Ren's POV: Blow-out Bash

"Are you ready?" tanong ni Ren habang papunta sa mini stage at itinapat ang baso ng wine sa harap ng camera. Pagkatapos ay sa mga kasama naman niya sa loob ng party house.

Nagtilian ang mga babae na nakatayo malapit sa parapet ng rooftop nang makita siya. Habang gumawa naman ng ingay ang mga lalaking may hawak ng pompyang at drum.

“In 5, 4, 3, 2, 1!” sigaw ng event organizer na sinabayan naman ng mga tao.

Sabay-sabay nilang itinaas ang baso at saka tumungga. Pagkatapos ay sumunod na rin ang pagputok ng mga fireworks display.

“Happy New Year!” bati ng lahat.

May apat na power house sa Isla Bora. Ang Habitat ang isa sa pinakamalaki sa apat. Ito ang party house na pagmamay-ari ni Ren kung saan madalas siya magdiwang sa tuwing mananalo siya sa casino.

Madalas dinaragsa ang casino ng Isla Bora kapag napabalitang may poker tournament dahil sigurado na maiimbitahan sila kapag nanalo ang binata. Bumabaha ng alak, pagkain at syempre babae sa tuwing may blow out bash siya.

Dahil sa siya ang hari ng Habitat ay required ang mga escort na dumaan sa matinding screening bago padalhan ng imbitasyon. Nangyari na kasing naging pabaya sila noon kaya nagkaroon ng aberya. Para maiwasan ang anumang violation na maaaring ikasira ng Habitat, kinakailangang sumalang sa ilang tests at pumasa sa standard ang bawat escort.

"Who’s the lucky girl tonight?” tanong ng event organizer kay Ren na nakatayo sa likuran nila. “May napili ka na ba?”

“They all look the same. I want a natural.” Nilagyan niya ng wine ang baso nito nang makitang paubos na ang laman niyon. Nilagok na rin niya ang kakaunting laman ng baso bago pa man tumayo.

“Hindi pa nakarating lahat. I'm sure you'll be pleased sa mga bago. Hindi naman retokada lahat, lapitan mo kasi." Uminom ito sa baso at tinitigan si Tony. "Mukhang kailangan yatang matulog ni Tony sa bahay mamayang gabi,” biro pa nito.

Tahimik namang nanonood ng news ang kaibigan. Napangiti na lang siya at pinulot ang binocular sa lamesa.

“Magpupuyat na lang ako kaysa sumama sa ‘yo Migs,” sagot naman ni Tony na nakikinig pala sa kanila.

“Nagmamatigas ka pa, bibigay ka rin sa naman sa akin balang araw,” sagot nito at saka inilapag ang iPad sa lamesa. Nakita niyang tumawa lang si Tony ngunit hindi na nagsalita.

“Iiwan ko muna ‘to, bahala na kayong magdouble check. Babantayan ko muna ‘yung mga bagong dating na pagkain bago pa ubusin ng mga walang hiya,” sabi nito. Hinalikan pa nito ang batok ni Tony at saka umalis.

Nagsimula na ang pinakahihintay ng lahat, ang sayawan kung saan mamimili ng escort ang mga bachelor na inimbitahan niya.

Pagkaupo sa veranda ay agad na ginamit ni Ren ang gold-plated binocular para tumingin ng mga babae. Napabuntong hininga siya dahil panay retokada ang mga babaeng nakikita. Ngunit napakunot na lang ang noo niya nang makuha ng isang babae ang atensyon niya.

Pasuray-suray itong maglakad at patungo ito sa may pool area kung saan walang masyadong ilaw. Katulad ng iba, nakasuot din ito ng two piece.

“Look who’s here?” Dinunggol ni Ren ang katabi gamit ang hawak na binocular at saka ipinatong ang kanang kamay sa balikat nito. “Could it be her?” Napangiti siya. Hindi pa rin niya inaalis ang mga tingin sa babaeng naglalakad papunta sa water fountain.

“Ano?” sagot naman ni Tony na busy sa pinapanood nitong news.

“12 o’clock north, nakasuot ng puting two piece,” sabi niya at saka inabot sa kaibigan ang binocular.

Tumigil naman ito sa panonood at tumayo na rin. Pilit nitong inaaninag kung sino ang babaeng tinutukoy niya at nang mapagsino ito ay nagkatitigan silang dalawa.

“Roief?” Napakunot ang noo nito.

Alam ni Tony na ilang araw na niyang bukambibig ang babae lalo na at nakikita nila ito kung saan-saan. Madalas din nilang masubaybayan ito na sumali sa race ng mga dune buggies at makipaglaro ng board games. Kaya alam ni Tony kung gaano siya nahuhumaling sa babae.

Hindi nga lang niya magawang lapitan ito dahil hindi siya nito pinapansin. May kung anong enerhiya ito na hindi niya alam kung bakit siya intimidated dito. Hindi niya alam kung paano paamuhin ito dahil masyado itong mailap.

“Did you invite her?”

Umiling lang ang kaibigan at naupo.

Muli niyang in-adjust ang binocular para makita ito ng malapitan. Nanlaki na lang ang mga mata niya nang makitang nakasuot ito ng garter sa hita. "This is odd. This isn't her."

Kahit pa ganoon ay intetesado pa rin siyang alamin kung ito nga ang babae. Hindi pa rin kasi mabura sa isipan niya ang pagtanggi ng dalaga sa kanya. Wala pang nakagagawa nun sa kanya.

Agad niyang inabot ang iPad na inilapag ni Migs kanina. Mabilis na tiningnan niya ang listahan ng mga bisita.

“I don't get it.” Nakurot niya ang labi dahil na-scroll na niya ang buong list pero wala roon ang pangalan at mukha ng babae.

“Baka naman gumamit ng ibang pangalan? Pwedeng kamukha lang din niya ‘yan." Tumayo na rin ang kaibigan at inagaw nito ang iPad mula sa kanya.

Matapos masiguro na wala roon ang babae ay inilapag nito ang iPad. “Bakit hindi mo siya puntahan mismo para malaman mo kung siya nga ‘yan?”

Muli niyang hinawakan ang binocular ngunit nang hagilapin niya ang babae ay wala na ito.

“Darn!” Napasuntok siya sa hangin dahil naalala niyang pasuray-suray itong maglakad kanina. Hindi na siya nakapagpaalam sa kaibigan at agad na nagtungo sa elevator.

Nakagat niya ang ibabang labi, hindi pa rin siya makapaniwala sa nakita. Umaasa siyang ito si Roief ngunit nagdadalawang isip siya dahil hindi ito ang klase ng taong mahilig sa party bash.

Tinawagan niya ang nakatokang bantay sa entrance habang nakasakay sa lift. “Do we have an escort named Roief? I need an answer asap!” utos niya sa lalaking nasa kabilang linya.

Pinigil niya ang paghinga habang hinihintay ang sagot. Medyo choppy pa ang signal kaya inulit niya ang sinabi niya kanina.

“Yes, sir.” Hindi na siya muling nagsalita at pinatay ang tawag.

Mabilis na tinungo niya ang lugar kung saan huling nakita ang babae. Wala sa expectations niya na ang babaeng nagpatumba sa mga royal players niya ay isang escort. Hindi pa rin siya makapaniwala at hanggang ngayon ay umaasa siyang may ibang rason ito kung bakit ito naroon.

Inikot niya ang palibot ng Habitat hanggang sa makabalik sa lounge ngunit wala pa rin siyang makita sa babae.

Habang naglalakad ay napansin niya ang babaeng pilit kinakaladkad ng isang lalaki papasok sa comfort room. Sa tingin niya ay hindi ito escort dahil wala namang garter sa paa nito.

“Hey!” Sinita niya ang lalaking mahigpit na nakahawak sa braso ng babae ngunit bago pa siya makalapit ay kumaripas ito ng takbo. “Are you okay?” Hinarap niya ang babaeng nakahawak sa braso nito. “Do you know that guy?”

“No, hinila lang niya ako bigla. I'm scared." Nagulat na lang siya nang yakapin siya nito. “Thank you! Ren for saving me.” Hindi siya kumportable na nakalambitin ito sa leeg niya kaya dahan-dahan niyang inalis ang kamay nito.

Paglingon niya ay biglang dumami ang mga babaeng nakapalibot sa kanila at kinukuhanan pa sila ng litrato ng mga ito. “I guess you’re okay now. I have to go.” Mabilis niyang tinanggal ang kamay nitong nakapulupot sa kanya at humiwalay. "Please stop taking photos!"

Napansin naman niyang kinokolekta na ng dalawang bodyguard ang mga cellphone ng mga babae para burahin ang mga litrato niya roon. Bawal kasi na mailabas ang mga litrato niya sa publiko dahil isa ito sa kabilin-bilinan ng kanyang Lolo.

Pinili niyang bumalik na lang sa loob para doon naman hanapin ang babae. At nang makarating nga siya sa ikatlong palapag ay hindi siya nabigo.

Pumunta siya sa likuran ng mga nanonood at tinitigan ang babae ng nakaupo. Napangiti siya nang makumpirmang ito nga ang babaeng kilala niya. Naka-advance na pala ito sa third level at naglalaro na ng chess.

Nahalata naman niya ang pananahimik bigla ng mga nakikinood dahil napansin nila ang presensya niya. Sumenyas lang siya na ‘wag na siyang i-acknowledge ng host para hindi na mataranta ang mga players.

“Pang-ilang panalo na niya ‘yan?” tanong niya sa lalaki na nakatayo sa tabi niya.

“Panglima na sir,” sagot ng lalaki. Napahawak siya sa panga at nangiti. Ngayon lang siya nakakita ng babaeng sa tingin niya ay makakatapat niya.

"Great! Ipasuot mo 'to sa kanya." Ibinigay niya ang robe sa lalaki at tinapik niya ang lalaki para magpaalam. Kailangan na niyang maghanda dahil nakasisiguro siyang ito ang magiging challenger niya.

“Anong balita nahanap mo siya?" Napatitig si Tony nang makita nitong maupo siya sa trono niya.

“She’s winning every game.” Hindi pa rin maalis sa mukha ang ngiti habang naglalagay siya ng inumin sa baso.

“Matitikman mo rin sa wakas ang matalo. Paano ba 'yan mukhang isinilang na ang dyablong tatalo sa'yo?” Nilaro-laro nito ang baso sa kamay habang tinatawanan siya nito.

“She probably came here to challenge me. I’ll make sure to spank her butt.” Inismiran niya ang kaibigan.

“Paano nga kung matalo ka niya?” pag-uulit ni Tony na seryoso ang mukha.

Sa sinabi nito ay napaangat ang kilay niya. Alam nitong hindi pa siya natatalo ng isang babae sa buong buhay niya pero sa pananalita nito, mukhang nakita na nito kung paano maglaro ang babae.

“That’s impossible.” Ibinaba niya ang baso at tumayo na. Mataas pa rin naman ang kumpiyansa niya sa sarili na mananalo siya sa laro. “If she wins, then I’d consider pursuing her.”

Pumalakpak naman ang kaibigan sa huling sinabi niya. “Kung papasa ka sa kanya.”

Sa bawat level ng building ay may mga iba’t-ibang klase ng laro. Habang nananalo ang isang player nagkakaroon din ito ng pass para makapaglaro sa susunod na level ng building. Ngunit ganun din ang level ng alcohol na iinumin, from beer to hard, walang excluded. Kaya malakas ang loob ni Ren dahil paniguradong pagdating ng babae ay may kaunting tama na ito. Sa tingin niya ay madali na lang siyang makakakalap ng impormasyon mula sa babae.

Nagsimula nang mag-ingay ang mga lalaki kaya alam niyang paakyat na si Roief sa kinaroroonan nila. Finally, makakaalaro na rin niya ito.

“Hi!” bati niya rito nang matapat ito sa kinaroroonan niya. Hindi niya maiwasang titigan ang babae. Mukha itong modelo dahil sa suot nitong jacket niya. Inilahad niya agad ang kamay para ipakilala ang sarili ngunit tila wala itong nakita. Na-ikamot na lang niya sa leeg ang kamay dahil hindi inabot ng babae ang kamay niya. Narinig niyang may tumawa at alam niyang si Toni 'yun.

“Ako pala ‘yung nanalo. Nasaan 'yung magbibigay ng price?” tanong agad nito. Pansin niyang namumula ang mukha nito at naiinitan kaya inalok niya muna itong maupo.

Hindi niya mapigilang mapangiti. “You’re really unpredictable,” mahinang sabi niya. “By the way I’m Ren, the owner of Habitat,” pagpapatuloy niya.

Mukhang nagulat naman ang babae at inilahad nito ang kamay. “Roief.” Agad na inabot niya ang kamay nito.

Saglit siyang napatitig sa kamay nito nang maramdaman ang magaspang na palad nito. Napaawang ang bibig niya dahil hindi niya inasahan ‘yun. "You must be playing a lot of sports."

“May tissue ka?” biglang tanong nito at inikot ang paningin sa palibot nila.

“Wait,” mabilis namang naghanap ang mga mata niya at sinenyasan si Tony. "Samahan kita papunta sa comfort room?”

“Wala na kasing lasa ‘tong bubble gum, kanina pa sa bibig ko,” sagot nito kaya napangiti siya. Bigla nitong hinugot ang magazine sa may lamesa. “Pwedeng pumilas?”

“Wait! that’s—” hindi na niya tinapos ang sasabihin dahil pinilas na nito ang papel. Nasapo na lang niya ang noo dahil bagong labas lang ng FHM na pinunit nito. Nakita naman niyang tinatawanan siya ni Tony sa kinauupuan nito.

“Wow! Who would have thought na ikaw ang uupo ngayon diyan? Congratulations!” Kinuha niya ang baso at nilagyan niya ng inumin. “Ito ang final level kaya makipaglaro ka naman sa amin, balita ko magaling ka raw maglaro ng poker?”

“Poker?" Bigla itong umayos ng pagkakaupo. "Hindi naman masyado. Tinuruan lang ako ng sugarol kong kapatid." Iniwan nito sa glass table ang pinagbalutan nito ng bubble gum. “Gagamitin ko ba ‘yung napanalunan ko?” tanong nito.

“No you don’t need to. You can keep that. Bibigyan na lang kita ng chips.” Wala 'yun sa unang plano niya pero baka umatras ito kaya mabuti nang makasiguro.

Hinintay niya ang pagkakataong ito na makaharap ang babae kaya kailangan matuloy ang laro nila. Matapos nitong talunin ang mga kilala niyang magagaling din na player ay naging interesado na siya rito. Hindi maalis sa isipan niya ang babae lalo pa at maraming gustong makalaro ito. Nakuha rin nito ang respeto ni Tony kaya gusto niyang talunin ito.

“Kung mananalo ba ako sa akin na ‘yung mga chips?” Nakangiti ito at hindi niya inasahan ang ekspresyon nito.

“Yes, of-course!” Natawa siya dahil halatang mas interesado ito sa pera at hindi sa kanya.

Naka-focus sa kanila ang camera kaya nakikita sila ng mga tao sa monitor na nasa iba’t-ibang suli ng Habitat. Naririnig din nila ang nagsisigawan na mga tao sa third level.

Nag-a-anunsyo na rin ang event organizer at hinihintay na lang niya ang cue ng floor director kung kailan sila uupo ni Roief doon sa lamesa na hinanda kung saan sila maglalaro.

“Anong gusto mo kapag nanalo ka?” tanong niya rito.

“Doblehin mo ‘yung premyo." Tumawa ito kaya napakunot ang noo niya.

Natawa siya ng bahagya dahil hindi niya alam kung joke ba ‘yun o seryso ang babae sa sinabi nito. Pakiramdam niya ay naglalaro siya ng rubix cube at nahihirapan siyang buo-in ang color code ng babae. Ngayon lang niya naramdaman na gusto niyang makuha ang affection nito. Hindi sa paraan ng pera, kung hindi sa ibang paraan. Ito lang ang nakapagpasikdo ng ganoon sa puso niya at hindi niya alam kung bakit.

“Ano palang klase ng poker?” Nagseryoso ulit ang mukha nito.

“Texas poker.“ Nakita niyang ngumiti ang babae. “Pero kapag natalo ka may kahilingan ako,” dagdag pa niya.

“Ano ‘yun?”

“Kapag natalo kita, magiging lamesa kita mamaya.” Siya naman ang nagseryoso ang mukha.

“Palabiro ka rin pala." Tumawa ito ngunit hindi niya inasahan ang sagot nito. “Sige ba.”

“Wait! Seryoso ako,” itinaas niya ang kamay para patigilin ito. “Hindi pa ako tapos.”

“Bakit ano pa bang karugtong nun?” Napakunot noo naman ang babae.

“Magiging lamesa kita na n*******d mamaya kapag natalo ka,” sagot niya. Tahimik siyang natuwa na makitang nanlaki ang mga mata nito. Alam niyang hindi ito makakatanggi dahil kumagat na ito kanina pa.

“Tinatakot mo ba ako?” Bigla itong tumayo. Hindi niya inasahan ang naging sagot nito.

“That’s the spirit! Malaki ang tiwala namin sayo!" sigaw ng ilang kalalakihan sa likod.

“Hoy, Ren magbagong buhay ka na! Tatalunin ka rin naman niya,” dagdag pa ng isang lalaki na tila alam na nito ang kahihinatnan ng laro.

“Kapag ikaw ang natalo sasampalin naman kita ng sampong ulit habang nakaluhod ka sa akin.” Sumigaw naman ang mga lalaki bilang pagsuporta rito. Nakita ulit niyang tumatawa si Toni na nakatingin sa kanila.

“Don’t drink that.” Sinubukan niyang pigilin ang babae ngunit huli na. Ininom nito ang punch na nakalagay sa may lamesa. Hindi pa naman iyon ang juice na hinanda niya. “Why are you so careless?”

Nangasim ang mukha nito at nagtawanan ang mga kalalakihan sa ekspresyon nito. “Ano game?” panghahamon pa nito.

“Game!” Ininom na rin niya ang tequilla na nakalagay sa shot glass para pamarisan ang pag-inom nito. Hindi man niya alam kung part ba ito ng bluff ng babae kaya sinakyan na lang niya ito. “Shall we?” tanong niya rito habang nakaturo ang kamay sa nakahandang table. Sumenyas na rin kasi sa kanya ang floor director.

Sabay sana silang pupunta roon ngunit nauna na pala ang babae. Napailing at nakangiti na lang siyang sumunod doon. Tinawag na rin niya ang ilang mga bisita na gustong makalaro ang babae at naupo sila.

Hindi pa nagsisimula ang laro ay nakatitig na ang mga ito sa babae. Bahagya siyang napalunok at inayos ang pagkaka-upo.

Sa unang round ay smooth pa ang lahat ngunit wala siyang makitang emosyon o reaksyon mula rito. Hindi niya tuloy mahulaan kung anong hawak na card nito.

Nagsimulang mag-pass ang mga kasama nila nang mag-raise na ito. Naisip niyang madali lang para dito na mag-raise dahil chips naman na bigay niya ang gamit nito.

Dalawa na lang silang natira ni Roief nang umabot na sila sa final round o kung tawagin ay river. Sumigaw siya sa loob-loob niya nang makitang ilapag ni Roief ang pang limang card.

“Call,” sabi nito. Idinagdag nito ang queen of hearts sa nakahelerang 4 spades, 4 hearts, 6 hearts at 10 clubs.

“All in.” Nagbulungan na ang mga lalaking kasama nila na nakaupo. Napangiti siya, “flush card,” sabi niya at saka inilabas ang 5 hearts at ace heart na bubuo rito. Nakita niyang nagulat ang reaksyon ng babae at matagal siyang tinitigan nito. Nagdiwang na siya dahil alam na niya ang susunod na mangyayari. "Yesss!"

Kumbinsido na siya kaninang nanalo siya dahil sa ekspresyon nito kaya tatayo na sana siya pero hindi niya sukat akalaing pinasakay lang siya ng babae.

Nagsigawan na lang ang mga tao nang ipakita nito ang dalawang card nito. Hindi niya inasahan na 6 diamonds at 6 spades ang natitirang card nito. Nakagat niya ang labi sa pagkamangha, mas lalo siyang humanga sa babae sa husay nitong mag-bluff.

“Roi-ef! Roi-ef!” sigawan ng mga lalaki at napatayo na rin siya para batiin ito. Hindi pa rin siya makapaniwalang pinasakay siya nito. Ngayon ay kumbinsido na siya sa mga umiikot na balita dahil nasaksihan niya mismo ito.

“Bravo!” sabi niya rito habang pumapalakpak. Binati naman ito ng mga lalaki at nag-picture taking pa ang mga ito kasama ang babae. May nag-alok pa ng ilang shot sa babae at nakita niyang hindi na kaya ng babae ang sunod-sunod na pagtagay kaya umawat na siya.

“Tama na ‘wag n’yo na siyang painumin." Sakto namang tumingin sa kanyang direksyon ang babae at lumapit ito sa kanya. “Congratutalions!” bati niya rito. Umaasa siyang yakapin o makikipag-kamayan ito sa kanya ngunit natigalgal na lang siya nang bigla siyang sampalin nito.

“Remember the penalty?” nakangiting sabi nito. “Bakit hindi ko nararamdaman ‘yung kamay ko?” tanong pa nito na parang walang nangyari.

“Luluhod na ‘yan! Luluhod na ‘yan!” sigaw ng mga lalaking nakatingin sa kanila at naalala niya ang sinabi ng babae kanina. Binigyan niya ng matalim na titig ang mga nagsisigawan kaya tumahimik ang mga ito.

“Pwede bang mamaya na lang?” sabi niya nang biglang yumakap ito sa kanya. Hindi niya akalaing malambot ang puso nito.

Nakiliti pa siya dahil hindi niya inaasahan ‘yun ngunit nangasim na lang ang mukha niya nang maramdamang sumusuka na ito sa puting linen shirt niya.

“I’m sorry,” bulong nito habang nakakapit sa braso niya. Mabuti na lang at naalalayan niya ang likuran nito bago pa ito mawalan ng balanse.

Kinarga niya ang babae nang mapansing nag-black-out na ito at sinenyasan ang floor director bago tinungo ang lift.

“Tell Migs and the others sila na ang bahala sa closing ceremony,” utos niya kay Tony nang makitang nakasunod pala ito sa kanila.

Agad niyang hinubad ang suot na damit nang makarating sila sa pad niya. Kumuha na rin siya ng malamig na tubig at saka ibinabad ang hand towel doon bago ito pigain.

Isinalang niya ang paboritong jazz na ipinapatugtog niya tuwing may bisita siya. Sinindihan naman niya ang diffuser at pinatakan ito ng kaunting lavander essential oil para bumango ang silid.

Pagkatapos maligo ay inilipat niya sa bathtub ang babae para hugasan at mahimasmasan ito.

“Nasaan ako?” mayamaya ay tanong nito nang magkamalay.

“Hi! Good thing you’re awake. You’re at my place,” sagot niya. Tumalikod siya saglit para ikuha ito ng tuwalya. Pinahiga niya ito sa oval-shaped tub niya na may lamang ice para malamigan ang katawan nito.

"Bakit ka n*******d? Nasaan tayo?" tanong pa nito.

"Malamang sinukahan mo ako. Nandito tayo sa pad ko," nakangiting sagot niya. "Don't worry wala akong ginawa sa 'yo."

“Earl?” narinig niyang sabi ulit nito nang lumabas siya. Nagtaka naman siya dahil ipinakilala na niya ang sarili kanina sa babae ngunit ibang pangalan ang tinawag nito.

“Kung sino man ‘yan wala siya rito,” sagot niya.

Hinila niya ito at saka binalutan ng towel bago dalhin sa couch. Habang pinupunasan ang buhok nito ay nagasalita ulit ang babae.

“Tubig,” hiling nito kaya tumayo siya para kumuha ng malamig na tubig. Nakatitig pa rin ito sa kanya kaya nailang siya. Hindi normal para sa kanya na mailang sa titig ng isang babae pero tinalo siya nito kaya mataas ang tingin niya rito.

"Are you okay?" tanong niya rito para hindi maging awkward ang sitwasyon nila.

“Alam mo bang matagal na kitang gusto?” sabi nito pagkatapos nitong uminom ng tubig. Namula siya sa sinabi nito dahil hindi niya inasahan 'yun.

Hinawakan ng babae ang mukha niya at naramdaman niyang uminit ang tainga niya sa ginawa nito. Magkalapit masyado ang mga mukha nila kaya dumistansya siya rito ngunit sumandal pa ito sa kanya kaya nahulog sila sa carpet.

“Oo naman." Tumawa pa ito kaya lalong nailang siya. Hindi niya sukat akalaing may itinatagong pagtingin sa kanya ang dalaga.

Nakiliti siya lalo nang idinampi nito ang hintuturo sa labi at sinundan ang guhit ng bibig niya. Para siyang kinuryente sa ginawa nito at napalunok siya.

May taglay naman siyang kalandian ngunit tila naunahan siya ng babae kaya siya pa ngayon ang nailang. Alam niyang hindi ‘yun ang nature ng babae dahil tinanggihan nga siya nito kaya nagtataka siya sa ikinikilos nito.

“Alam kong hindi mo type ang katawan ko dahil hindi kalakihan ang dibdib ko ‘di gaya ng mga babaeng umaaligid sayo,” sabi pa nito.

“What? No. It’s not what you think.” Hindi siya makapaniwala sa pagtatapat nito. Alam niyang napapalibutan siya ng mga escort pero namimili siya base sa obserbasyon niya sa mga ito. Isa pa binabayaran lang naman niya ang mga babaeng ‘yun para pasayahin siya.

“Alam kong magkaiba ang mundo natin. Mayaman ka kaya nasanay kang tinitingala ng lahat. At alam kong hindi mo ako maiintindihan,” dagdag pa nito kaya napaawang ang bibig niya. Muli itong umupo sa couch at sinundan niya ito.

Natulala siya sa sinabi ng babae, hindi pa rin siya makapaniwala na may itinatago itong nararamdaman para sa kanya.

“That's news to me.” Napalunok na lang siya.

“Mahirap ba akong mahalin dahil pangit ako? Dahil flat chested ako?” sabi nito at saka umiyak. Napakagat siya sa labi dahil hindi niya inaasahang malaman ang insecurities nito.

“No. Shhh,” siya naman ngayon ang nagtapat ng hintuturo sa bibig ng babae. “You’re not ugly. You are beautiful, Roief. There's not a day I didn't think about you,” pinunas niya ang luha nito at muling nagtapat ang mga mata nila. Hindi niya maalis ang titig sa mga mata nitong punong-puno ng ekspresyon. “You just don’t see it dahil nakatingin ka sa iba. Honestly, Roief, you’re amazing. I didn't think I'll meet a woman like you.”

Tatayo na dapat siya para kumuha ng tissue nang hilain siya nito at magdikit ang mga labi nila.