Chapter 14

“Shit!” sigaw ni Lucio. “Shit! Shit! Shit!”

Pinagsisipa nito ang mga lamesa na nakatumba na. Wala nang tao sa warehouse kung saan ang nagsisilbing pasugalan nila. Nagkalat ang mga baraha at majong pieces sa sahig. May mga ilan ding katawan na nakahiga sa sahig mga wala ng buhay. Wala na ang mga taong nanugod doon at sinira lamang ang lugar saka kinuha lahat ng kinita nila. Limas lahat at kahit na piso ay walang tinira.

“Putangina! Sino ang gumawa nito?!” tanong nito.

Napatungo ang mga tauhan nila. May isang lumapit kay Lucio para magsalita. “Hindi pa rin namin nakilala, Gov.”

Bigla na lamang itong bumalandra sa sahig dahil sa pagsuntok ni Lucio. “Hindi iyan ang gusto kong marinig!”

Napaubo ang lalake. Dumura ito ng dugo at muling tumayo. “P-Pero may nakita kami, Gov.”

“Ano ‘yon?”

Pinasunod ng lalake si Lucio sa isang bangkay. Nakasuot ito ng itim na kasuotan. Maging ang maskara nito ay itim din kaya hindi makilala ang mukha. Nilapitan ito ng tauhan ni Lucio at inangat ang kamay. Ibina