Chapter 222

Nagising si Alejandro nang maramdaman ang dahan-dahang pagdampi ng kung ano’ng malambot na bagay sa kaniyang pisngi. Unti-unti niyang minulat ang mga mata. Nanlalabo pa ang kaniyang paningin dala ng sinag ng araw na pumapasok mula sa maliit na bintana ng kwarto.

“Hmm…”

Muli niyang naramdaman ang pagdami ng kung ano sa kaniyang pisngi. Pinaling niya ang ulo sa kaliwang bahagi at nakita ang isang babaeng may suot ng puting silicone na maskara sa mukha.

“Who the fuck are you?” Singhal niya at agad na gumalaw; wala na ang kadenang nakagapos sa kaniya dahilan para makabangon siya.

Doon niya rin natanto na nasa kama na siya katabi ang babaeng hindi niya kilala. Nakasuot ito ng puting lingerie. May suot na shawl na nakapalibot mula ulo hanggang leeg at ang weirdong maskara na halos kakulay lamang ng kutis nito.

“You’re awake, Ali…”

Ang boses na iyon. Hindi siya maaaring magkamali. Pinakatitigan niya ang babae. Pamilyar ang mga matang tanging hindi maikubli ng maskara nito. He clenched