KABANATA 11

HAWAK ni Zachary ang tasa na may laman na mainit na kape habang nasa labas ng veranda ng okupadong kuwarto nila ni Claudel. Nakatayo lang siya roon habang nakatanaw sa nobya niyang si Claudel na masayang nakikipagtawanan sa kaibigan nito na si Bridgette Suller na malapit sa dagat. Punong-puno ng buhay ang ngiti nito na umabot sa mata. Bawat kilos at galaw nito ay kahali-halina na para bang lagi itong kinukuhanan ng larawan.

Ang buhok nito na hanggang baywang noon ay sadyang pinaigsian na hanggang balikat na nagpalabas sa kaakit-akit nitong mukha. She has expressive eyes. Kaya makikita kaagad sa mga mata nito kung anong emosyon ang nakalakip doon.

Kagabi matapos ang masaya at romantic na dinner nila ni Claudel ay nakatanggap siya ng isang tawag mula sa ama. Hindi niya gustong sagutin iyon pero nabasa niya ang text message na ipinadala ng Kuya Zeke niya. Kaya kahit ayaw niya ay gusto niya pa rin kumpirmahin kung totoo ang sinabi ng Kuya Zeke niya tungkol kay Samarra.

Pagkapindot pa la