Ikawalong Kabanata

“Layuan ko si Maxwell? May sira na ba ’yang utak mo? May kontrata kaming pinirmahan Maxine at nakasaad doon na kailangan naming magsama for the sake of our company!” singhal ko kay Maxine at napangisi naman siya.

“Para sa kumpanya? Eh paano naman ang iyong ama?” tanong nito sa akin at pinandilatan pa ako ng kaniyang mga mata.

“Kahit anong kondisyon, huwag lang iyan! Ayaw kong magising si daddy na wala na ang kumpanya. Buhay nga siya pero para ko na rin siyang pinatay kung pati ang kumpanya ay mawawala rin lang sa kaniya, buhay na niya ang kumpanya Maxine!” singhal ko dito at nagdabog ako pabalik sa kwarto.

Pagkapasok ko sa kwarto ay napasapo kaagad ako sa aking noo. Unti-unti na ring tumutulo ang mga luha ko habang inaalala ang aking ama at ang kumpanya.

“Naomi? Anong nangyari? May problema ba?” tanong sa akin ni Maxwell pagkapasok niya sa kwarto.

“Wala! Huwag ka namang ganiyan oh. Huwag mong ipamukha sa akin na concern ka kung hindi nama