Shaman

“Kayo pala ‘yan Ren. Kararating lang din namin. Lubos akong nalungkot nang mabalitaan ko ang sinapit ng Chairman kaya agad akong nagpunta rito. Nagsama nga pala ako ng shaman para ipataboy ang mga masasamang espirito dito sa silid niya. Nagpapagawa rin ako ng talisman para mapabilis ang paggaling ng Chairman at maproteksyonan siya,” nasambit ni Mrs. Belmonte nang humarap ito sa kanila.

“Mrs. Belmonte tila nakalimutan niyo po yata na may pollen allergy ang Chairman bakit nagdala pa po kayo ng mga bulaklak dito?” sabi niya sa may edad na babaeng pinupulot ang nahulog nitong itim na beads. Hindi rin niya nagustuhan sa lahat ang amoy ng insenso kaya nagtungo siya sa may bintana at binuksan iyon.

“Hanggang ngayon hindi mo pa rin ako kayang tawaging Tita? Hindi yata sumabay si Yvette sa’yo?” pagwa