Kabanata 14

Noon pa man, kapag nagdedesisyon si Lera ay palagi niyang pinipili kung saan ang tama at panatag ang kan'yang loob. Subalit nang dumating si Arim, inuuna niya ang makakabuti at makakapagpasaya sa anak. Ito'y kahit pa labag ang desisyong gagawin sa kagustuhan niya.

"Mama, gusto ko mag-sleep sa tabi ni papa." 

Napatigil si Lera sa pagkiliti at paghalik sa anak nang magsalita ito. Kasalukuyan na silang nasa kwarto at handa nang matulog.

"Tulog na 'yon baby," palusot niya kahit ang totoo'y nakita niya pa itong dumaan sa tapat ng kanilang kwarto.

"Pero 'di ba dapat nag-good night siya sa akin? Kasi ikaw, si lolo at si lola, tapos si Tito Mikoy gano'n ang ginagawa." 

Malungkot siyang napangiti nang banggitin ng anak ang kan'yang pamilya. Nami-miss niya na ang mga ito. Alam niyang labag sa kalooban ng kan'yang mga magulang, lalo na ang ama, na sa mansyon sila tumira ng anak, ngunit wala siyang magagawa. Higit pa ngayon na tila labis ang kagalaka