NANLILISIK ang kulay asul nilang mga mata, bakalabas ang mahahaba at matutulis na kuko, nakalabas ang mga ngipin habang tumutuloy ang laway at handa nang sugurin sina Eris at Hasna.
“Eris, ilayo mo ang babae. Ako na ang bahala rito,” sigaw ni Hasna. Kaagad na hinila ni Eris ang babae palayo sa lugar habang si Hasna ay hinintay na makalapit ang dalawang lalaking nauna sa pagsugod.
Sinugod ni Hasna ang dalawa. Akmang kakalmutin siya ng naunang lalaking sumugod, mabuti na lang ay kaagad na napayuko si Hasna at saka ito binigyan ng suntok sa sikmura at nilampasan ito para sugurin naman ang kasunod nitong kasama.
Gamit ang kaniyang hawak-hawak na kutsilyo, sinugatan niya ang tagiliran ng taong loob. Nang muling malampasan ni Hasna ang dalawang taong loob kaagad siyang lumingon at mabilis na hinagis ang isang kutsilyo na tumama mismo sa likurang bahagi ng ulo na siyang nagpahinto sa pagkilos nito.
Matalim na mga tingin ang itinapon ni Hasna sa taong lubo na kaniyang sinikmuraan. Tila ba lalong nag-alab sa galit ang taong lobo nang makita ang kaniyang kasamahan na kung kaya’t mabilis na kumulos ito para balikan si Hasna. Ang paligid ay tila ba nagging mabagal kay Hasna habang pinakikiramdaman ang bawat hakbang ng papalapit na lalaki. Dahan-dahan niyang hinugot ang isa pang kutsilyo.
Itinaas niya ang kaniyang kamay at inayos ang posisyon. Kaagad niyang ihinagis ang kutsilyo at direktang tumama ito sa sentro ng noo ng kalaban. Agad na bumagsak ng nakaluhod ang lalaki.
Naibaling ni Hasna ang kaniyang atensyon sa isa pang taong lobo na kararating lang mula sa paghahabol kina Eris at sa babaeng muntik nang maging biktima ng kanilang kasamahan.
Tila ba nag-aalangan na itong lumapit nang makita ang kinahinatnan ng kaniyang mga kasama. Sa inis ni Hasna, tinadyakan niya ang taong lubong nakatalikod at nakaluhod sa kaniyang harapan para sugurin pa ang isang pang natitira at buhay na taong lobo.
Base sa pagkakatanda ni Hasna, ang taong lobo na natitira ay ang tumatayong lider sa dalawa niyang nakasagupa. Ang kaninang matapang at tila ba hayok na hayok sa laman ng tao ay napalitan ng pagkabalisa at takot. Humakbang paurong ang taong lobo habang hindi inaalis ang tingin kay Hasna.
“Hinding-hindi ka makakatakas sa akin,” gigil na gigil na sigaw ni Hasna at saka sinugod ang taong lobo.
Pinalabas ng taong lobo ang kaniyang matutulis na kuko at pangil at mas piniling ayusin ang posisyon para sa pagsugod ni Hasna.
“Hasna,” tawag sa ni Eris sa kaibigan.
Napatingala si Hasna sa itaas kung saan nagmula ang boses ni Eris. Ihinagis nito ang latigo na ginamit niya kanina sa pagbabang gusali. Inikot-ikot ni Hasna ang kaniyang latigo sa at saka ito pinakawalan. Eksaktong sa leeg ito tumama ng taong lobo.
Napahawak sa latigo ni Hasna ang taong lobo nang maramdaman ang phigpit na pahigpit na pagkakapulupot nito sa kaniyang leeg. Umangal ito nang maramdaman ang paghapdi ng balat sa kaniyang leeg dahil sa epekto latigo na may bahid ng pilak kung saan iyon ang isa sa kanikang kahinaan at kung matindi ang epekto nito sa kanila ay maari nila itong ikamatay.
Mahigpit ang pagkakahawak ni Hasna sa latigo habang papalapit siya sa taong lobo.
“Where’s your alpha? Where can I meet your alpha?” tanong ko pa sa kaniya. Biglang bumalik sa normal ng anyo ang taong lobo para maluwagan ang pagkakapulupot ng latigo. Hindi naman siya nabigo dahil nakawala siya mula sa pagkakatali sa kaniyang ni Hasna.
Muling ipinitik ni Hasna ang kaniyang latigo na siyang bumalot sa katawan ng lalaki na sa tingin niya ay nasa edad na singkwenta ngunit kakikitaan pa rin ng pagkamakisig at kakaibang lakas.
Nagulat si Hasna nang biglang may lumagpak na tao mula sa itaas na gusali. Nanlaki ang mata niya nang makita na may nakatusok nang punyal sa likuran ng lalaki na lumampas sa dibdib nito. Sa isang mabilis na pagkilos ng lalaking dumating, kaagad na pinugutan nito ang lalaking bihag ni Hasna. Ang ulo nito ay sinambot pa ni Hasna habang hindi makapaniwala na hawak-hawak niya ang ulo ng kaniyang kalaban.
“Almidos,” inis na banggit ni Hasna sa pangalan ng lalaking kararating lamang. “Ano bang problema mo? Wag ka ngang makialam sa ginagawa ko,” mariin niyang sabi. Bitawan niya ang ulo ng lalaking lobo at mabilis na kuwinelyuhan si Almidos.
Itinulak niya si Almidos hanggang sa tumama ang likuran nito sa isang pader.“I warned you, Almidos, do not interfere!” nagngingitngit niyang sabi.
Itinaas ni Almidos ang kaniyang dalawang kamay na para bang sumusuko habang nakangisi at tila ba nang-aasar pa.
“I won’t. I just cared fo you. Once you spare the life of that man, hindi mo magugustuhan ang parusa ni kapitan,” wika niya at saka muling ngumisi.
“Tama na ‘yan,” sigaw ni Eris sa amin. Napalingon si Hasna sa kay Eris hanggang sa napadako ang kaniyang tingin sa katawan ng dalawang taong lobo na wala ng ulo. Pinugutan na niya ng ulo ang dalawang lalaki na nakalaban niya kanina.
“Alam mo ba kung bakit hindi ka pinapayagan ni Kapitan na sumama sa ganitong misyon? Dahil d’yan, d’yan sa galit mo. Nagpapakain ka sa galit mo at hindi mo namamalayang kulang ang ikinikilos mo, mali ang ginagawa mo,” seryusong sabi ni Almidos sa mismong pagmumukha ni Hasna.
Dahil sa payat na katawan ni Almidos, nakayanang iangat nang bahagya ni Hasna si Almidos.
“Do you think you can beat them all? Do you think you killed them just by targeting their heads? No, Hasna, you simply disable them to move for about fifteen or twenty minutes. Habang abala ka sa isa, hindi mo namamalayang ang isa sa mga nauna mong kalaban ay malapit nang bumalik ang malay,” sermon pa ni Almidos kay Hasna.
“I said, enough!” mariing sabi ni Eris at mahigpit na hinawakan ang kanang kamay ni Hasna na nakakapit sa kuwelyo ng suot-suot ni Almidos. Hinila niya ito upang makaalis ang pagkakapit sa kuwelyo ng kaibigan.
Pinagpagan ni Almidos ang kaniyang suot na damit at inayos ang kaniyang kuwelyo. Magsasalita pa sana siya ngunit kaagad na silang tinalikuran ni Hasna matapos makuha ang mga kutsilyo niya na inabot ni Eris.
Sumenyas si Eris na susundan niya si Hasna at sinabing siya na ang bahala sa kaibigan. Tumango lang si Almidos at pinanood ang pag-alis ni Eris.
Napailing-iling na lang siya at saka pinanood ang katawan ng mga taong lobo na kanilang pinatay ngayon gabi. Napatingala siya sa maaliwalas na kaulapan at napatingin sa bilog na bilog na buwan bago muling ibinaling ang atensyon sa nauupos na katawan ng kanilang nakalaban.
Laking gulat ng grupo nang makita nila si Hasna na nakahiga sa loob ng dyip. Tahimik at walang kibo. Nang maramdaman ni Hasna na napapligiran na siya ng mga tao na sasakay sad yip. Umupo siya at bumaba ng sasakyan.
Tiningnan niya nang mariin si Almidos habang si Eris naman ay tinapik ang kaniyang balikat nang pumasok na ito sa loob ng sasakyan.
“Tabi na tayo sa upuan, Hasna,” wika ni Eris. Hindi nagsalita si Hasna at tiningnan lamang ang kaibigan bago isinampa ang paa sa tapakan. Ang buong akala ng grupo ay makikisama ito sa loob ngunit nagkamali sila. Umakyat sa bubong ng dyip si Hasna kung saan siya pumwesto kanina habang papunta sa bayan.
Nang maging maayos na ang kaniyang pagkakaupo, pasimple niyang pinukpok ang bubong, hudyat na maayos at komportable na siya sa kaniyang puwesto kaya maari na itong makaalis.
Hindi nagtagal, pinaandar na ang makina ng dyip at nagsimula nang magmaneho ang driver ng sasakyan. Buong biyaheng pinanood ni Hasna ang paligid at ang daan pabalik ng Sitio Perdis habang ang ilan sa mga nakasakay sa loob ng sasakyan ay masayang nagkukuwentuhan tungkol sa naging karanasan nila ngayong gabi.
Nang makauwi ang grupo sa Sitio Perdis, bumungad kay Hasna si Kapitan nang buksan niya ang pinto ng kanilang bahay. Nakapatong ang dalawang siko nito sa ibabaw ng mesa at ang mga kamay ay nasa ilalim ng kaniyang baba habang nakunot ang noo nito at pinagmamasdan ang kauuwi lamang na si Hasna.
“Bakit ngayon ka lang umuwi?” tanong ni Kapitan Klaus kay Hasna. Nangunot ang noo ni Hasna at pinagmasdan rin ang kapitan na ngayon ay nakasandal na ang likod sa sandalan ng upuan.
Marahas na ibinagsak ni Kapitan Klaus ang kaniyang kamay sa mesa na lumikha ng malakas na tunog. Nagulat man si Hasna, hindi niya ito ipinahalata sa kaniyang ama-amahan.
“Umaga ka pa umalis at babalik ka ng ganitong oras. Baka nakakalimutan mong minor de edad ka pa, Hasna. Kargo pa kita,” sermin ng matanda kay Hasna.
Nanatiling tahimik habang nakatayo sa may pintuan si Hasna at tinatanggap ang sermon ni Kapitan Klaus.
“Ang hirap sa ‘yong bata ka, sarili mo lang iniisip mo. Galit at poot ang pinaiiral mo. Siguraduhin mo lang na walang kang ginawang hindi ko magugustuhan dahil kung hindi, hindi na ako makakapayag pa na makalabas ka ng sitio,” mariing sabi ni Kapitan Klaus.
Ang kaninang nakakunot na noo ni Hasna ay napalitan ng pagkabahala.
“Hasna, I’m warning you,” sabi pa ni Kapitan Klaus.
Huimnga nang malalim si Hasna at muling inayos ang kaniyang tindig. “Not now, Captain,” walang gan niyang sabi. Mula sa kinatatayuan ni Hasna, rinig na rinig ang pagbuntonghininga ni Kapitan Klaus. Hindi na nagsalita pa si Hasna at saka naglakad na papunta sa kaniyang silid.
Pabagsak na humiga si Hasna at napatingin sa isang litrato na naka-frame sa gilid ng kaniyang higaan.
Nakangiti siya habang nasa tabi ni Kapitan Klaus at hawak-hawak ang isang medalya na natanggap niya noong siya ay walong taong gulang pa lamang.
Kanina lang habang pauwi at ninanamnam ni Hasna ang malamig na pagsapak ng hangin sa kaniya ay mayroong siyang napagtanto. Batid niyang magagalit si Kapitan Klaus sa oras na malaman nito ang kaniyang ginawa ngayong araw.
Siguradong hindi nito mapipigilan na mag-alala habang siya ay wala sa kanilang bahay. Hindi maipagkakaila ni Hasna ang pag-aalala ng mga taong nasa kaniyang paligid lalo na’t alam nito ang kaniyang nakaraan lalong-lalo na kay Kapitan Klaus na naging saksi sa kaniyang pinagdaanan mula noong makuha siya sa kakahuyan. He was like a father to Hasna since she left her home. He raised her with his armies or the so-called, Head Hunters – a group that hunts nocturnal beast or monster especially the one who spread darkness in the city, the werewolves.
PAGKABASAG ng mga gamit ang umalingawngaw sa loob ng silid. Rinig na rinig ng isang bata ang mga nangyayari sa loob ng bahay habang nakatago sa ilalim ng sahig na ginawa ng kaniyang ama. Animo’y alam na alam na ng kaniyang ama ang mangyayari sa kanila kung kaya’t pasimple itong kumikilos na para bang pinaghahandang ang isang trahedya.Tinakpan ng bata ang kaniyang tainga upang hindi marinig ang mga kalabog. Ngunit kahit anong pilit niyang pagtakip ay naririnig pa rin niya ang mga kalabog sa ibabaw. Hindi maiwasang hindi maiyak ng batang babae nang marinig ang pagmamakaawa ng kaniyang ina pati na rin ang pag-iyak ng isang batang babae.Rinig na rinig rin ng batang babae ang pagdaing ng kanyang ama na tila ba nakikipaglaban pa at nagpupumilit pang iligtas ang kaniyang mag-iina. “Sagabal ka sa mga plano ko, Rudeus. Hinding-hindi ko mapapatawad ang ginawa mo sa akin at sa mga kasamahan ko. Pinagkatiwalaan kita!” sigaw ng isang lalaki na mayroong malaki at malalim na boses.Mula sa isang
NAGISING na lamang si Hasna dahil sa sikat ng araw na tumama sa kaniyang mukha. Hindi niya namalayang nakatulog na pala siya habang nakaupo at nakaunan ang kaniyang ulo sa kuwadernong nasa kaniyang harapan.Naniningkit ang kaniyang mga mata nang bumangon at saka ko ito kinusot-kusot. Nag-unat siya ng kaniyang katawan upang maibsan ang pangangawit ng kaniyang likuran mula sa pagkakatulog.Bigla na lamang siyang napatingin sa pinto nang bigla itong bumukas at iluwa nito si Kapitan Lena na may dala-dalang walis."Kapitana," tawag ni Hasna sa matanda. Lumingon naman ito sa kaniya at saka siya binigyan ng isang matamis na ngiti. Itinabi niya ang dust pan at ang kanyiang hawak na walis sa gilid ng pintuan."Akala ko tulog ka pa," wika ni Kapitana Lena. Nangunot ang noo nito nang mapansing magulo ang ibabaw ng mesa ni Hasna at gusot ang mga pahina ng papel sa kuwaderno nito."Sandali nga, nakatulog ka sa mesa mo?" tanong nito kay Hasna.Marahan na tumango si Hasna at dali-daling inayos ang m
TAHIMIK na sinulyapan ni Eris ang kaibigan na nakaupo sa kaniyang tabi at hindi inaalis ang atensyon nito sa labas ng umaandar na sasakyan. Napahinga nang malalim si Eris na siyang naging dahilan ng paglingon ni Hasna sa kaniya. Napakamot na lamang si Eris sa kaniyang ulo at saka ngumiti. “Ang aga-aga pa para lunurin ka ng mga iniisip mo. Ayos ka lang ba?” tanong ni Eris kay Hasna. Hindi sumagot si Hasna at muling ibinaling ang atensyon nito sa kalsada. Palihim na napangiwi si Eris at ginaya na lamang ang kaibigan sa pagmamasid sa kanilang dinadaanan. “Manong, sa Arson National High School po,” abiso ni Eris sa driver ng tricycle na kanilang sinasakyan. Nakuha ni Eris ang atensyon ni Hasna. Pagbaling niya sa kaniyang kaibigan ay nakatingin na ito sa kaniyang habang nakakunot ang noo nito. “Akala ko ba magliliwaliw? Bakit pupunta tayo sa school?” tanong ni Hasna kay Eris. “Dadaan lang naman tayo, kukuha
TANGHALI na nang makabalik si Eris sa puwesto ni Hasna kung saan matiyagang hinintay siya ng kaibigan. Nangunot ang kaniyang mga mata nang makita si Almidos na nakaupo sa dulo ng upuan habang si Hasna naman ang nasa kabilang dulo nito. “Hey, pasensya na natagalan. Sobrang haba pa naman ng pila. Nakikipag-away na nga ako doon sa mga kasunod ko dahil pasingit nang pasingit,” panimula ni Eris upang kuhanin nag atensyon ng dalawa niyang kaibigan na hindi namalayan ang kaniyang pagdating. Kaagad na tumayo si Hasna at saka lumapit kay Eris. “Ang tagal mo,” reklamo niya kay Eris. “Babalik na kayong sittio?” biglang singit ni Almidos. Tumayo ito mula sa kaniyang kinauupuan at saka lumapit sa dalawang dalaga. “Hindi pa. Kakain lang muna siguro tapos uuwi na rin,” sagot ni Eris. Napatango-tango naman si Almidos bago ngumisi. “Sabay-sabay na tayo,” wika ni Almidos. Pasimpleng umirap si Hasna at saka tinalikuran sina Eris at
TAHIMIK na nakasunod si Hasna sa kaibigang si Eris habang si Almidos ay nasa kaniyang likuran at nakasunod rin sa kaniya. Walang humpay sa kadadaldal sa Eris habang isinasalaysay ang mga nilaro nila sa mall. Si Almidos naman ay paminsan-minsan tumatawa upang tugunan ang mga kuwento ni Eris at mag reklamo mula sa pilahan sa pagkuha ng requirements at sa ticket sa mall. Mahigit bente minutos na silang naglalakad pabalik ng Sitio Perdis. Ang Sitio Perdis ang nagsilbi nilang tahanan sa loob ng ilang taon. Kung susumain ay mahigit kalahating oras ito kung lalakarin. Bihira lang din naman ang mapsok ito ng saksakyan dahil sa kitid at liblib na daanan kung kaya’t sa tuwing may duty ang ilan sa mga head hunters sa kabayanan ay maglalakad muna ito paibaba ng sakayan kung saan doon naghihintay ang isang jeep bilang service nila sa gabi. Mababa na ang sikat ng araw kung kaya’t tamang-tama lang ito para maglakad para kina Eris, Hasna at Almidos. Nagpalipas sil
HINIHINGAL na napahinto sina Almidos at Hasna nang makapasok sa Sitio Perdis. Kitang-kita ng kanilang mga mata kung paano mabilis na kumikilos ang mga residente na para bang sunog na kailangang apulahin. “Ano’ng nangyayari?” tanong ni Almidos sa isang babae na may dala-dalang kaldero. Hindi ito sumagot. Dire-diretso lamang ito naglakad at nilampasan si Hasna. Nanatiling nakatayo sina Almidos at Hasna habang pinagmamasdan ang mga residente na abala sa kabilang mga ginagawa. Kaliwa’t kanan ang kanilang pagmamasid hanggang sa mahagip ng atensyon ni Almidos si Eris. “Eris,” tawag ni Almidos sa dalaga na kaagad namang lumingon sa paligid nang marinig ang kaniyang pangalan. Itinaas ni Almidos ang kaniyang kamay at saka ito iwinagayway upang makita siya nang tuluyan ni Eris. Nang malaman kung nasaang direksyon ang tumawag sa kaniya, kaagad siyang naglakad palapit rito. Lumapit nang bahagya si Hasna kay Almidos habang hindi inaalis a
MATAPOS ang paghahalal kina Hasna, Eris at Almidos, naging mailap si Hasna kay Kapitan Klaus. Habang tumatagal ay tila ba pakapal nang pakapal ang pader na nasa pagitan nilang dalawa.Hindi na nag-abala pang kausapin ni Kapitan Klaus si Hasna dahil batid niyang susundin siya nito dahil sa kagustuhan nitong maipaghiganti at mabigyan ang pagkamatay ng kaniyang magulang. Iyon nga lang, dalawang taon pa bago niya pakawalan ang kaniyang anak-anakan at hayaang gawin ang gusto at higit sa lahat ang pagpatay sa pinuno at pumaslang sa pamilya ng dalaga. Wala din namang nagawa si Hasna kung hindi ang sumunod sa kondisyon ni Kapitan Klaus at ipagpatuloy ang pag-aaral.Ilang araw makalipas ang paghalal sa kanila, ibinigay ni Eris ang listahan ng kinakailangang ipasa upang makapag-enroll sa Arson. Nang matapos nilang makumpleto ang mga kailangan, sabay-sabay silang bumalik sa Arson para mag-enroll.Pinagsabay niya ang kaniyang pag-aaral at pagsasanay upang hindi mangalawang ang kaniyang kakayaha
Makikita sa itsura niya ang pagkabahala. Tumayo ito at nagpalakad-lakad habang nakakunot ang kaniyang noo. Walang imik na pinagmamasdan ni Hasna ang kaniyang ninong. Nang hindi makatiis ay peke itog umubo upang kuhanin ang atensyon nito. “Kapitan, napapansin kong kanina pa kayo hindi mapalagay. Ano po baa ng bumabagabag sa ‘yo?” tanong niya kay Kapitan Klaus. Huminto ito sa paglalakad at saka siya tiningnan. Napabuntonghininga ito at saka napaiwas ng tingin. Muli itong naglakad-lakad at hindi na sinagot pa ang tanong ni Hasna. Kasalukuyang nasa loob sila ng kiyusko na ginawa para sa head hunter kung saan dito rin ginanap ang pagpupulong-pulong sa tuwing may nababalitaan silang pag-atake ng mga halimaw sa bayan. “Kapitan, ipinatatawag mo raw po kami?” bungad ni Almidos nang makapasok ng kiyusko. Napatingin si Hasna sa dalawang bagong dating at saka marahang tumango. Apat na buwan na rin ang nakalipas magmula noong pasukan at noong mapags