Kabanata 21

Hawak ni Pacita ang kamay ng natutulog na apo. Hindi pa tiyak kung gigising o hindi na si Divina. Pero, lahat sila ay nagdadasal na sana ay bumalik si Divina sa kanila. Magiging kumpleto na ang pamilya nila.

"Mababait ang mga bata na sina Divina at Devyn..." Natigilan si Anding ng maalalang hindi na pala Devyn ang pangalan nito. "Diane pala." pagtatama niya. Saka ngumiti.

Sumang-ayon si Pacita. At gumanti ng ngiti.

"Maraming salamat, Anding. Sa pag-aalaga mo sa mga apo ko. Napakalaki ng pagkukulang ko sa kanila. Naging napakasama kong tao. Pinagbabayaran ko na ang mga kasalanan ko. At sana maging maayos na din ang lahat."

"Lahat tayo ay binibigyan ng pagkakataon ng Diyos na magbago. Hindi pa huli ang lahat sa'yo, Pacita. Andiyan pa ang mga apo mo. Bumawi ka sa maraming taon na nagkawatak-watak kayo." saad ni Anding. "Saka mababait ang mga batang 'yan. Alam kong hindi ka mahihirapan na makabawi sa kanila." dugtong pa niya.

Tumango si Pacita at sumulyap kay Divina.

"Maiiwan na muna kita