Chapter 22

Sobrang nakakahiya ng naging sagot ko kay Morgan after niyang aminin sa akin na may feelings pa rin siya for me. Natawa lang ako at sinabing mahal ko rin siya… as a friend nga lang. Alam ko rin na nasaktan ko siya for saying that, and I make sure not to open the topic about that again.

Hindi ko alam kung saan ako magsisimula para ipaliwanag kay Morgan na bilang kaibigan lang talaga ang kaya kong ibigay sa kanya. I can’t imagine myself having a romantic relationship with him. Well, magandang lalaki naman si Morgan, matipuno, doktor din na kagaya ako at isa rin siyang part-time businessman. Ideal type siya, e. Husband-material, but… for me, hindi kasi ang kagaya ni Morgan ang type ko sa lalaki.

“Well… hindi na ako nagulat,” pahayag ni Kath habang pumapapak ng tocino na natira ni Gian kanina noong siya ay nag-almusal bago pumasok sa eskwelahan. “Alam naman nating pareho na lover boy ng taon ‘yang si Morgan. Ilang years na rin siyang patay na patay sa iyo, Andeng. Kaya ngayon na hiwalay