Chapter 40

Back on Track

Kinaumagahan, ang lahat ay naghahanda na para sa pag-alis namin papuntang resort. Buong gabi ay hindi kami nagkakibuan ni Marian at ayaw ko rin namang pangunahan siya. Alam kong hindi healthy sa pagkakaibigan namin ang nangyayari ngayon pero wala rin naman akong magawa. Hindi naman siguro sa nagpapataasan kami ng pride kung sino ang unang kakausap, sadyang mahirap lang talagang simulan.

Ito na 'yung pinakamahabang tampuhan namin ni Marian, talagang pinalipas pa talaga namin hanggang umaga, na dapat ay hindi namin ginawa at pinag-usapan na lang.

Nakaiinis, wala akong magawa ngayon kundi ang umupo rito sa sofa sa sala habang tinitingnan siya sa dining table na kumakain kasama si Marcus at sina kuya Steve at Johnson na kararating lang. Talagang inabot pa sil