CHAPTER 6

Nasa isa akong Spa kasama si Mariane, girl-bestfriend ko. Nakilala ko siya noon sa college, laging binubully dahil sa pagiging scholar ng school. She was smart and kind, ngayon lang kami ulit after a year dahil busy ito sa business niyang café. Nagkatampuhan din kami dahil ayaw na ayaw niya noon kay Calvin, dahil nga bulag ako sa pag ibig mas pinili ko si Calvin kaysa sa kaibigan mo.

Naisipan ko siyang kausapin ulit at sa wakas naging okay na kami. Nakakamiss ang kulitan namin.

Medyo okay nadin ang mga sugat at ang paa ko. Naghihilom na ng lubusan, ang puso ko nalang ang hindi pa. Nakakalakad na rin naman ako ng maayos. Nakakagala na din.

“Sabi ko naman kasi sayo noon na wag mo nang ituloy ang kasal.” Tumawa ito.

“Akala ko kasi pagtapos naming ikasal matutunan niya akong mahalin.” I sigh.

“Akala mo lang yun besh, siyaka mabuti naman at hiniwalayan mo na para naman makahanap kapa ng kapalit, nako sayang kaya lahi mo.”

Tiningnan ko siya ng masama kaya tumawa ito. Maganda si Mariane dahil marunong na syang mag ayos, hindi katulad noon na literal na nerd at weirdo. Hindi ko nga alam kung bakit tumagal ang pag kakaibigan namin, baka dahil pareho siguro kami ng ugali? Well mas masama nga lang ang ugali niya dahil kapag nagalit nagiging demonya literal.

“Wala pa akong planong maghanap ulit, siyaka kapag naka fully move on nako. . . gusto kong bigyan ng chance si Stev. He's a good man Mari, you know that.”

Bumuntong hininga ito at mukang hindi kumbinsido sa sinabi ko.

“Yeah, I know.”

“Bakit? Mabait naman si Stev e’, siyaka he grown so much.”

“Sinabi mo din yan noon, tsk may nangyari ba? Wala! Siyaka ewan ko ba, naiirita ako kapag nakikita ko si Stev katulad din kay Calvin.”

I laugh. Lagi kasi silang mag kaaway noon ni Stev.

“Kailan kaba hindi nairita ka sa kaniya? It's because allergy ka sa mga lalaki dahil sa nang yaring heart break mo noon. Am I right?” Ngumisi ako para ma asar siya at mukang nagtagumpay naman ako.

“Past is past. Wag mo nang hukayin ang nakabaon na sa lupa.”

Tumawa ako at napa iling nalang. She's still affected, mukang may feelings pa rin sa ex niya.

“Anyway, nagyayayang gumala sa theme park si Stev, you want to come?” Anyaya ko sa kaniya. Reunion na din naming tatlo, gusto ko silang maging okay ni Steven. Makita na rin ang pagaaway nila. Kapag kamasa ko sila nagiging makulit ako, I miss being me. I miss myself.

“Really? Syempre sasama ako, nakakamiss pumunta don! Kailan ba? Para naman maka handa ako.” She sounds excited at niyugyog pa ako.

“Aray! Wag kanga magulo baka masira ang kuko ko sa paa.” Suway ko pero muli itong tumili kaya napatingin sa amin ang naglilinis ng mga kuko namin, naiingayan na yata sa amin.

Nag papalinis kami ng kuko sa paa. Medyo madumi na din ang paa ko dahil ilang araw may bandage at betadine. Nakakahiya naman baka isipin ng mga tao bulok na ang mga kuko ko.

“Sornaman! Excited lang ako, nakakamiss din kasing bumalik sa pag ka bata. Can't wait talaga!”

Nang matapos kaming mag pa salon ay siyaka naman kami gumala sa mall. Bumili na ako ng iilang mga damit, gusto ko na ulit rumampa at ipakita ang babaeng sinayang ng halimaw ‘kong ex-husband.

Na eenjoy ko ang pag shoshopping namin ni Mariane, as in lahat ng nagugustuhan ko binibili ko kaagad. Hindi kasi ako nakakapag shopping simula nang mag asawa ako, well akala ko kapag naging matipid ako magiging mabuting may bahay ako pero hindi pala. Tsk! Sayang lahat ng effort ko! Bwesit! Ayoko na isipin!

“Grave ka talaga girl, lahat bagay sayo. Nakakaingit ka! Napaka perfect mo tapos sinayang ka lang, haha bulag siguro ang asawa mo.” Humagikhik pa siya.

“Tama na ang topic tungkol sa kanya, I want to forget him and start a new life. No more Calvin, just myself and me.” Napahinga ako ng malalim.

“Gora!! Well speaking of the devil—diba siya yun?”

Argh! Sabing no more Calvin muna. Ayoko munang siyang makita, baka maging marupok ako tapos sabihin ko sa kaniya na nagpapanggap lang ako.

Tamad ko siyang tiningnan at may itinuro ito sa isang mamahaling restaurant. Napasunod naman ako sa tinuturo ng nguso nito at doon ko nga nakita ang lalaking punyetang sumira ng buhay ko. He was sitting comfortably at mukang masaya ito sa kausap. Nang tumingin ako sa kausap niya ay siyaka ko lang napagtanto kung sino. It was Hailey, of course sinong hindi sasaya kung kausap niya ang first love niya slash kabet!

“Gosh besh, si Hailey. Oh no, tuluyan kanang ipinagpalit. Takte talaga yang si Calvin! Kahit naman siguro nawalan ka ng alaala at maghiwalay kayo e wala siyang pakialam.” Galit na bulyaw ni Mariane.

Hindi ko pinansin ang sinabi ni Mariane at maimtim na nakatingin lamang sa ex-husband ‘kong tumatawa habang kausap ang kabet niya. He looked so happy. Why he's so unfair? Pag dating sakin parang sinasakluban siya ng langin at lupa ni halos hindi ko siya nakitang ngumiti man lang kapag kausap ako. Pinigilan ‘kong umiyak.

“So, ahmmm anong plano mo?”

Alam din ni Mariane ang tungkol sa pag papanggap ko. Umismid ako at may naisip. I have a plan. I really good plan.

“Follow me, papasok tayo. Ihanda mo ang pagiging artista mo besh.” Ani ko kay Mariane. Tumango ito at mukang excited pa.

Hinila ko siya papasok at sabay kaming naglakad papunta sa kabilang table na kung saan sila Calvin. VIP table.

“Kunwari tumatawa tayo.” Bulong ko.

“Noted besh, ako bahala.” Kumindat pa ito at siyaka kami umupo.

“HAHAHA” maarteng tawa ni Mariane.

“Grave ka talaga besh, hindi ka na nagbago attractive ka parin. Akalain mo yun hiningi number mo, tapos isa pa siyang CEO ng malaking kompanya, my gosh it's a catch besh.”

Hindi ko alam kung anong pinagsasabi ni Mariane at mukang nilalakasan pa niya ang boses niya. Natawa nalang ako at siyaka siya sinabayan. Alam ko na kung anong minimean niya.

“Right? And he's body, gosh so damn hot!” Umakto akong kinikilig. Tangina bakit ba namin to’ ginagawa?

“Good afternoon beautiful ladies.” May lumapit na waiter. “Do you have a reservation ma'am?”

Shocks! Kailangan pa pala ng reservation. Ipinalapit ko ang waiter at binulungan ko ito.

“I'll pay it double, just give us this table.” Siyaka ako ngumiti sa kaniya.

“Sure ma'am. So, what is your order?” Tanong nito sa amin. Ngumiti ako at tumingin sa menu na nasa mesa.

“Hmnnn. . . can I get a vegetable salad with crab bits and caviar sauce, orange juice for my drink.” Tumingin naman ako kay Mariane na pumipili narin ng oorderin.

“Mine is. . . ahmmm I should try your best selling medium rare beef steak with buttered mushrooms and for my drink. . . just lemonade.”

Nilista na nang waiter ang order namin.

“That’s all ma'am?”

“Yes,” Sagot ko at siyaka ako tumingin kay Mariane. Actually busog pa talaga ako, si Mariane lang naman ang kanina pa nagugutom.

“Okay ma'am your order will be serve at 10 minutes. Excuse me,”

Umalis na ang waiter at nilakihan ko nanaman ng mata si Mariane para Ipagpatuloy ang ang naudlot na pagpaparinig niya.

“I bet he's good in bed too. Mukang type na type ka niya Claire, kakaingit.” Nilakasan pa niyang lalo. Naka rinig kami sa kabilang table ng pag-ubo. Mukang narinig naman nila ang pinaguusapan namin. Hindi ko makita ang nasa kabilang table dahil naka talikod ako sa kanila. Ngumiti ng nakakaloko si Mariane at siyaka muling nagsalita.

“Akin nalang kaya yun? May date naman na kayo ni Steven mamaya diba? Ipaubaya mo na sakin yung handsome sugar daddy kanina.” Niliitan pa niya ang boses niya. Grave talaga tong si Mariane, sobrang lala kung maka parinig. Wala naman akong naaalala na may date kami ni Stev. Pero ang gaga kinacareer ang pagpaparinig at pag aakting. Pwede na siyang pang FAMAS.

“Sure, I'm contented na kay Steven, he's so perfect and so kind.” Totoo naman, perfect na kaya ni Stev.

“I know, swerte mo nga sa kaniya, I wish I have Steven too.” Lumaki ang mata niya at alam kung nandidiri na ito sa mga pinagsasasabi. Gusto kong tumawa pero pinigilan ko ang sarili ko.

“Baka sunduin na ako ni Stev maya-maya, alam mo naman yun—parang asawa kung maka asta.”

“Malay mo mamaya na siya mag propose sayo—”

Nagulat kami ng biglang naka rinig kami ng pag suntok sa mesa. Napatingin kami ni Mariane sa kabilang table. Calvin is looking at the table madly while may hawak na tinidor. Any time parang masisira ang hawak nitong tinidor. Success! Mukang rinig na rinig nila.

Napatingin ako kay Mariane na may malapad na ngiti sa mga labi.

“Anyway I was just saying na baka naman ma resume niyo yung love story niyo.”

“Of course, hindi ko nga alam kung bakit pinatagal ko pa. Pero wala kasi akong matandaan kung bakit? Besides aalis na rin naman ako, susunod ako ng U.S with Steven at hinihintay ko nalang ang prinoprocess niya, ayaw niya namang sabihin sakin kung ano, but I trust him anyway.”

“Narinig ko nga gusto mo nang mag ka roon ng baby, kailan ba ang honeymoon?” Nakita ko ang mapang asar na ngiti ni Mariane. Gaga talaga, bakit umabot sa honeymoon? Mababatok talaga sakin to mamaya.

“Mamaya?” Tumawa ako at ganun din siya. Gaga talaga! Sinabayan ko na ang kabaliwan niya.

“Suppor—” Napa hinto ito nang napatingin sa likuran ko at tumaas ang kilay niya. Anong tinitingnan niya? Bigla tuloy akong kinabahan. Nakarinig nalang ako ng yapak sa likuran ko at bigla itong dumungaw sa gilid ko at tiningnan ako ng masama.