Chapter Twelve

Lloyd

Nagmamadali tuloy akong umalis sa apartment ni Francheska dahil sinabotahe ako ng alarm ko. Ni hndi na nga ako nakapag-paalam pa sa kaniya dahil do’n. Nag-book pa ako ng grab para lang makarating sa restaurant na sinabi sa akin ni Daddy.

Nang marating ko ang nasabing restaurant, napansin ko na thirty minutes na rin pala akong late kaya nilakihan ko na lang ang hakbang dahil alam kong kagagalitan na naman ako ni Daddy. Sa sobrang pagmamadali ko nga ay nabangga ko pa ang service crew na may hawak-hawak na tray na naglalaman ng mga platong pinagkainan.

Nag-cause pa ito ng dagdag na delay sa akin dahil naglaglagan ang mga pinggan sa aking harapan at hindi lang iyon. Lahat rin ng pinggan na nahulog ay nabasag.

“Matagal pa ba ‘yan? Hindi mo baa lam kung gaano karaming oras ko na ang sinayang mo?” sigaw ko habang nakatungo at nakatingin sa service crew na pilit inilalagay sa tray ang mga nabasag na pinggan.