Chapter Eight

***

DAHIL sa sagutan nilang mag-ina ay hindi na inalintana ni Reynold Wayne kung magalit man ito sa kaniya. Totoo namang hindi sumagi sa isipan ang tungkol sa parent consent. Ngunit kaya naman niyang sabihin at pakiusapan ang hipag upang pahintulotan siyang pakasalan ang kapatid nito kahit pa nag-aaral pa. Kaya nga niya iniwan ang mga magulang na mukhang tagilid na rin sa relasyon nila ni Adel. Ngunit hindi naman siya magpursige sa kasal kung labag sa kalooban nito.

Subalit pagdating na pagdating niya sa bahay nito ay iba ang isinalubong sa kaniya.

"Mahal, let's run away from the City,"

"Ha? Mahal na mahal kita, Adel. Huwag mong pagdudahan iyan. Ngunit maari bang ipaliwanag mo kung bakit mas gusto mong magtanan tayo kaysa ang ilaban kita sa mundo."

"Kailanman ay hindi sumagi sa isipan ko ang pagdudahan ka sa iyong pagmamahal. Dahil kung may plano akong gawin iyan ay noon pa. Ngunit kako ay kailangan nating lumayo rito dahil lahat sila ay hindi sumasang-ayon sa plano nating magsama bil