CHAPTER 1:

MATAGAL niyang pinaghandaan ang araw na ito. Sampong taon rin niyang hinintay ito. Last month, nang sumapit ang kanyang eighteenth birthday, binigyan na siya ng basbas ng Kuya Danny niya para sa kanyang plano. Alam na niya kung sino ang pakay niya. Ilang years na niyang inaaral ang pagkatao ng subject of interest niya. Lahat ng nakarelasyon nito ay alam niya. Weaknesses, hobby at kung anu ano pa. 

Si Justin Jensen. Ang panganay na apo ni Don Ignacio. Ito ang CEO ng Jensen & Jensen Corporation. Isang beses na silang nagkasama sa isang okasyon, sa araw na namanhikan ang Kuya Danny niya kay Creselda na tita nito. Hindi niya makakalimutan ang encounter niya dito. Ang totoo, kinabahan siya ng magsalubong ang kanilang mga mata. Paano ba naman, mukha itong greek god kahit hindi niya kinakitaang ngumiti man lang. That time ay dine date rin nito si Pamela Rivas, isang sikat na model at mukhang diyosa sa ganda. Pero ayon sa Kuya niya, nagkakalabuan ang dalawa. Tinanggihan rin daw ni Pamela ang marriage proposal ni Justin dahil hindi pa ito handang mag asawa. Mas priority raw nito ang career. Sabi pa ng Kuya niya, now is the best time na pumasok siya sa eksena since very vulnerable ngayon ang binata.

Biruin mo, isang Justin Jensen, tinanggihan ang marriage proposal? Sabi pa ng Kuya niya, ma pride si Justin. Ayaw nito ng rejection. Pano ba naman, bukod sa tall, dark and handsome pa ito, dami ring babaeng nagkakandarapa. Idagdag pang ubod ng yaman. Pagkatapos nireject lang ng isang Pamela Rivas? 

Na check na niya ang background ni Pamela Rivas. Oo, sikat itong modelo, ngunit bukod sa ganda, wala naman itong ibang maipagmamalaki. Magulo ang pamilya nito at di rin ito nakatapos ng pag aaral. Wala ring yaman na pwedeng itapat kay Justin. Balita nga niya, hindi ito gusto ng mga magulang ni Justin ngunit wala lang magawa since very stubborn si Justin. 

At kung totoo mang nagkakalabuan na ang dalawa, malamang ay masayang masaya ang mga magulang nito sa nangyayari ngayon.

Naputol ang daloy ng mga iniisip niya nang marinig ang Kuya Danny niya sa labas ng kanyang kuwarto.

"Ready?" Nakangising tanong nito sa kanya. Sinipat siya nito mula ulo hanggang paa, "Mukha kang artista." Puri nito sa kanya, "Tiyak na makukuha mo ang atensyon ni Justin."

Isang tipid na ngiti lang ang sinukli niya. Alam naman niyang maganda siya. Ilang beses na ngang may lumapit na talent scout sa kanya, inaalok siyang maganda siya artista, o sumali sa mga beauty pagent or mag model. Pero hindi siya interesado. Ayaw niyang madistract ang mga plano niya. Besides busy siya sa pag aaral. Saka di naman niya kailangang magtrabaho dahil malaki ang allowance na natatanggap niya mula sa Kuya niya.

Pati nga Daddy nila ay pinahinto na sa pagtratrabaho ng Kuya Danny niya. Marami kasi itong mga malalaking projects. Civil Engineer ang Kuya niya. Bukod duon ay may mga itinayo rin itong negosyo na pawang matatagumpay.

Humalik siya sa nuo ng Daddy niya, "Dad, alis na po kami."

Tumango ito at tumitig sa kanya, alanganin ang mukha. Maya maya ay nagsalita, "Sigurado ka na ba? Hindi mo naman kailangang gawin ito kung. . ."

Ngunit bago pa nito matapos ang sasabihin ay sumabat na ang Kuya Danny niya, "Pambihira Dad, tagal nating pinaghandaan at pinagplanuhan ito. Wala ng atrasan ito!" Sabi nito sa kanila.

"Don't worry Dad, handang handa na po ako," pagbibigay assurance niya sa ama. Hindi na ito nagsalita pa. Sabay na silang umalis ng Kuya Danny niya. Never pa niyang na me meet si Don Ignacio at ewan niya kung gusto niyang makaharap ngayon ang matanda.

Baka kung anong magawa niya kapag nakita niya ang taong naging dahilan ng pagpapakamatay ng Mommy niya.

Nilingon niya ang Kuya Danny niya. Ano kayang gagawin ni Don Ignacio kapag nalaman nitong anak sila ni Luisa Palabrica. Ang babaeng hinalay nito at hinarass kaya nagpakamatay!

Parang naninikip ang dibdib niya habang naiisip ang ginawa ng lalaking iyon sa Mommy niya. Kulang pang pambayad ang buong angkan nito sa lahat ng sakit na naramdaman nila sa pagkawala ng ina.

"Kuya, paano kung tuluyan ka nang mainlab kay Criselda? She's very lovely at. . ."

Muntik na siyang mauntog nang tapakan ng Kuya Danny niya ang break, "Ilang beses ko bang ipapaintindi saiyo na bawal ang distractions! Utak ang ginagamit ko, okay? Kaya ngayon pa lang sinasabi ko na saiyo, utak ang pagaganahin mo para manalo ka sa laro ng buhay! Subukan mo lang na pumalpak ka sa mga plano natin, malilintikan ka sa akin!"

Nabigla siya sa nakitang poot sa mga mata ng kapatid. Nakaramdam rin siya ng takot. Alam niyang sa oras na sirain niya ang mga plano, handa siya nitong kalabanin. Ganuon katindi ang galit na nararamdaman nito kay Fon Ignacio at sa buong pamilya nito.

Tumango siya, "Wag kang mag alala Kuya, nakatanim sa puso at isipan ko ang lahat ng mga nangyari at gaya mo, gusto kong pagbayaran ng taong iyon ang nangyari kay Mommy." 

"Dapat lang. Ilang taon rin natin itong pinaghandaan." Giit nito sa kanya.

TAHIMIK habang umiinom si Maynard habang naiisip ang mga plano ng kanyang mga anak. Hindi niya alam kung dapat ba siyang magbunyi dahil ang mga anak niya ang gumagawa ng mga bagay na hindi niya nagawa.

Ngunit kamumuhian ba siya ng mga ito kapag nalaman ng mga ito ang totoong dahilan kung bakit nagpakamatay si Luisa?

Pero nagagalit siya kay Don Ignacio at kapag naiisip niya ang kataksilang ginawa ni Luisa at ni Don Ignacio ay naiisip niyang tama lang ang itinanim niyang imahe tungkol kay Don Ignacio at kay Luisa.

Iniputan siya sa ulo ni Luisa nang dahil sa lalaking iyon. Tama lang na kapootan ito ng kanyang mga anak. Tama lang na gugulin ng mga ito ang buong buhay sa paghihiganti.

Nagtangis ang kanyang mga bagang. "Luisa, tingnan mo kung anong gulo at iniakyat mo sa buhay namin ng mga anak mo? Hindi ko alam kung natatahimik ka sa mga ginawa mo! ! ! Minahal kita ng sobra pero anong sinukli mo? Anong ginawa mong hayup ka!!!! Kaya wag na wag mo akong sisihin kung masisira ang buhay ng mga anak natin dahil sa matinding galit!"