CHAPTER 13 TWIN CITY

Mariin na pinikit ni Aynna ang kanyang mata. Hindi siya makapaniwala sa naabutan sa pent house. Sobrang gulo, maraming bote kung saan saan sa sala at higit sa lahat ay may dalawang babae na nakahiga sa sofa, okey lang sana kung maayos ang itsura ng mga ito pero hindi. Nakapatong pa ang isang babae sa kanyang Amo at ang isa naman ay nakayakap sa kanyang Amo. Iniisip niya palang kung anong nangyare sa Isang gabing pagkawala niya ay nagtataasan na ang kanyang mga balahibo sa katawan.

Hindi niya matanggap, hindi niya matanggap na ganito ang mangyayare sa pagkawala niya ng isang araw. Kung pwede niya lang sigawan ang kanyang Amo ay kanina niya pa ginawa. Kanina ay nagising ang dalawang babae, habang ang Amo niya ay mahimbing parin ang tulog.

Inis na pinaalis niya ang dalawang babae kanina. Nakakahiya ang mga itsura ng mga ito, halos wala na nga suot ang mga ito dahil sa sobrang ikli ng mga suot. Napapangiwi nalang siya sa amoy ng buong pent house.

Bumuntong hininga siya at nilapitan ang Among nahilik pa sa sofa. Ano bang gagawin niya dito.

"Sir Reguel, lumipat po kayo sa kwarto niyo. Baka po sumakit ang inyong katawan." Mahinang sabi niya. Inaalog niya ang balikay nito, baka sakaling magising.

"Hmmm" Napailing nalang siya sa sagot ng kanyang Amo.

Hinayaan niya nalang na matulog ang kanyang Amo. Kumuha siya ng walis at vacum cleaner at basurahan kung saan niya ilalagay ang mga kalat na nasa sala. Hindi niya inaasahan to. Maayos pa naman ang pagpapaalam niya sa kanyang Amo tapos ito ang aabutan niya sa paguwi. Kaya din siguro siya hindi nalang pinauwi kagabi dahil meron palang balak ang kanyang Amo na ganito. Pagkatapos niya linisan ang sala, nagpunta siya sa kusina para ipagluto ng umagahan ang kanyang Amo. Nagluto siya ng may sabaw para sa hangover ng binata at naghanda narin siya ng gamot pati na ang kape.

"You already here." Nilingon niya ang taong nasa kanyang likod.

"Good morning, Sir Reguel. Nakahanda na po ang inyong umagahan at gamot para sa inyong hangover." Seryosong sabi niya. Tinitigan naman siya ng binata bago umupo sa mesa kung nasaan ang hinanda niyang umagahan.

"Ms. Rivero. tell me, how long do you want to be my butler?" Natigil sa pagliligpit mg mga pinaglutuan si Aynna sa tanong ng kanyang Amo.

"Hanggang sa alisin niyo ako sa aking trabaho. Mananatili po akong butler ninyo." Nilingon niya ang kanyang Amo at nginitian ito. "Ihahanda ko po ba ang susuutin niyo sa pagpasok, Sir Reguel?" Tanong niya pa dito.

"Yes. I'm coming home late, you don't need to wait me." Tumango naman si Aynna sa sinabi ng kanyang Amo.

Nagpunta siya sa kwarto ng Amo at hinanda ang susuutin nito. Nangmatapos ay hinintay nalang ni Aynna ang binata sa sala. Hindi naman nagtagal ay bumaba ito. Napaka gwapo nito sa black suit at sa ayos ng buhok. Kaya naman pala madaming babae ang binata dahil hindi niya maitatanggi na may ipagmamayabang talaga ang kanyang Amo.

"Ingat po kayo, Mr.Velecua." Tumango naman ang kanyang Amo sa kanya.

"Call my secretary and tell her to ready my office and to prepare for the meeting." Tumango naman si Aynna sa kanyang Amo. "And I want you to prepare the things Shannia want for this night. Call me if you done doing it at 6 pm." Napahinto naman si Aynna sa sinabi ng Amo. Meron na naman palang date ang kanyang Amo sa ibang babae.

Sa huli ay tumango at ngumiti siya sa binatang seryoso ang tingin sa kanya. "Yes, Sir Reguel. Anything else?" Tanong niya. Katulad ng dati ay naiilang na naman siya dahil sa titig ng kanyang Amo sa kanya. Sa huli ay umiling lang ang kanyang Amo at naglakad palapit sa pinto.

Tinanaw ni Aynna ang kanyang Amo hanggang sa makasakay ito sa elevator. Nakahinga naman siya ng maluwag ng hindi niya na maamoy ang pabango nito sa loob ng pent house.

Napahigpit ang kapit niya sa kanyang suot na damit. Ayaw niya bigyan kahulugan ang bawat kabang nararamdaman niya, siguro ay hindi lang siya sanay sa presensya ng kanyang Amo. Napalunok siya dahil sa kaba. Trabaho ang dahilan, wala ng iba pa.

Kesa isipin ang tungkol sa bagay na iyon, ginawa na lang niya ang utos ng kanyang Amo na tawagan ang secretary nitong si Althea. "Althea, may inutos sakin si Mr.Velecua na pinapasabi sa iyo."

"Sige, ako ng bahala. Salamat Aynna." Huling sabi nito bago matapos ang tawag.

Nilibot ni Aynna ang tingin sa buong sala. Ang tahimik. Sa sobrang tahimik ay tunog lang ng aircon ang kanyang naririnig. Napabuntong hininga siya. Kung sa kanila ay sobrang ingay, dito naman ay halos wala kang maririnig na tunog. Malayong malayo sa kinalakihan niya.

Iniling niya ang kanyang ulo at tumayo. Habang wala ang kanyang Amo ay sisikapin niya makita ang notebook na matagal niya ng hinahanap. Saan niya kaya ito makikita? Wala sa buong pent house, sinubukan niya narin hanapin sa kanila noong umuwi siya pero hindi niya rin makita. Saan napunta ang notebook niya? Bakit hindi niya ito makita.

Nagpunta siya sa kwarto niya at humilata sa kama. Kung hindi niya ito makikita ay wala siyang magagawa, mas okey ng mawala ito kesa may makakuha nito. Ang bawat nakasulat doon ay mga nakaraan na gusto niyang kalimutan at mga masasamang pangyayare na hindi niya kayang sabihin kahit kanino.

The sin will not forget, even if you bury or hide it. She would rather lose the thing that will remind her of the sins she has done, rather hide it in a stylist place that she knows can see. She will not lose the memories, but the evidence will be lost.

Ang alaala ay mananatiling alaala pero ang ebidensya ay wala na. That's what she thought.

Pagsapit ng hapon, ginawa niya ang pangawalang utos sa kanya ni Mr.Velecua. Napakamot pa siya sa ulo dahil sa gustong theme ng babae'ng makaka date ng Amo. Saan siya hahanap ng alitaptap? may mabibili ba nun na nasa grapon?

Nilibot niya ang Mariyas City pero wala talaga siyang makitang mabibilhan ng alitaptap sa grapon. Gusto niya sana tawagan ang Amo at sabihin dito na wala siyang mabilhan, pero natatakot siya na baka pagalitan lang siya nito.

Bakit naman kase Alitaptap pa ang gusto ng babae, pwede naman na simpleng dinner date nalang. Hindi niya talaga maintidihan ang mga nakakadate ni Mr.Velecua.

Sa huli ay tinawagan niya si Meisha. Gala ang kanyang kaibigan, kung saan-saan ito nakakapunta. Magbabakasakali siya na merong alam ang kanyang kaibigan na lugar kung saan siya makakakita ng mga alitaptap.

"Sissy girl! I miss you too!" Nalayo ni Aynna ang cellphone sa kanyang tenga. Mabibingi talaga siya sa boses ng kaibigan niya.

"Meisha, may itatanong lang sana ako. May alam kaba kung saan ako makakabili ng mga alitaptap sa grapon?" Tanong niya. Saglit na wala siyang nakuhang sagot sa kausap.

"Hmmm... Ang alam ko ay meron binibenta na Alitaptap sa grapon si Mang Berteng kaso ay sa Baliya City siya nakatira. Hindi ko lang alam kung may tinitinda padin siya. Bakit mo ba tinatanong? bibili ka, para kanino?" Napabuntong hininga siya sa sinabi ng kanyang kaibigan.

Kalahating oras ang byahe papunta sa Baliya City mula sa Mariyas City. Hindi pa sigurado kung may mabibili ba siya, pero kailangan niya subukan.

"Kailangan ko lang para sa boss ko. Saan ba sa Baliya City yung bahay ni Mang Berteng?" Tanong niya pa ulit.

"Madali mo lang naman makikita ang bahay ni Mang Berteng. Pagdating mo sa Baliya City, ipagtanong mo ang bahay ni Mang Berteng. Kilala siya doon dahil sa mga kakaibang bagay na binibenta niya." Napatango naman si Aynna. "Gusto mo bang samahan kita? Sakto, wala akong ginagawa ngayon." Umiling naman si Aynna sa suhisyon ng kaibigan.

"Hindi na. Hindi naman ito ang unang beses na pupunta ako sa Baliya City. Ipagtatanong ko nalang yung bahay ni Mang Berteng. Salamat, Meisha." Pagtanggi niya.

"Ikaw bahala. Mag ingat ka sa pagpunta mo dun. Kapag naligaw ka ay tawagan mo ako para mapuntahan kaagad kita." Napangiti si Aynna sa sinabi ng kaibigan.

Kahit makulit at maingay ang kaibigan niya ay hindi niya maitatanggi na sobrang swerte niya dito.

Pagkatapos niya makausap ang kaibigan ay sumakay siya ng taxi papunta sa Baliya City, aabutin ng Isang oras kung sa jeep siya sasakay. Alas tres na, aayusin niya pa ang lugar kung saan dadalhin ng kanyang Amo ang babaeng ka-date nito.

Pagkalipas ng kalahating oras ay nakadating sila sa Baliya City. Ang kambal na bayan ng Mariyas City.

Pinahinto niya ang taxi ng may dumaan na isang Ale sa gilid. Binuksan niya ang bintana ng kotse at tinawag ang Ale na nakita. "Magandang hapon po, itatanong ko lang po kung saan po ang bahay ni Mang Berteng. Ang sabi po kase ng kaibigan ko ay magtanong nalang po ako dahil kilala po dito si Mang berteng." Nahihiyang sabi niya. Nginitian naman siya ng Ale at sumagot.

"Doon ba ang punta mo Iha? Ako ang asawa ni Berteng, anong kailangan mo sa kanya?" Nagulat naman si Aynna sa sinabi ng Ginang. Hindi niya inaasahan na mismong asawa ng taong hinahanap niya ang mapagtatanungan niya.

"Naghahanap po kase ako ng Alitaptap sa grapon. Ang sabi po ng kaibigan ko ay mayroon tindang ganun si Mang Berteng." Paliwanag niya pa. Napatango naman ang ginang sa kanya.

"Totoo iyan. Halika, sumama ka sa akin pauwi, nandun sa bahay si Berteng." Nakangiting sabi nito. Nakahinga naman siya ng maluwag. Sana lang ay meron siyang mabili.

"Sumakay na lang po kayo, malayo po ba dito ang bahay niyo?" Tanong niya. Umiling naman sa kanya ang ginang.

"Hindi na ganun kalayo, kung lalakarin ay aabot ng sampong minuto. Salamat sa pagpapasakay sakin, Iha." Ngumiti si Aynna sa ginang at tinulungan na makapa upo sa kanyang tabi.

"Ituro niyo nalang po sa driver ang bahay, hindi ko po kase alam kung saan." Tumango naman ang ginang sa kanya.

Hindi nagtagal ay nakarating sila sa tapat ng bahay. Naunang bumaba ang ginang sa kanya. Inabutan niya ng bayad ang driver ng taxi bago sumunod sa ginang na asawa ni Mang Berteng.

"Karla nga pala ang pangalan ko, pero Nay Karla ang tawag nila sa akin." Nakangiting sabi nito.

"Ako naman po si Aynna. Pasensya na po kung naabala ko po kayo." Nahihiyang sabi niya.

Natawa naman ang si Nay Karla sa kanya. "Wag mo sabihin yan. Nagpapasalamat pa nga ako dahil sinabay mo ako papunta dito. Nagkakaedad na din ako, hindi ko na pa kakayaning maglakad ng sampong minuto." Napangiti naman si Aynna dahil dito.

"Wala po iyon." Maikling sagot niya.

Niyakag siya ni Nay Karla sa loob ng bahay. Napa simple lang nito. Gawa sa bato ang bahay pero mga lumang gamit ang nasa loob. Pinaupo siya ni Nay Karla sa kahoy nilang upuan. Nilibot naman niya ang kanyang paningin sa buong bahay.

"May bisita pala tayo?" Nilingon niya ang bagong dating na matandang lalake. Angat na dito ang katandaan dahil sa kulay puti nitong buhok.

"Nandyan kana pala, Berteng. Nagtanong siya sa akin tungkol sa iyo, ikaw ang kanyang sadya dito." Nagpasalamat pa siya kay Nay Karla sa juice at tinapay na nilapag nito sa mesa.

"Ano naman ang sadya mo sa akin, Iha?" Naglakad ito palapit sa kanya. Sa harap ng inuupuan niya ay umupo si Mang Berteng.

Umayos siya ng upo at hinarap ang Matandang lalake. "Naghahanap po ako ng Alitaptap sa grapon. Ang sabi po ng aking kaibigan ay mayroon po kayong tinda nito."

"Ganun ba. Kukunin ko lamang ang Alitaptap sa grapon sa aking tindahan. Mag meryenda ka na muna habang inaantay mo ako." Nakangiting sabi nito. Tumango naman si Aynna sa Matandang lalake.

Habang inaantay si Mang Berteng, kinuha ni Aynna ang kanyang cellphone at naglaro muna. Wala siyang makausap dahil bukod kay Nay Karla at Mang Berteng ay wala na siyang nakita pang tao dito. Nang magsawa ay kinuha niya ang isang brochure na nakapatong sa mesa. Tungkol ito sa bayan ng Baliya City.

"Mahilig kaba sa kwento?" Nalipat ang tingin niya kay Nay Karla na galing sa kusina.

"Hindi naman po ganun kahilig." Maliit na ngiting sabi niya.

Dati. Noon ay ito ang paraan ng kanyang Ama para makatulog siya, pero simula ng iwan sila ng kanyang Ama ay iniwasan niya ang mga bagay na makapag papaalala sa kanya.

"Baka sakaling magbago ang pananaw mo kapag narinig mo ang kwento ng Baliya at Mariyas City. Ang lahat ay may nakaraan, may kwento na pinag mulan." Nakangiting sabi nito. Umupo ito sa kanyang tabi. Kinuha nito mula sa kanya ang brochure na kanyang hawak. "Alam naman ng lahat na magkambal ang bayan ng Mariyas at Baliya City. Noong wala pa ang dalawang bayan ay dating tahanan ng mga hayop at mga diwata ito. Noon ay isa lang itong simpleng gubat para sa mga hayop at diwata, pero isang araw, habang naliligo ang diwatang nangangalang Maliya ay nahulog ito sa talon. Doon ay nagsimula ang lahat. Matagal siyang nahimbing sa pagkakatulog dahil sa pagkahulog at pagkakauntog niya sa malaking bato, ang akala ng lahat ay wala na itong buhay ngunit napagalaman nilang humininga pa ang diwata. Inabot ng taon ang diwatang  si Maliya bago nagising, ngunit kinagulat ng lahat ng magising itong umiiyak." Natigil ang kwento ng ginang ng tumunog ang cellphone ni Aynna.

"Pasensya na po." Nahihiyang sabi niya. Pasaway na TNT tsaka pa nagtext, wala din naman itong sasabihin kundi mga promo. "Bakit po umiiyak na nagising si Maliya?" Tanong niya. Gusto niyang malaman ang dahilan.

"Dahil naniwala siya sa isang imahinasyon. Ang akala niya ay reyalidad ang kanyang mundong ginalawan pero isa lang itong panaginip, para makatakas sa magulong mundo. Sa kanyang panaginip ay masaya siya, nakukuha niya ang gusto niya, walang problema at higit sa lahat ay nakakilala siya ng isang lalakeng nagmahal sa kanya. Pero katulad nga ng sinasabi nila, ang imahinasyon ay mananatiling imahinasyon. Hindi mo ito madadala sa totoo mo'ng mundo." Malungkot na kwento ni Nay Karla. Nagtaasan ang balahibo ni Aynna sa kwento ni Nay Karla.

"Bakit tinawag na Maliyas at Baliya City ang dalawang bayan?" Kinakabahan na tanong niya.

"Dahil sa panaginip ni Maliya ay nagkaroon siya ng dalawang anak. Kinausap niya ang pinuno nila na kung maaari, sa kanyang pagkamatay at kung magbago man ang lahat sa kanyang pagkawala. Ipangalan sana sa kanyang anak na kambal ang bagong bayan. " Napaluha si Aynna sa sinabi ni Nay Karla. Hindi niya alam ngunit kusang tumulo ang kanyang mga luha.

"Kung masaya na pala siya sa panaginip niya, bakit mas pinili niya pang magising?" Naguguluhan na tanong niya.

Ngumiti sa kanya ang ginang at sinagot siya ng katutuhanan na naging dahilan ng pagsikip ng kanyang dibdib. "Dahil kahit anong gawin mo, ang panaginip ay mananatiling panaginip. Wala kang magagawa kundi ang gumising at balikan ang reyalidad ng mundo. Hindi siya nararapat sa imahinasyon lang, Aynna. Nagising siya dahil alam niyang mas kailangan siya ng mga taong nag aantay at umaasa sa pagmulat niya."