Chapter 3

CHAPTER 3

Agad naman na sumakay ng taxi si Allaicka pagkalabas niya sa hotel at agad na siyang dumiretso sa mansyon. May pagmamadali pa nga siya na pumasok sa loob ng mansyon at naabutan na niya si Benjamin sa sala na mukhang kanina pa naghihintay sa kanya. Inaayos naman na muna ni Allaicka ang suot niyang damit at napabuga pa siya ng hangin sa kanyang bibig bago siya lumapit sa kanyang asawa.

“Honey, pasensya na kung napaghintay kita. Traffic kasi at napakabagal ng nasakyan kong taxi,” malambing naman na sabi ni Allaicka sa kanyang asawa. Agad din siyang naupo sa kandungan nito at saka niya ito hinalikan sa labi.

“Saan ka ba kasi galing? May driver naman dyan dapat ay nagpadrive ka na lang sa kanya kung saan ka man pupunta. Delikado sa labas at baka kung ano pa ang mangyari sa’yo,” puno ng pag aalala na sabi ni Benjamin sa kanyang asawa.

“Nagpahangin lang ako sa park. Naglakad lakad. Gusto ko rin minsan na magmuni muni kaya gusto ko na lang magcommute. Nag iingat naman pati ako kaya wag mo akong alalahanin,” sagot naman ni Allaicka at saka niya ikinawit ang kanyang braso sa balikat ng kanyang asawa bago niya ito hinalik halikan sa labi.

Pinakatitigan naman ni Benjamin ang kanyang asawa at dahil nga sa ginagawa nito sa kanya ay agad din naman na nag init ang kanyang katawan kaya naman napatikhim na lang siya.

“Tara sa kwarto,” pag aaya nito at kahit na gustuhin man nito na buhatin ang kanyang asawa ay hindi na niya kaya dahil nga may edad na siya pero gayunpaman ay hindi iyon hadlang para hindi siiya maging aktibo sa kama.

Agad naman na tumayo si Allaicka at napalunok na lang talaga siya ng sarili niyang laway pero nang mapansin niya na nakatitig sa kanya si Benjamin ay pilit siyang ngumiti rito at saka siya sumunod dito papunta sa kanilang silid. Npabuntong hininga na lang talaga siya dahil kahit na naaalibadbaran siya sa pakikipagtalik dito ay wala naman siyang magawa dahil asawa niya ito.

Kinabukasan naman ay mayroong dadaluhan na dinner party si Benjamin at syempre kasama niya na dadalo roon ang kanyang asawa.

Suot ang off shoulder fitted red dress ay lutang na lutang ang kaputian at magandang hubog ng katawan ni Allaicka. Isa rin sa nakakaagaw ng pansin sa kanya ay ang malusog nitong dibdib na talaga namang napapalingon ang mga kalalakihan na nadadaanan nila at kahit pa napakasimple lamang ng make up nito ay talagang napapalingon ang karamihan sa kanya.

Kung titingnan mo si Allaicka ay mapapagkamalan mo talaga na nagmula ito sa mayamang pamilya dahil sa pananamit nito at sa kutis ng balat nito at hindi mo talaga aakalain na laki ito sa hirap dahil kung kumilos ito ay talagang nakikipagsabayan ito sa mga sosyal na mayayaman.

Habang naglalakad silang mag asawa sa red carpet ay nakahawak si Allaicka sa braso ng kanyang asawa at ramdam na ramdam niya na maraming mata ang nakatingin sa kanila ngayon kaya naman hindi niya maiwasan na hindi makaramdam ng hiya at matinding kaba.

Ramdam naman ni Benjamin na naiilang na si Allaicka na pinagtitinginan ito ng mga tao roon kaya naman agad na silang dumiretso sa kanilang magiging table,

“Ayos ka lang ba?” hindi na napigilan na tanong ni Benjamin sa kanyang asawa ng makaupo na silang dalawa.

Matamis naman na nginitian ni Allaicka ang kanyang asawa at saka siya marahan na tumango.

“Oo, ayos lamang ako. Medyo nakakailang lang talaga ang mga tingin nila sa akin,” sagot ni Allaicka.

Napabuntong hininga naman si Benjamin. Kinuha naman niya ang isang kamay ng kanyang asawa at saka  niya ito hinalikan.

“It’s okay, hon. Masyado ka kasing maganda at sexy kaya naman napapatingin ang lahat sa’yo. Hayaan mo lang sila dahil namamangha lang ang mga iyan sa’yo,” sagot naman ni Benjamin habang may matamis na ngiti sa labi nito.

Napangiti na lamang din si Allaicka dahil sa sinabi na iyon ng kanyang asawa. Sa totoo lang ay hindi talaga sanay si Allaicka sa mga ganoong pagtitipon at mas lalong hindi siya sanay na tinitingnan siya ng maraming tao. Isa rin sa nagpapakaba kay Allaicka ay baka malaman ng mga naroon na nanggaling siya sa mahirap na pamilya at baka maging tampulan siya ng usapan ng mga naroon. Kaya naman kapag ganoon na may pinupuntahan sila na event na mag asawa ay madalas na ayaw ni Allaicka na makihalubilo sa mga tao na naroon.