Chapter Sixty-Six

T Y L E R

Pagdating ko, basang-basa ako ng pawis. Sobrang traffic at kailangan ko pang sabihan ‘yong taxi driver na tumigil nang ilang kanto ang layo saka tumakbo papunta rito. Nang akala ko oras na para puntahan si Autumn, hinarang pa ako ng security guard sa building nila Autumn para sa inspection. Kahit ilang beses kong sabihin sa kanya na emergency ang pagpunta ko roon, hindi siya naniwala sa akin. Lalagpasan ko na sana siya pero alam ko na mas lalo lang siyang magdududa at mas matatagalan pa ako. Sa huli, hinyaan ko na lang siyang mag-inspection. Nang maging clear, mabilis akong tumakbo papunta sa elevator at pinindot ang button.

Pagkatapos ng tatlong minuto, dumating ako sa harap ng pinto nila Autumn. Ilang beses akong kumatok bago pinindot nang marami ang doorbell. Damn it. Just when I thought the cell phone was not the most important thing, the world made a joke and proved me wrong. Ibinalik nga ni Villain X ang cellphone ko pero inalis n