Chapter 3

Kinabukasan, ganoon pa rin ang routine ko pagka bangon, maligo, magbihis at kakain. Pagbaba ko sa sala nakita ko ang naka lapag na dalandan sa lamesa. Bigla tuloy nag liwanag ang aking mata dahil ang daming prutas sa lamesa. Inilagay ko ito sa supot at ipinasok sa loob ng bag. Napansin kong nakatitig sa akin si mama.

"Umamin ka ngang bata ka. Naglilihi ka ba?" hindi ko naman maiwasan maubo dahil sa tanong ni mama.

Mabilis kong isinukbit ang aking bag sa balikat at humalik sa pisngi ni mama. Dahil ilang araw na rin ako nakaramdam na masama ang aking pakiramdam ay pumunta ako sa malapit na clinic.

"Over fatigue ka lang iha," sabi ng doktor.

Dumiretso na rin ako sa malapit na botika para bumili ako ng tatlong pregnancy test. Nang makabili ay naglakad na ako patungo sa building. Nakaramdam na naman ako ng hilo kaya bigla akong napasapo sa ulo.

Pinilit kong sumakay sa elevator kahit hilong hilo na ako. Nang bumukas ito ay humangos ako patungo sa opisina. Mag alas syete pa lang ng umaga kaya pwede pa ako magpahinga.

Pumasok na ako sa opisina ni Sir at inayos ang mga papeles na nasa lamesa. Nang matapos ay bumalik agad ako sa aking pwesto. Naalala ko na may dala akong dalandan kaya kinuha ko ito sa aking bag at nilabas.

Sarap na sarap akong kinain ito. Sinawsaw ko sa toyo na may sili. Ang sarap talaga buti na lang ay bumili nito si mama.

"Hello ate, ang aga niyan baka sumakit ang tiyan mo," bungad sakin ni Ann.

Nang matapos na ito mag lampaso ay lumabas agad siya. Mga ilang minuto na rin ang nakalipas ay bumukas ulit ang pinto.

"What kind of smell is this! You're eating inside the office!" galit na wika ni Aiden.

Hindi ko pinansin ang sinabi niya kaya patuloy pa rin ako sa aking kinakain. Narinig kong tumunog ang telepono kaya sinagot ko agad.

"Give me my tea now." Binaba na agad ni Aiden ang telepono. Mabilis naman ako nagpunta ng pantry para ipag timpla siya ng tea.

"Sir eto na po yung tea mo." Pagkalapag ko nito sa lamesa ay napaupo agad ko sa bench ng maramdaman na umiikot ang aking paningin. Ilang minuto pa ay tumayo na rin ako. Nakita ko ang mukha nito na nakakatakot ang tingin.

"Sir, may meeting po kayo ng two pm kay Mr Candelaria at pupunta rin dito ang daddy nyo ng four pm."

"Okay," sambit niya.

Nang makalabas na ako sa opisina niya ay nakita ko ang gwapong mukha ni David na hawak ang dalandan ko at tinatanggalan ito ng balat.

"Hoy! akin yan!" asik ko sa kanya at inagaw ang dalandan na hawak niya.

"Nagdala ako ng breakfast natin." Sabay turo ni David sa plastik.

"You're here again. Are you flirting my secretary Mr David?" galit na tanong ni Aiden sungit.

"Kaibigan ko siya, Gusto ko siyang kasabay kumain may problema ba? Bestfriend siya ni Kian." Nakita kong nasamid siya ng marinig ang sinabi ni David.

"Sana ay wala siyang matandaan," bulong ko sa sarili.

Nakita ko ang mga mata niyang nakatitig sa'kin. Nang makita kong inilabas ni David sa supot ang burger ay lumawak ang aking ngiti.

"Ang sarap ng cheese." Nakita kong nanlaki ang mata ni David dahil lahat ng burger ay tinanggalan ko ng cheese.

"Weird," sambit ni Aiden. Habang nakatingin pa rin sa'min. Nakita ko na kinuha niya ang isang pirasong burger. Napatitig ako sa cheese kaya nalungkot ang aking mukha.

"Gusto mo ba?" alok niya sakin.

"Yung cheese lang po," sagot ko sa kanya.

Inabot niya naman sa akin ang cheese kaya lumawak ulit ang aking ngiti sa aking labi.

"Alyssa grabi ka, cheese lang kinain mo. Sampung burger ang binili ko. Ang siyam cheese lang ang kinain mo. Ano gagawin natin sa natirang tinapay? Ang dami nito!" sabi niya sa'kin habang kamot ang ulo.

"Lagyan mo ulit ng cheese para makain ko," sabi ko sa kanya na nakangiti. Nakita ko naman na tumayo si Aiden at pumasok na sa opisina niya.

"It's already nine, balik muna ako sa work. Sabay tayo mamaya mag lunch." Nag okay lang ako sa kanya. Inumpisahan ko na rin ang mag trabaho, sinimulan kong replayan ang mga email pagkatapos ay inilista ko ang mga meeting na pupuntahan ni Sir Aiden. Nagsimula na rin ako mag encode sa excel. Itinago ko ang aking dalandan at pa simpleng dumudukot sa supot.

Paminsan minsan ay may tumatawag sa telepono pero agad ko naman itong nasasagot. Napahawak ako sa aking tiyan at iniisip kong ano ang nakalimutan ko kanina. Kinalkal ko ang aking bag at nakita ko ang test kit. Naramdaman ko na naiihi ako kaya humangos ako sa cr. Umihi na ako at itinapat ang test kit. Nanlaki ang aking mata ng makita ang dalawang kulay pula na guhit.

Sa huling pagkakataon ay umulit ako at nakita pa rin ang dalawang linya. Tatlong test kit na ang ginamit ko. Nanlumo ang mga mata ko ng maisipan na ako ay nagdadalang tao. Pumatak na lang ang tubig sa aking mata ng hindi ko namamalayan. Pinunasan ko ito ngunit ayaw pa rin huminto.

Pagkalabas ko ay napansin kong nakasandal sa pader si Sir Aiden. Nakatungo lang akong naglakad at bumalik na sa aking pwesto. Nagpunas nang tubig sa aking pisngi. Hanggang ngayon ay ramdam ko pa rin ang takot na malaman ito ni mama at ni Aiden.

Paano kung nalaman niya na buntis ako, kaya niya ba akong panindigan? Baka kunin niya ang aking anak. Paano kong utusan niya akong ipatanggal ito? Hindi maari hawak ko ang aking tiyan habang ang isa ay pasimpleng nagpupunas sa aking pisngi. Hindi ako payag na ilalayo niya ang baby ko.

Nakita ko naman na dumaan si Sir sa table ko at umupo sa bench. Mabuti na lang ay nakatungo ako para hindi niya mapansin ang aking mata na patuloy sa pag luha.

"Are you okay?" narinig kong tanong ni Sir kaya mabilis kong kinuha ang panyo at pinahid sa aking mukha. Nakita ko ang mukha ni Sir na mukhang nag aalala.

"Are you crying? Gusto mo ba ng cheese? I can buy if you want?" tanong sa'kin ni Aiden.

"O-okay lang ako." Pambihira pag siya ang kausap ko palagi na lang ako nauutal.

"I'm here and I bought some food. Let's eat," wika ni David habang papasok sa loob. Nakita ko na inilapag niya ang kare kare. Napahawak ako sa aking tiyan at tumakbong pumunta sa cr. Halos mapa upo na ako sa sahig dahil sa naramdaman kong namimilipit sa aking tiyan. Ilang minuto pa bago ako tumayo. Nakita ko ang dalawang gwapong mukha na nakatayo sa aking likuran.

"Are you okay?" sabay nilang tanong sa akin.

"Ang baho kasi ng dala mong kare kare David, panis na yata." Inalalayan at pinaupo niya ako sa bench. Pumunta siya sa table at tinakpan ang kare kare at inilabas ito para madala sa pantry. Nakita ko naman si Sir Aiden na malalim ang iniisip.

"Let's eat," ngiting wika ni David.

"B-bakit dalawa lang ang paper plate? Inaasar mo ba ko?" galit na sabi ni Aiden.

"Hahaha sorry akala ko hindi ka sasabay sa'min. Hati na lang kami ni Alyssa."

"No!" asik ni Sir Aiden.

" Magsama na lang tayo sa plato. Okay, subuan mo na lang ako." Nanlaki ang mata ko ng marinig ang sinabi ni Sir. Nakita kong tinaasan niya ako ng kilay. Naghihintay na subuan ko siya.

"Open your mouth baby," saad ko sa kanya. Nakita ko na napangiti siya sa sinabi ko. Samantalang si David ay tuwang tuwa habang sarap na sarap sa kanyang kinakain. Kami ay nagtitiis lang sa isang plato at isang kutsara.

Nang matapos na kami mag lunch ay umalis na rin si David samantalang si Aiden ay nasa tapat pa rin ng table ko at nakatitig lang sa'kin.

"May dapat ka bang sabihin?" Hindi ko pinansin ang tanong niya. Narinig ko naman na tumunog ang telepono kaya sinagot ko agad 'yon.

"Yes Sir Ramon, sinabi ko na sa anak nyo."

"Sir cancel and meeting mo today with Mr Candelaria," tumango lang si Aiden sa akin pagkatapos kung sabihin iyon.

"You look tired. Sumabay ka na sa akin ihahatid na kita sa inyo." Hindi na ako nagsalita kaya sumunod na lang ako sa kanya. Habang naglalakad si Aiden ay naka sunod lang ako sa kanya. Nakita kong malagkit ang tingin sa akin ng ibang mga empleyado.

"Ang gwapo, anakan lang ako ni Sir okay lang," sabi ng isang employee.

"Ako kahit one night okay lang." Narinig kong nag apir sila saka humalakhak.

Nang lumingon si Aiden ay bigla silang tumahimik. Bumilis ang hakbang nito kaya hingal na hingal akong sinundan siya. "Sir mag tricycle na lang ako." paalam ko sa kanya at pinaandar na ang kanyang sasakyan.