CHAPTER 3

Tingin ko siya 'yung nakakatakot na lalaki kanina. Kung ganoon ay Sirius pala ang pangala niya.

Bagay-bagay sa kaniya ang pangalan niya dahil masiyado siyang siryus.

Corny, Ayaan Crescent.

Nabaling muli ang atensyon ko kay Nay Leyda nang magsalita ulit ito. "Tara na, hija? May bisita ka pa sa baba, sigurado akong matutuwa ka ro'n," bumalik ang ngiti niya.

Bisita?

"Bisita po? Sino naman po iyon?" Nagtatakhang tanong ko.

I don't even know anyone in this place. So how could I have a visitor?

"Basta bumaba nalang tayo para makita mo na siya."

Even though I was still confused, I just followed Nanay Leyda.

Hindi ko pa rin maitago ang pagkamangha sa bahay na ito. Hindi na nga bahay, sa sobrang laki nito ay mansion na ang tawag dito.

Nang makababa sa hagdan ay bumungad sa akin ang mga sosyalin na mga gamit. Umawang ang labi ko nang makilala ko ang TV na nakikita. It's Samsung 110-inch MicroLED TV. Mas umawang ang labi ko nang dumapo naman ang tingin ko sa mga couch. It's a B&B Italia Camaleonda Sofa. Mayroon ding malaki at magandang chandelier. Na sigurado akong milyon din ang halaga.

Grabe, nakakatakot gumalaw dito. Parang kung may mabasag ka ay kulang pa ang magtrabaho ka ng habambuhay mabayaran lang ang masisira mo dito.

"Hija?" natigil ang paglilibot ng tingin ko nang marinig ang boses ni Nay Leyda.

"P-pasensiya na po!" nagmamdali akong sumunod sa kaniya.

Bahagyan siyang tumawa. "Ayos lang, hija. Kahit sino naman ay mamamangha talaga sa mansion na ito," aniya. "Kahit ako na tatlong dekada nang nagta-trabaho dito ay hindi pa rin maalis sa akin ang pagkamangha sa dito."

"Tatlong dekada na po pala kayo dito. Sobrang tagal niyo na po." Mangha kong sabi.

She nodded. "Mabait kasi ang amo. Mataas din ang sweldo kaya hindi na ako umalis dito." Aniya. "At hindi ko na rin kayang umalis dito dahil lahat ng tao dito ay napalapit at napamahal na sa akin."

Habang nagk-kwento si Nay Leyda ay muli akong napatingala sa malaking chandelier at mamahaling mga gamit.

"Aray!" napahawak ako sa noo kong naumpog sa malaking glass wall.

"Ayos ka lang, hija?" nag-aalalang bumungad sa akin si Nanay Leyda pagmulat ng mata ko.

"O-okay lang po," kahit nananakit ang noo ay umayos na ako ng tayo.

Hindi ko nakitang may harang pala.

Kainis. Ang sakit.

"Sigurado ka?"

Tipid akong ngumiti at tumango. "Ayos lang po ako. Nagulat lang po."

"Kung gano'n ay tara na." Hinawakan niya na ako sa kamay at sabay na naglakad hanggang makarating kami sa dining area.

Umawang ang labi ko sa lawak no'n at ganda, nilibot ko ang tingin at mas lumaki ang awang ng labi ko sa gulat nang dumapo ang tingin ko sa taong sobrang sama ng tingin sa akin na nakaupo sa harap ng mahabang mesa.

"L-lola..." nauutal kong tawag sa gulat.

"Ayaan Crescent Guerrero!"

Ang galit na boses ni Lola ang umalingasaw sa loob ng dining area.

TULALA ako ngayon sa Lola kong halos umusok na ang ilong habang nakatingin sa akin. Hindi ko alam kung totoo ba talaga 'to o nag h-hallucinate lang ako dahil sa gutom at problemang kinakaharap.

"Ayaan Crescent, ano at tutulala ka nalang ba riyan?" halos mapatalon ako sa gulat nang magtaas ulit ng boses si Lola.

Nag-umpisa nang tumulo ang mga luha ko. Patakbo akong lumapit sa kaniya at lumuhod para yumakap.

"Lola ko..." humihikbi kong tawag.

"Huwag mo akong daanin sa iyak mo at malilintikan ka pa sa akin mamaya." Nahihimigan ko ang galit at pagtatampo sa boses niya.

Humiwalay ako sa yakap at nagpunas ng luha. Nagtatakhang tumingin sa kaniya.

"A-ano po'ng ibig niyong sabihin?"

Pero ano nga ba ang ginagawa ni Lola dito? Dinukot din ba siya ng lalaking may saltik na nagpadukot sa akin?

Diyos ko ang Lola ko...

Matapang akong tumayo at tumalikod mula kay Lola para harapin ang lalaking nagpadukot sa akin na nakaupo sa gitna ng hapagkainan na parang isang hari.

"Walang hiya ka, pati ang lola ko ay dinamay mo pa?!" Galit na sigaw ko sa kaniya.

Umangat ang tingin niya at seryoso akong tinitigan. Hinintay ko ang magiging sagot niya pero tinaasan lang ako nito ng isang kilay niya.

May saltik talaga.

Handa na akong pagsalitaan ulit siya nang makaramdam ako ng hapdi sa bewang ko.

"Aray ko po, Lola?!" gulat na ani ko nang masaktan sa kurot niya.

"Ikaw bata ka! Hindi kita pinalaking maging bastos, ha?! Respetuhin mo nga ang nobyo mo!"

Halos mabali ang leeg ko sa bilis ng lingon ko kay Lola dahil sa narinig.

"P-po? Ano po'ng sabi niyo?"

Nanlisik na naman ang mga mata niya sa akin. "Hindi mo man lang sinabi sa akin na matagal ka ng may nobyo. Wala ka na bang tiwala sa Lola mo, Ayaan Crescent?" Kita ko ang sakit sa mga mata ni Lola.

Ano ba'ng sinasabi ng Lola ko?

Nananaginip lang siguro ako.

Bumuntong hininga ako at tumingala. "Nananaginip ka lang Ayaan," tinapik ko ang dibdib at tumango tango. "Tama. Nananaginip lang ako." Pagkukumbinsi ko sa sarili.

Ngingiti na sana ako sa naiisip nang bigla akong mapayuko nang may bumatok sa akin. "Ikaw bata ka, nakukuha mo pa talagang magbiro?!" galit na galit na ang boses ng Lola ko.

May narinig akong mahinang tawanan kaya napabaling ang tingin ko sa tatlong lalaki na kaninang nasa kwartong pinanggalingan ko. Nang makitang nakatingin ako sa kanila ay bigla silang nagpigil ng tawa at yumuko.

Nanghihina akong napatingin sa Lola ko. "L-lola... totoo po ba kayo?"

"Dalawang araw kang hindi umuwi at ganiyan pa ang ibubungad mo sa akin? Ang paalam mo sa akin ay susunduin mo ang kaibigan mo pero kinabukasan ay ikaw din ang hinahanap niya sa akin." Aniya. "Hind mo man lang naalalang mag-text man lang sa amin kung nasaan ka para hindi kami mabaliw sa pag-aalala sa 'yo."

Umiling ako. "Sinundo ko po talaga si Janine, pero naunahan ako ni Bricks sa pagsundo po sa kaniya." I explained. "Pero Lola habang pauwi po ako ay bigla nalang may tumakip ng panyo sa ilong ko. Nawalan po ako ng malay. Lola, kinidnap po nila ako! " turo ko sa lalaking nanonood lang sa eksena namin.

" Tigilan mo muna 'yang pagbibiro mo Ayaan at pinaliwanag na sa akin lahat ni Sirius." Huminahon na ang boses ni Lola.

Ni Sirius?

Kung tama ang naaalaa ko ay Sirius din ang sabi ni Nay Leyda kanina.

Ibig bang sabihin nito ay kilala niya ang lalaking kumuha sa akin?