Chapter 25

"SAAN ka galing, Rose?" tanong sa akin ni Tita Divine matapos kong pumasok ng bahay. Sinadya kong paunahin siya at magpahuli para hindi mabuking na nakita ko siya kasama ang isang estranghero kanina. 

"Kinausap po ako ng may-ari ng private property kanina." 

"Anong sabi? Kakasuhan ka raw ba?" 

Umiling ako. "Hindi po malinaw, eh. Itanong ko na lang po ulit bukas." 

"Siya, siya, sige. Pumanhik ka nang kwarto mo at baka napagod ka na masiyado sa school. Ako rin, magpapahinga na rin muna ako. Napagod ako paglalakad pauwi." 

"Naglakad lang kayo pauwi, Tita?" agad kong tanong.

Tumango naman siya at saka nag-unat ng katawan. Napakunot ang noo ko sa narinig ko mula kay Tita. Kitang-kita ko kanina na bumaba siya mula sa isang kotse. Kaya lalong lumalakas ang kutob ko na may itinatago siya, eh. Panay kasi ang pagsisinungaling niya. 

Noong nakaraan ang sabi niya magsisimba raw siya pero nakita ko sya sa isang restaw