SEND TO THE WRONG HEART

“Secretary Erica!”Narinig ni Erica ang malakas na paghampas ng palad ni Maxwell sa lamesa. Sa sobrang lakas, napatalon siya sa gulat. Napairap na lang siya habang nakaupo sa desk, saka tumayo nang mabigat ang kilos, halatang wala sa mood.“Hay naku, Erica, ano na naman bang ginawa mo?” pataray na tanong ni Rubiy, ang katrabaho niyang abala sa paglalagay ng blush on sa pisngi.Halos lahat naman ata ng CEO may anger issue, pero si Maxwell Villarama—ang boss ni Erica—tila laging galit sa kanya. Para bang sa mata nito, wala na siyang ginawang tama.Paano ba naman, eh sobrang clumsy niya. Para siyang magnet ng gulo. Kaya alam niyang isang maling galaw na lang, tuluyan na siyang matatanggal. Paulit-ulit na lang din niyang naririnig kay Maxwell ang banta: “One more mistake, you’re gone.”"Mr. Villarama," sabi niya pagkarating niya sa opisina ng boss. Tiningnan siya ni Maxwell mula ulo hanggang paa... matagal, parang binabasa ang pagkatao niya. Sana nga diretsuhin na lang siya nito. Mas gugu

Hindi alam ni Erica kung bakit ganon ang mga sinasabi ni Maxwell sa interview. Alam ng lahat sa kompanya na may fiancée ito, at iyon ang modelo na si Violet. Pero bakit nito sinabi na siya ang girlfriend?Tumunog ang pinto. May kumatok.Wala naman siyang inaasahang bisita. Lumapit siya, binuksan ang pinto—at halos malaglag ang puso niya nang makita kung sino ang nasa harap niya.Suot pa rin ni Maxwell ang itim na suit na ginamit niya kanina sa interview, bahagyang bukas ang polo sa may leeg, at halatang galing sa diretsong biyahe.“S-Sir… Maxwell… anong ginagawa mo… rito?”Hindi siya agad sinagot ni Maxwell. Tinitigan lang siya nito ng matagal."Pasok po kayo," anyaya niya nang hindi pa rin ito nagsasalita.Binuksan niya ng malaki ang pintuan at sumunod naman sa kanya si Maxwell papasok. Tumigil ito sandali malapit sa pinto, at walang sabi-sabing sinuyod ng tingin ang buong apartment—mula sa maliit na couch, hanggang sa lamesita na may mug ng kape at ilang nagkalat na papeles.Medyo