CHAPTER 13

"RITA, AYOS KA LANG BA?"

Nag-angat siya ng tingin sa katabing kaibigan saka nginitian ito ng matipid. Puno ng pag-aalala at pagtatanong ang mga mata nito. Alam niyang nakarating na rin sa kaibigan niya ang balita tungkol sa kanya at kay Luken pero hindi ito nagtanong nang makitang namumugto ang mata niya kanina.

"Ayos lang ako, Mad." Aniya saka iniwas ang tingin dito at itinuon ang atensyon sa sinusulat. Ramdam niya pa rin ang titig ni Madden sa kanya. Marahas na bumuntong-hininga si Sinnerita.

Biglang bumigat ang nararamdaman niya lalo na ng hindi man lang siya sinundan ng Luken. Hindi naman sa umaasa siya pero may parte pa rin sa kanya na nagbabakasali.

Napatigil sa pagsusulat si Sinnerita at napahigpit ang hawak sa ballpen. Kumalat agad sa buong campus ang tungkol sa kanilang dalawa ni Luken. Lahat ng mata ay nakatingin sa kanya, nag-uusisa at nagdududa. Naiilang si Sinnerita at hindi siya komportable sa atensyong nakukuha niya. Pakiramdam niya isa siyang suspek sa krimen na hindi