Chapter 19

“Gian, ano ba ‘tong sinasabi mo sa akin?” naguguluhan kong tanong at iniharap ko sa akin ang anak ko. “Talaga bang… nakilala mo ang babaeng ‘yon-”

“May duty ka kasi sa ospital no’ng may Family day sa school po namin, ‘di ba?” Hindi makatingin sa akin nang diretsyo si Gian. “Naiintindihan ko naman ko kung bakit hindi ka po makakapunta at makakasama sa amin ni Papa sa Family day. Pero… syempre, nalulungkot ako.”

“Tapos nangyari na nga po… na nilapitan ako ni Tita Eloise at itinanong niya sa akin kung bakit daw po ako malungkot. E, ang mga kaklase ko po kasi ay parehong kasama ang mga magulang nila. Ako lang po ‘yong hindi. So, inalok po niya ako kung p’wede raw bang siya muna ‘yong magiging nanay ko… sa araw lang naman po na ‘yon.”

“Edi nagkakilala po sila ni Papa nang dahil sa akin, ma…” Kinuskos ni Gian ang mga mata niya. “Noong araw pa lang po na ‘yon, nakahalata na ako na parang iba ‘yong paraan ng pagtingin ni Papa kay Tita Eloise. Hindi ko lang po sinabi sa iyo kasi ayokong mag-a