siya kung bakit nakasakay ito sa bus kanina kung puwede naman siyang magsasakyan. For sure naman siguro, may sarili itong sasakyan.

Imposible naman down to earth or humble lang ito. Lalo pa at galing siya sa mga gahamang tao. Madaming makapangyarihan at halos lahat ay mapagpanggap para sa sariling kapakanan.

Tinatandaan niya ang bawat red flag ng tao. Ayaw niyang mag invest ng trust sa kasama niya ngayon. Natuto na siya sa kaniyang pinagdaanan.

— TO BE CONTINUE —