Chapter 11: WHO'S SMARTER?

Nag-iisip kung paano makatakas sa lalaking ito. Nakamasid lamang siya sa lugar na dinadaanan nila habang kagat-kagat ang kaniyang kuko. Hindi na siya mapakali, dala-dala na niya ang matinding pag-alala na baka hindi talaga ito nagbibiro.

What if pagdating sa unit nito wala na talaga siyang kawala? Hindi ba talaga siya kikilos? Kailangan magtiwala pa rin siya sa sinabi ni Celestia?

Ang pumasok sa isipan niya ay tumakbo pagkalabas ng sasakyan. Pero kung makakalabas lamang siya sa sasakyan sa location ng place nito baka mahihirapan siyang tumakas. Kaya kailangan dito pa lang makalabas na siya pero paano?

Tumatapik-tapik ang kamay niya sa kaniyang tiyan. Saktong nagtanong pa ito, "Bakit?"

Sandali siyang bumaling dito at naabutan niya ang sulyap nito sa tiyan niya. "Nahihilo ako sa amoy ng sasakyan mo."

Pagkatapos niyang sabihin iyon, narealize niya sa sarili niyang ang galing niyang mag-isip ng rason. Dahil kasi roon nakaisip na siya ng prank na maari niyang gawin para makatakas.

"Nah