KABANATA 40

Namimintig na ang mga binti niya dahil sa suot niyang three-inch stilettos. At kanina pa nangangawit ang labi niya sa kakangiti sa mga bisitang nagpapaalam sa kanila.

Pasado alas diyes na ng gabi kaya’t isa-isa na rin nagpapaalam sa kanila ang mga iyon. Ang magulang naman niya ay kanina pa rin nagpaalam matapos kumain dahil may aasikasuhin pa ang mga ito sa Malaysia bukas ng umaga. Si Zachary naman ay palaging nasa tabi niya na hindi ata siya gustong pakawalan nito. Palagi itong nasa tabi niya at parang takot na iwanan siya. Ang kamay nito kung hindi nasa baywang niya nakalapat ay ang kamay niya ang hawak nito. Nakakaramdam man siya ng pagkailang sa mga ikinikilos nito ay hindi naman niya magawang sitahin ito. Lalo pa’t paminsan-minsan hinahalikan nito ang pisngi at sentido niya kung kailan may kaharap talaga silang bisita. Hindi niya mabasa sa kilos nito kung umaarte ba ito o sadyang natural ang pagka-clingy nito. Kaya ang lahat ng inis na nararamdaman niya sa lalaki na mukha sinasam