CHAPTER 01

YALLAH CRUZ POV

Naglalakad ako ngayon papunta sa condominium ni Clark Grayson, ang boyfriend ko. May dala-dala akong box ng favorite niyang cake at isang mamahaling relo na pinag-ipunan ko para sa kanya.

Dahil ngayon ang 2nd anniversary namin, naisipan ko siyang i-surprise. At higit sa lahat... handa na akong ibigay sa kanya ang matagal na niyang hinihingi. Ang sarili ko. Ang pagkababae ko at ang unang karanasan ko.

Habang papalapit ako ng papalapit sa pinto ng unit niya, hindi ko mapigilan ang panginginig ng kamay ko. May kakaibang kaba na bumabalot sa dibdib ko, parang may masamang kutob ang damdamin ko. Pero pinilit kong itaboy iyon at pumasok gamit ang duplicate key na binigay niya.

Pagkabukas ko ng pinto... nanlumo ako at parang gumuho ang mundo ko sa aking nakita.

Sobrang dumi at gulo ng buong condo. May mga nagkalat na bote ng alak, tirang pagkain, at usok na hindi mawala-wala. Pero hindi doon napunta ang atensyon ko... kundi sa mga ungol na nanggagaling sa kwarto niya.

Dahan-dahan akong umakyat at sumilip sa maliit na butas ng pinto.

At doon... doon ko nakita ang pinakamasakit na eksena na hinding-hindi ko makakalimutan.

Nakita ko si Clark na nakapatong sa isang babae. Walang saplot, walang hiya, at halatang nasa gitna sila ng init ng pagnanasa. Humahalik siya sa leeg nito habang mahigpit ang yakap.

Parang binuhusan ako ng malamig na tubig. Nabitawan ko ang dala kong cake at regalo.

BAGSSS!!

Narinig niya ang ingay kaya napahinto at napatingin sa direksyon ko. Mabilis siyang bumaba at nagbihis habang papalapit sa akin.

"Babe...," nauutal na sabi niya.

Hindi ako nagsalita. Tumalikod ako at akmang aalis na sana nang hawakan niya ang kamay ko.

"Please let me explain," pakiusap niya.

Hindi ko na nakontrol ang emosyon ko at malakas ko siyang sinampal. Tunog na umalingawngaw sa buong kwarto.

"Explain? Ano pang ipapaliwanag mo?!" sigaw ko habang umiiyak. "Akala mo ba maniniwala ako sayo? Dalawang taon! Dalawang taon mo akong niloko at pinaglaruan! Akala ko totoo lahat, pero isa lang palang malaking kasinungalingan ang lahat!"

"Magsama kayo! Wala na tayong dapat pag-usapan!" sigaw ko at mabilis na tumakbo palabas.

Malakas ang buhos ng ulan habang naglalakad ako sa daan. Hinayaan ko lang na basain ako ng tubig, para matakpan ang pag-agos ng mga luha ko. Sobrang bigat sa pakiramdam, parang pinipiga ang puso ko sa sobrang sakit.

Dumaan ako sa convenience store at bumili ng alak. Umupo ako sa gilid ng kalsada at uminom... isa, dalawa, tatlong bote... hanggang sa maramdaman ko na umiikot na ang paningin ko at lumalabo na ang paligid.

Wala akong pakialam sa mundo. Basta ang gusto ko lang, makalimot. Kahit panandalian lang.

Hanggang sa may nakita akong dalawang lalaki na lumabas mula sa hotel. Kahit sobrang labo na ng paningin ko, pinilit kong tumayo at lumapit.

Nang makalapit ako, biglang nawalan ako ng balanse at akmang babagsak sana ako nang...

 

NOAH GRAYSON POV

"Boss, naghihintay na po si Old Master sa inyo," paalala ni Ken.

"Okay," sagot ko at akmang pupunta na sana sa kotse nang biglang may humarang at lumapit sa akin. Isang babae... basang-basa sa ulan at halatang lasing na lasing.

Bigla siyang nawalan ng balance kaya mabilis ko siyang nasalo at niyakap ang bewang niya para hindi matumba.

Nagkatitigan kami... at sa sandaling iyon, parang tumigil ang ikot ng mundo.

Hindi ko alam kung gaano ako katagal nakatitig sa kanya. All I know is I can't take my eyes off her. She is breathtakingly beautiful. Maliit na mukha, makakapal ang kilay, mapula at manipis ang labi, at mga matang parang nang-aakit kahit malungkot. Never in my whole life nakakita ako ng babaeng kasing ganda at kasing pino niya.

"Boss?" tawag pansin sa akin ni Ken kaya natauhan ako.

"Kailangan na nating umuwi. Lumalakas na po ang ulan," sabi niya.

Tinulungan ko munang tumayo nang maayos yung babae at akmang aalis na sana ako nang bigla niyang hawakan ang kamay ko at hinila ito palapit sa kanya.

"Tulungan mo ako..." bulong niya, mahina at paos pero tumagos diretso sa puso ko.

Tumingin ako kay Ken. "Ikaw na muna umuwi. Sunduin mo na lang ako dito bukas ng umaga," utos ko nang walang pag-aalinlangan.

Kinuha ko ang kamay niya at ipinulupot ito sa leeg ko. Binuhat ko siya gaya ng isang bride. Bigla siyang humilig at aksidenteng nahalikan ang tenga ko.

Isang mainit na kuryente ang dumaloy sa buong katawan ko. Tiningnan ko siya at nakapikit ang mga mata niya. Kaya... dinala ko siya sa loob ng hotel.

Nakarating kami sa pinto ng private suite ko. Binuksan ko ito at pumasok kami. Pinaupo ko siya sa malambot na sofa at akmang aalis ako para isara ang pinto nang bigla niya akong hawakan sa kamay at hinila palapit.

"Wag mo akong iwan..." mahina niyang sabi, puno ng lungkot at pagmamakaawa.

Dahil sa hatak niya, napaluhod ako sa harap niya at sobrang lapit ng mga mukha namin sa isa't isa.

Tumingin siya sa akin at ngumiti ng nakakaloko pero nakakaawa. Inilagay niya ang parehong kamay sa leeg ko at dahan-dahang inilapit ang mukha niya.

At sa isang iglap...

Hinalikan niya ako.