Chapter 15

Taas ang noong humalukipkip siya at hinayaan ang mga bisita, maging si Alejandro, Sophia at Lance Buenaventura na tingnan siya. Wala kahit katiting na takot si Klaire na baka mahalata ng mga ito na nagsisinungaling siya—na siya talaga ang misteryosong doktor na gustong makita ng mga ito.

Dahil na rin hindi niya pinayagan si Feliz na ilantad ang kaniyang mukha at pagkatao noong usap-usapan at namamayagpag ang kumpanya nila sa ibang bansa ay kumpyansa siyang walang maghihinala sa kaniya.

Sa una ay wala namang problema na sabihin sa mga taong naroon na siya ang nag-iisang misteryosong doktor na nasa likod ng tagumpay ng Bloom Perfume Company, ngunit nang maisip niya na hahabulin lamang siya ni Alejandro upang ipagamot si Sophia sa kaniya ay ayaw niya na'ng ilantad ang katotohanan.

She didn’t want to get associated with them at all.

“So, that’s it,” aniya upang basagin ang katahimikan ng lahat at saka hinarap muli si Lance Buenaventura. “I hope you don’t mind me coming here on behalf of m