CHAPTER 5

CHAPTER 5

ILANG araw rin na naging usap-usapan ang hayagang pagbibigay ng bulaklak sa akin ni Rafael.

Nandoon ang kakambal na lait at mga haka-haka.

"Nililigawan dahil matalino para tagagawa ng mga assignments at projects ni Raf."

"Ang choosy niyang si Miss President pero baka makapasa si Rafael sa kanya, gwapo na mayaman pa."

"Naku dagdag lang iyan sa collection ni Raf, bali-balitang ang daming karelasyon niyan sa States."

Bulaklak lang ang ibinigay ni Rafael pero ang dami ng sinasabi. Hindi ko naman tinanggap iyon at wala rin naman akong planong makipaglapit sa kanya.

Inubos ko na lang ang oras sa pagiging busy para sa nalalapit na JS prom at paghahanda sa aming graduation. May school paper pang dapat i-finalized, may yearbook pang aasikasuhin kasama ang ilang mga piling estudyante.

Kaya ilang beses na akong late nakakauwi. Ayos lang naman kay mama basta activity sa eskwelahan ang pinagkakaabalahan ko.

Kagaya ngayon na mag-aala-sais na ng gabi bago ako makauwi.

Baha pa ang kalsad