Chapter 26.10

“Paano nangyari iyon?” mahinang tanong sa kaniya ng ama nila Vena.

Nang mga oras na iyon ay halos hindi siya makatingin rito ng diretso dahil ipinangako niya rito na sisiguruhin niyang nasa maayos at safe na lugar si Vena ngunit ganito naman ang nangyari. Kung tutuusin ay wala nga siyang mukhang maihaharap rito pagkatapos nga niyang malaman na nakaalis pala si Vena sa isla sa tulong ni ate Lorna dahil sa sobrang pagmamakaawa nito na tulungan siya.

Hindi niya alam kung paano niya ito nakumbinsi ngunit nasisiguro niya na ginawa nito ang lahat ng makakaya nito upang mapapayag niya ito na tulungan siya.

“Hindi ko rin po alam. Ang alam ko lang ay nasa mabuti at safe siyang lugar pero ganito naman ang nangyari, pasensiya na po.” paghingi niya rito ng paumanhin.

Nasa tabi nito ang dalawang anak nito na kasama niyang nagpunta doon at nakaupo sila sa paanan nito.

“Wala naman may gustong mangyari ito lalong- lalo ka na.” sabi nito na ikinagaan ng kalooban niya dahil mukhang hindi naman ito gal