Chapter 16

"Hoy, Lily!" Kinatok ni Jaime ang kwarto ng anak. "Ilang araw ka nang nagkukulong diyan sa kwarto mo ah? Magmumukmok ka na lang ba diyan habang buhay?"

Ibinato ni Lily ang yakap-yakap na unan sa pintuan. "Leave me alone, dad!"

"Naririnig mo ba ang sinasabi mo? Sa tingin mo ba ay makakatulong yang ginagawa mong pagkukulong? Aba, kung ako sa iyo ay babawiin ko si Paxton sa babaeng iyon."

Nagtitili ang dalaga nang muling maalala ang bwisit na babaeng sumira ng kasal nila ni Paxton. Dapat ay nasa honeymoon na silang dalawa sa mga oras na ito kung hindi lang ito umeksena!

Mabuti na lang talaga at private ang kanilang kasal ayon na rin sa kagustuhan ni Paxton. Kung ipinilit niya sana ang gustong enggrandeng kasal at nangyari iyon ay malamang na mapapahiya siya! Magiging laman ang failed wedding niya sa mga magazines at tabloids ng ilang buwan!

Muling tumunog ang cellphone niya at nang nakitang si Paxton ulit ang tumatawag ay lalong nagliyab ang galit niya!

Nagpaliwanag na ito sa kanya thru