Chapter Six

"GANYAN ka na ba kadesperadong mag-asawa, Reynold Wayne?!"

Dahil sa galit ay muling dumapo ang palad ni Ginang Jannelle sa pisngi ng panganay na anak. Noong una ay inakala niyang kagaya lang ng dating sinasamahan ang kasintahan sa bahay nito. Subalit kinausap siya ni Antonette na kung maari ay siya ang kakausap dito at ito naman sa sariling kapatid. Dahil nadatnan daw umano nitong nagduduwal. Para sa kanilang naranasan nang nagbuntis ay alam na nila ang ibig sabihin nang pagduduwal.

"Mommy, ilang beses ko bang sinabi sa iyong nasa tamang edad na---"

Kaso ang pagsagot ng binatang si Reynold Wayne ay naputol dahil muling lumagapak ang palad ng ina sa kaniyang pisngi. Sa katunayan ay mas malakas pa kaysa nauna dahil tumabingi.

"Okay, fine! Nasa tamang edad ka! Pero si Adel inisip mo rin ba? Tama hindi na siya menor de-edad. Subalit naisip mo bang kausapin ang hipag mo? Bakit sa akala mo ba ay ganoon kadali dahil biyente na siya ay maari na kayong magsamang walang parental consent? Oo, pa