Chapter Fifty Five

                   NAKAHINGA ako ng maluwang matapos makatulog ni Thana. Kahit nangangalay na ang aking bisig dahil ginawa niya itong unan, hindi ko pa rin maiwasan ang mapangiti lalo pa't nagkaaayos na ulit kami.

Mas pinili ko na lang ang manatili sa kanyang tabi kaysa bumalik pa sa opisina. Gusto kong pagdilat ng kanyang mga mata ay mukha ko kaagad ang una niyang mabungaran, nang sa gayo'n ay makabawi na ako ng tuluyan sa mga nagawa kong kasalanan sa kanya.

Dahan-dahan kong inalis ang aking braso upang matawagan ko si Beberly. Dapat kong ipaalam dito na hindi na 'ko babalik sa office kaya't kailangan kong ipakansela ang ibang appointment ko sa mga investor.

"Oh, ano, babalik ka pa ba?" Pambungad na tanong sa'kin ni Beberly.

"Tsk... kaya nga tumawag ako sa'yo eh. Dahil gusto kong ipaalam sa'yo na hindi na ako babalik diyan."

"Okay. So, i-cancel ko na ang mga 'to ah." Aniya na ang tinutukoy ay ang m