Chapter 2

CHAPTER 2

Isang malalim na buntong hininga naman ang pinakawalan ni Allaicka  at saka siya umayos ng kanyang pagkakaupo sa tabi ni Kenneth.

“Sobrang namimiss na rin naman kita na makasama love pero alam mo naman na hindi pa pwede di’ba? Kasal kami ni Benjamin at hindi naman pwede na basta ko na lamang siyang iiwanan. Matanda na siya at kahit anong oras ay pwede na siyang bawian ng buhay kaya tiis tiis na lang muna tayo sa ganito. Alam ko na nahihirapan ka na at kahit naman ako ay nahihirapan na rin sa sitwasyon natin pero kailangan muna nating magtiis sa ngayon dahil balang araw naman ay parehas naman tayong makikinabang dito,” malambing naman na sagot ni Allaicka kay Kenneth dahil ramdam na niya ang sobrang pagkainip nito.

Wala namang nagawa si Kenneth kundi ang mapabuntong hininga dahil ano pa nga ba ang magagawa niya. Pumayag siya sa gustong mangyari na ito ng kanyang nobya kaya wala siyang  choice kundi ang magtiis din sa ngayon.

Long time boyfriend ni Allaicka si Kenneth at bago pa man siya ikasal sa matandang mayaman na si Benjamin Suarez ay nobyo na talaga niya ito. Pero nang dahil sa kahirapan at sa kagustuhan na makaahon kaagad sa kahirapan ay pikit mata na pinatulan ni Allaicka ang matandang mayaman na si Benjamin para gumanda ang buhay niya.

Pumayag naman si Kenneth sa ginawa na iyon ng kanyang nobya dahil napag usapan na nila ang tungkol sa bagay na iyon at napagkasunduan nga nila na kapag namatay na si Benjamin ay magpapakasal din sila kaagad na dalawa dahil siguradong sigurado si Allaicka na pamamanahan siya ng malaki ng matanda niyang asawa.

“Tsk… Bakit ba kasi ang tagal naman mamatay ng matanda na yan? Nakakainip nang maghintay,” tila inis pa rin na sabi ni Kenneth.

“Hayaan mo na at tayo rin naman ang makikinabang dito sa huli. Kapag wala na siya ay magiging maayos na ang buhay nating dalawa at  bubuo na rin tayo ng sarili nating pamilya,” sagot naman ni Allaicka at saka niya hinalikhalikan si Kenneth sa labi.

Agad naman na gumanti ng halik si Kenneth dito at ang isang simpleng halik lamang ay nauwi na sa isang mapusok at mapaghanap na halik hanggang sa muli na naman nilang pinagsaluhan ang isang mainit na sandali.

Matapos nilang makaraos na dalawa ay halos hinihingal pa nga si Allaicka nang mapabalikwas siya ng biglang tumunog ang kanyang cellphone kaya naman dali dali niyang kinuha ang kanyang bag kung nasaan ang kanyang cellphone. At nang makita na niya kung sino ang tumatawag na iyon ay napabuga na lang talaga siya ng hangin sa kanyang bibig bago niya sinenyasan si Kenneth na huwag maingay.

“Where are you?” agad na tanong ng nasa kabilang linya na walang iba kundi si Benjamin ng sagutin ni Allaicka ang naturang tawag.

“Hello, Benj. May pinuntahan lamang ako pero pauwi na rin naman na ako,” malambing naman na sagot ni Allaicka sa kanyang asawa.

“Gusto mo ba na ipasundo kita?” tanong pa ni Benjamin dahil nag aalala na siya sa kanyang asawa. Nakasanayan na kasi niya na sa tuwing uuwi siya mula sa opisina ay agad na sumasalubong ang kanyang asawa na si Allaicka sa kanya.

“Naku, wag na. Kaya ko naman umuwi ng mag isa. Hintayin mo na lamang ako r’yan,” sagot naman ni Allaicka habang isa isa na niyang dinadampot ang nagkalat niyang damit sa sahig.

“Sige. Mag iingat ka pag uwi mo,” sagot naman ni Benjamin.

“Opo. Sige na. Uuwi na rin ako,” sagot naman ni Allaicka at siya na rin nga ang kusang nagputol ng kanilang tawag.

Humarap naman si Allaicka sa gawi ni Kenneth at napabuntong hininga na lang talaga siya dahil kanina pa ito titig na titig sa kanya. Isa isa naman na isinuot ni Allacka ang kanyang mga damit bago niya linapitan ang binata.

“Konting tiis na lang balang araw ay malaya na rin tayong magsasama na dalawa. Bukod pa roon ay masaya tayong magsasama na dalawa dahil ipapamana sa akin ni Benjamin ang lahat ng kayamanan niya,” sabi ni Allaicka kay Kenneth at saka niya ito dinampian ng magaan na halik sa labi. “Aalis na ako dahil hinahanap na ako ni Benjamin. Mahirap na baka makahalata pa siya. Bayad naman na itong hotel hanggang bukas kaya pwede kang mag stay muna rito,” dagdag pa niya.

“Sige. Mag iingat ka. I love you,” sagot ni Kenneth kasabay ng pagtango nito pero bakas mo sa mukha nito ang labis na kalungkutan.

“I love you too,” sagot naman ni Allaicka at saka siya tuluyang umalis doon.