Kabanata 18

Kagaya ng napag-usapan nila Cassandra kagabi. Maaga pa lang ay nakahanda na si Devyn. Pupuntahan niya ang sinasabi ni Cassandra na trabaho. Sana ngayon ay matanggap na siya. Makikipagsapalaran siya sa na mahanap muli ang swerte niya sa ibang trabaho.

Nanghinayang man siya sa trabaho niya sa RSC. Pero, masasaktan lang siya kung patuloy niyang makikita si Chairman Ryder. Masakit lang isipin na hindi siya ang babaeng minahal nito, kundi ang mukha ng unang babaeng minahal niya.

"Ate, saan ang lakad mo? Wala ka bang pasok ngayon?" Mga tanong ni Divina. Napatigil si Devyn sa pagsusuklay ng kanyang buhok. At sumulyap sa kapatid.

Nakahiga na lang si Divina. Ang katawan nito ay hindi na kasing lakas noong nakaraang mga araw. Maputlang-maputla ang balat at lumilitaw na ang mga pasa sa katawan.

"Hindi ako pumasok ngayon. May importante lang akong pupuntahan," pagsisinungaling niyang sagot.

"Nangako ka, Ate Devyn. Papasayalan natin sina Mama at Papa," nahimigan niya sa boses ni Divina ang hanga