FORTY FOUR

(italics)

"Ha? Aba'y mukhang baliktad yata ang mundo ngayon, pinsan na best friend. Kailan ka pa natutong magsinungaling kay hipag?"

"Loud and clear, pinsan. Maliwanag ang pag-iisip ko."

"Okay, fine. Maliwanag pa sa sikat ng araw, pinsan. Ang tanong, bakit ayaw mong sabihin kay hipag? Tama, pinsan na best friend tayo at double bayaw pa. Pero alalahanin mo namang mayroon kang asawa. At mas may karapatan siyang malaman ang tungkol sa kalagayan mo."

"Kaso ayaw ko namang mag-alala siya sa akin, insan. Marami na akong kasalanan sa kaniya. Mula pa noong nasa twenties siya."

Kaso sa tinurang iyon ni Reynold Wayne ay sinapak siya ng pinsang si Khalid Mohammad. Dahil hindi naman niya inaasahang mananapak ito ay nagulat pa siya.

"Isang pag-iinarte pa at talagang makakatikim na na sa akin. Kahit may edad na tayo ay kaya pa kitang sipain. Aba'y kung kailan tumatanda na tayo ay saka ka naman nag-iinarte! Hala! Umuwi ka ngayon din at ipagtapat mo kay Adel ang kalagayan mo!"

Singhal nito sa kaniya.