Kabanata III

Suot ni Eleanor ang isang seksing itim na gown. Hapit na hapit ito sa kanyang katawan, kaya kitang kita ang kurba ng kan'yang beywang. Bukod pa rito, pinuno siya ni Don Constantino ng mga alahas– tunay man o peke, ay dumagdag ito sa kan'yang kagandahan.

Mabilis ang tibok ng puso niya nang tawagin siya ni Don Constantino, ang totoo ay wala siyang ediya kung bakit sila nasa ganitong lugar. Ang tanging sinabi lang sa kan'ya ng Don ay magtatrabaho siya para rito. Magtatrabaho. Pero ano ang ibig sabihin nito?

"Bilisan mo!" utos nito na agad niyang sinunod kahit pa nangangatog ang mga tuhod.

Nang nasa harap na siya ng Don, ay hinila siya nito palabas ng backstage. Sinalubong siya ng spotlight na nakatapat mismo sa kan'ya. Nakakasilaw, ngunit nakikita parin ni Eleanor ang napakaraming tao sa harap ng entablado, sa harap niya – karamihan ay matatandang lalaki at tila mayayaman.

"Our main course for tonight!" anunsyo ni Don Constantino sa mikropono na lalong nagpaexcite sa buong lugar.

Hindi niya maintindihan. Gulong-gulo ang isipan niya, ngunit sa kabila ng takot, nangingibabaw ang kanyang taglay na ganda. Para siyang isang anghel na naligaw sa impyerno.

"For the starting price… five million pesos!" sigaw ng isang lalaki sa tabi ni Don Constantino.

"Ten million!" ang sagot ng isang matandang lalaki, mabilis pa sa alaskwarto itong tumayo gamit ang kan'yang baston.

"Fifteen million!" sa pagkakataong ito, isang matabang lalaki ang sumigaw, habang pinupunasan ang pawis sa noo.

Bakit? Bakit nagsisigawan ng ganoong kalalaking halaga? Saan papunta ang lahat ng ito?

Napalingon siya kay Don Constantino, at doon niya nakita ang pilyong ngiti nito.

'Ibinebenta ba niya ako?'

Bigla siyang hinintakutan, parang binuhusan ng nagyeyelong tubig na nagdulot ng panlalamig sa kanyang buong katawan. Hindi siya makagalaw at tila naparalisa sa takot. Sa bawat presyong sinisigaw, ay mas lalong pagpapadagdag ang kan'yang kaba.

"Twenty million!"

"Twenty-five million!"

Ang lugar na iyon ay naging isang palengke, at para siyang panindang pinag-aagawan ng mga lalaking hayok sa laman.

"One billion!"

Katahimikan. Nabingi ang lahat, kasama na si Eleanor. Lahat ng mata ay bumaling sa pinanggalingan ng boses.

Sa isang tabi, sa pinakataas, may isang lalaking nakasuot ng itim na polo. Dahan-dahan itong bumaba, ang mga yapak lamang nito ang tangin ingay na naririnig sa buong lugar.

"One Billion?" tanong ni Don Constanstino na nanlalaki ang mata at hindi makapaniwala sa narinig.

"She's mine!" hanggang sa tuluyan na itong nakababa at nasa harap na mismo ni Eleanor.

Si Knight Andrie, isa sa pinakamayamang lalaki sa buong Pilipinas. Isa itong bilyonaryo na hindi dahil sa pamana kundi purong pagsisikap.

Meron itong fiancée na siyang hahanapan niya ng pangregalo sa auction na ito. Ngunit ibang hiyas ang pumukaw sa kan'yang atensyon.

Na para bang sa unang tingin ay nabihag kaagad ng magandang dalaga ang mga kan'yang mga mata.

Si Eleanor naman ay hindi makapaniwala, nasa harap niya ang isang napakakisig na lalaki, hindi katandaan at hindi rin mukhang hayok sa laman.

"Eleanor Lualhati, a virgin probinsyana, SOLD TO THE BILLIONARE!" anunsiyo ng lalaking kasama ni Don Constantino.

Tumingin siya rito, malapad ang ngiti nitong lalakad papunta sa lalaking nasa harap niya.

"Mr.?" Bungad ng Don at iginaya ang kamay na para bang pinapaakyat sa intamblado si Knight. Ngunit walang pakealam si Knight sa spotlight, ang gusto lang niya ay bilhin ang babae.

"No need." Bulong ni Knight, "the contract." saad pa nito kaya tumango na lamang ang don.

"Dito tayo." Tumingin ang Don kay Eleanor at sinensyahang sumama sa dalawa na agad naman niyang sinunod.

SA BACKSTAGE, nanginginig na sa takot ang dalaga. Sa pag-kakataong ito ay gusto na niyang tumakbo ngunit nakabantay ang mga body guard ni Don Constantino na ang tingin ay nakatutok lamang sa kan'ya na para bang siya mismo ang binabantayan ng mga ito.

Kinuha ng Don ang isang folder sa table, at inilahad kay Knight.

"CONTRACT" 'yon ang nakalagay na pangalan sa labas ng folder.

Binuksan ito ni Knight at binasa ng tahimik.

"TERM'S AND CONDITIONS"

1. The 'buyer' who bought the 'sex-slave' at the auction shall pay according to his stated price.

2. If the 'sex-slave' does not obey the buyer, she may be punished or killed by the owner itself or by the Dark Auction.

3. If the 'sex-slave' escapes, she and her entire family shall be killed by the owner itself or by the Dark Auction.

Nagulantang si Knight sa nabasa, ito pala ang nilalaman ng kontrata.

Mayroong pinirmahan ang dalawa, si Don Constanstino bilang seller at si Knight bilang buyer.

Samantalang kinuha ni Don Constantino ang palad ng dalaga at walang pasabi itong sinugatan gamit ang maliit na blade.

Napangiwi ang dalaga sa pagkabigla at sa sakit. Inutusan siya ng don na mag thumbmark sa ilalim ng kontrata gamit ang dugo sa sugat niya

"H'wag na h'wag kang magkakamaling sumuway at tumakas, papatayin ka niya at maging ang buo mong pamilya." Bulong ng Don sa kan'yang tainga na dahilan pag silaglagan ng kan'yang mga luha.

Hindi siya makapaniwala, ang akala niya ay mabuting tao ang Don, na talagang tutulungan siya nito.

Ang akala niya'y trabaho lamang ang ipinunta niya rito ngunit ebenta siya nito sa isang auction, at isang bilyonaryo pa ang nakabili sa kan'ya.

"H'wag kang mag-alala, sasagutin ko ang pagpapagamot ng kapatid mo hanggang sa gumaling na siya." Muling bulong nito saka bumalik kay Knight at nagpaalam.

Hindi na niya napigilan ang kan'yang pag-iyak. Nakatingin lamang sa kan'ya si Knight. Halo halong emos'yon ang nararamdaman niya, sobrang bilis ng pagbabago ng buhay niya.

'Tama si tatay, mapapahamak ako.'

Nais na niyang sumigaw at humingi ng tulong. Punong puno na ng luha ang kan'yang mata.

"Shhh, it's okay now." Napatingin siya kay Knight. Seryoso ang maamo nitong mukha. Ang mga mata'y ay nakatingin sa kan'ya na parang nangunusap.

Kinuha ni Knight ang panyo niya at ipinahid sa mga luha ng dalaga.

"Let's go."

Sa isip ng dalaga ay, sana lamang ay mabuting tao ang nakabili sa kan'ya. Sana lamang ay maari niya itong pakiusapang h'wag siyang saktan o gawan ng masama.

Mabagal ang lakad ng dalaga at napansin iyon ni Knight kaya agad niyang kinuha ang kamay nito para makasabay ito sa lakad niya.

Hawak kamay silang lumabas sa isang madilim na lugar na iyon.