Chapter 5

CHAPTER 5

“Mukhang napagod na si Mr. Alvarez at wala na sa mood na makipag usap sa kanyang mga bisita. Naiintindihan naman kita dahil talaga namang nakakapagod ang mga ganitong event. Nang ikasal kasi kaming mag asawa ay napakarami rin naming bisita na mga kilala sa negosyo kaya ang kasal namin ay tila naging isang event ng mga nasa mundo ng pagnenegosyo,” sabi naman ni Benjamin ng mapansin niya na tila napilitan na lang si Jake na tanggapin ang pakikipagkamay niya rito.

Hindi naman nagsalita si Jake at napatingin naman siya sa kasamang babae ni Benjamin na kanina pa nakatitig sa kanya.

“Pasensya na kayo sa asawa ko dahil hindi talaga siya sanay dumalo sa mga ganitong pagtitipon,” hinging paumanhin ni Benjamin kay Jake ng mapansin niya na nakatingin ito sa kanyang asawa.

Napatingin naman si Benjamin sa kanyang asawa at titig na titig nga ito kay Jake kaya naman mahina na lamang niyang pinisil ang kamay nito kaya naman biglang napabalik sa wisyo si Allaicka.

Nang lumapit kasi sa kanilang pwesto si Jake ay hindi naiwasan ni Allaicka na mapatitig dito at talagang  napaawang pa nga ang kanyang bibig dahil sa totoo lang ay napakagwapo, matipuno ang katawan at higit sa lahat ay napakalakas ng dating nito kaya naman hindi na naiwasan pa ni Allaicka ang mapatitig dito.

Napakurap kurap naman si Allaicka ng maramdaman niya ang pagpisil na iyon ni Benjamin sa kanyang kamay. Napatingin pa nga siya sa gawi nito at kitang kita niya ang seryosong titig nito sa kanya kaya naman napalunok na lang siya ng sarili niyang laway.

“Mrs. Suarez, siya nga pala ang aking nakatatandang kapatid— si kuya Jake,” sabat naman ni Jordan ng bigla ngang matahimik ang mga ito.

Muli namang napatingin si Allaicka sa gawi nila Jordan at nang mapansin niya ang kakaibang tingin na iyon ni Jake ay pilit na lamang siyang ngumiti rito.

“N-Nice to meet you, Mr. Alvarez,” bati na lamang ni Allaicka rito at saka niya inilahad ang kanyang kamay dito.

“Nice to meet you too, Mrs. Suarez,” sagot naman ni Jake at mabilis  niyang tinanggap ang pakikipagkamay nito at hindi pa nga ito nakuntento dahil hinalikan pa niya ang likod ng palad nito.

Nagulat naman si Jordan sa ginawa na iyon ng kanyang kapatid at pati na rin si Benjamin ay nagulat din sa ginawa nito pero ang mas nagulat talaga sa kanila ay si Allaicka kaya naman agad na nitong nabawi ang kanyang kamay na hawak ni Jake. 

Pilit na lamang na nginitian ni Allaicka si Jake at saka siya dumikit sa kanyang asawa na masama na ang tingin sa binatang kanilang kaharap.

“Ahmm… Ang mabuti pa ay maiwan na po muna namin kayo, Mr. Suarez. Marami pa po kasing kailangan lapitan ang aking kapatid. Excuse me,” sabat na ni Jordan dahil ramdam na niya na baka magkagulo pa ang mga ito dahil sa ginawa ng kanyang kapatid.

Hindi na rin naman hinintay pa ni Jordan na magsalita sila Benjamin at inaya na niya ang kanyang kapatid na umalis doon dahil ayaw naman niyang magkaroon pa ng hindi magandang eksena roon.

Nang tuluyan ng makaalis ang magkapatid na Jake at Jordan ay humarap naman si Benjamin sa kanyang asawa.

“Are you okay?” tanong ni Benjamin sa kanyang asawa at saka niya hinawakan ang kamay nito.

Napabuntong hininga naman si Allaicka at saka siya pilit na ngumiti sa kanyang asawa kasabay ng kanyang pagtango.

“Ayos lang ako,” tipid na sagot niya rito.

Dahan dahan naman na tumango si Benjamin habang seryoso niyang tinitigan ang kanyang asawa. Sa totoo lang ay hindi niya nagustuhan ang ginawa na iyon ni Jake sa kanyang asawa dahil ang ayaw niya sa lahat ay ang may kaagaw sa babaeng pagmamay ari niya. Ayaw na ayaw niya na mayroong nakikisawsaw sa kanyang pag aari dahil talagang hindi siya mangingiming ipapat*y ito kahit na kilalang tao pa ito.