Hindi naman siya pinag-overtime sa unang araw niya sa trabaho. Pinauna pa nga siya ng uwi ni Mr. Rado dahil may tatapusin daw itong trabaho kasama ni Lany.May pakiramdam na siya kung ano'ng klaseng "trabaho" ang ibig nitong sabihin. Wala naman siyang ebidensiya kaya't pinigilan na niya ang sariling mag-isip ng gano'ng bagay tungkol sa dalawa. Kahit naman totoo ang hinala niya ay labas na siya do'n. Buhay naman nila iyon at hindi naman siguro pinupwersa si Lany.Dahil hindi nga siya magpapasundo kay Mang Rogelio ay kailangan pa niyang maglakad hanggang kabilang kanto kung saan ang sakayan. Nakalabas na siya ng exit door ng malaking building na pinapasukan nang may magsalita sa likuran."Hi!"Nagtatakang napalingon siya at nakita niya ang humahangos na lalaki. "I think this is yours." May inabot ito sa kanya.Nang tingnan niya ang inabot nito ay awtomatikong kinapa niya ang bulsa ng blazer kung saan niya inipit ang ID. Wala na nga do'n ang ID niya."Yazmin de Lara?" Binasa pa ng lalak
Hindi niya alam kung bakit malakas ang urge niyang magpaliwanag kay Yazmin or ipaalam man lang dito na hindi niya kasama si Bhelle sa buong araw.Sa katunayan ay umalis agad ang babae na parang inis nang pagsabihan niya ito tungkol sa inasta nito kay Yazmin.Gusto niyang tawagan uli si Yazmin para papuntahin sa opisina niya para makita man lang nitong wala na nga si Bhelle. Hindi niya nga alam kung bakit kailangan niyang gawin iyon gayong malinaw naman ang usapan nila na walang pakialaman sa isa't-isa.Dahil hindi rin naman siya mapakali buong araw ay umuwi na siya kahit alas tres pa lang ng hapon. Kadalasan ay ginagabi siya sa opisina kaya't kahit si Nana Klaudia ay nanibago nang umuwi siya kahit hindi pa naman oras ng uwian.Pagkauwi ay naligo lang siya saka nagbihis uli para bumalik sa opisina. Hindi niya dala ang kotse bagkus ay ang motorsiklo ang sinakyan niya. Ginagamit niya lang talaga iyon kung gusto niyang mag road trip mag-isa.Hinintay niya ang pag-uwi ni Yazmin. Gusto niya
Dahil gusto rin niyang makita ang iba pang mga empleyado ng kompanya ay sa cafeteria sa 11th floor siya kumakain ng lunch.Sa laki ng kompanya ay may cafeteria kada floor. Sa tenth floor lang ang wala dahil wala naman masyadong empleyado sa floor nila dahil opisina lang ni Sean at Mr. Rado ang ando'n.Marami ngang mga empleyadong nagtatrabaho sa kompanya ni Sean. Umupo siya sa isang bakanteng mesa since wala pa naman talaga siyang kakilala pa roon. Si Lany kasi ay sa labas kumakain.Nagsisimula na siyang kumain nang may magsalita. Napaangat ang tingin niya at nakita niya ang nakangiting mukha ni Jacob."Pwedeng maupo?" "Oo naman," kiming sagot niya. Naalala niya kasi no'ng iniwan niya itong bigla sa sakayan.Imbes na sa harap niya umupo ang lalaki ay tumabi ito sa kanya mismo. Nagulat man ay umusog na lang din siya konti para hindi sila magsiksikan sa pahabang upuan.Medyo naiilang na siya sa lalaki kaya hindi siya masyadong umiimik."May boyfriend ka pa lang bigatin. Boyfriend mo iy
Halos gabi-gabi siyang tumatawag sa kapatid niyang si Joshua na nasa Davao na. Nagkita silang dalawa bago ang flight nito papuntang Davao.Umiiyak itong nagpasalamat sa kanya at halatang hiyang-hiya ito sa nagawa.Kakababa lang niya ng phone at mukhang maayos naman ang lagay ng kapatid sa Davao. Ito rin ang tinatanong niya tungkol sa kalagayan ng mga magulang nila. Napag-alaman niya rin kasi dito na hindi pa rin humupa ang galit ng ama sa kanya.Hindi niya alam kung kailan talaga mawawala iyon pero hangga't hindi pa niya pwedeng kontakin nang diretso ang mga magulang ay sa kapatid niya muna siya nagtatanong.Okay naman daw ang kalagayan ng mga ito ayon sa kamag-anak na pinakiusapan ni Joshua na tumira muna sa kanila habang wala ito. Napalagay na rin ang loob niya sa kaalamang iyon.Nagtanong din ito kung kumusta na siya at kung saan siya nakatira sa ngayon. Ang sabi niya lang ay nakahanap siya ng trabaho sa isang maliit na kompanya at nakahanap siya ng boarding house na malapit lang
Lunes.Halos hindi magkandaugaga sina Mr. Rado at Lany na nagdi-discuss ng ire-report ni Mr. Rado sa conference meeting na gaganapin ng alas diyes ng umaga.Gusto niya sanang tumulong pero parang hindi na siya napapansin ng dalawa na parang tense na tense. Nanatili na lang din siya sa mesa niya at ginagawa ang encoding ng iba pang dokumentong pinapagawa ni Mr. Rado sa kanya.Panaka-naka siyang napapatingin sa mga ito at baka may iuutos sa kanya. Sinabi ni Mr. Rado pagkarating na pagkarating niya pa lang sa opisina na dadalo sa conference meeting ang isa sa mga anak ng isang business tycoon ng bansa na si Mr. Arnulfo Esguerra. Nang banggitin nito ang pangalan ng bibisita sa kompanya ay agad na nalaman niyang iyon ang mestisang sinundo ni Sean sa airport no'ng isang araw ayon sa nakita niya sa page ng kompanya nila.Latonia Esguerra. Posible ring ito ang kasama ni Sean buong araw kahapon dahil hindi niya nakita ang lalaki sa bahay nito hanggang sa gumabi. Naalala niya tuloy ang nasa c
Buong linggong halos mabibilang lang ang oras na mahahagilap si Sean sa office. Lagi ay nasa labas ito. Ang alam niya ay uma-attend ito ng iba't-ibang client meetings kasama si Latonia. May usap-usapan kasi na gagawa ng isang malaking project together ang dalawa.Kapag nasa office naman ang lalaki ay palagi namang makikita sa tabi nito si Latonia. Nang minsang makita niya ang dalawa ay nakaabrisyete pa sa braso ni Sean ang babae. May bulung-bulungan nga na baka nagkabalikan na ang dalawa.May mga naging regular na nakakasabay na rin siya ng lunch na taga-ibang department. Doon siya laging nakakasagap ng mga tsismis.Si Jacob naman mula nang layasan siya sa kalagitnaan ng lunch nila ay parang umiiwas na sa kanya na ipinagkibit-balikat niya na lang.Mas pabor nga iyon sa kanya dahil ayaw niyang pagmulan pa ng issue ang pakikipaglapit nito sa kanya lalo pa't may pamilya na pala ito kahit hindi pa kasal.Mabuti na lang at hindi niya masyadong nakikita si Sean kahit sa bahay. Hindi na siy
Nakalatag sa ibabaw ng kama ang nasa halos sampung piraso ng cocktail dresses na nakuha niya sa closet. Pagkatapos niyang maglaba ay dumiretso na siya sa kwarto para makapamili ng damit na susuotin para sa party. Kunot na kunot ang noo niya dahil hindi siya makapag-decide kung alin sa mga iyon ang pipiliin. Magaganda naman kasi lahat. Kinuha niya ang isang itim na damit na silk ang tela. Mahaba iyon pero siguradong hapit sa katawan niya. May slit din iyon sa gilid. Malalantad ang buong balikat niya kapag suot niya iyon. Sinipat niya ang damit at nakita niya sa loob ang dalawang pads. Hindi yata pwedeng magsuot ng bra kaya iyong mga pads ang magsisilbing pantakip niya sa dibdib nang hindi bumakat ang nipples niya.Hindi kaya malaswa ang dating no'n? Baka magmukha siyang sexy star na naligaw sa isang formal party.Saka iyong boobs niya, hindi ba aalog-alog dahil hindi naman iyon susuotan ng bra?Ibinalik niya ang damit saka tiningnan uli ang iba. May nakita siyang pulang damit na hin
Dumiretso na siya sa parking area at baka naghihintay doon si Mang Rogelio sa loob ng kotse. Hindi niya kasi naitanong kanina kung uuwi muna ito ng bahay o hihintayin siya nito.Bubuksan na sana niya ang coin purse na nakasabit sa balikat nang matigilan. Nakita niya si Vinz na nakasandal sa isang kotse habang naninigarilyo.Nagulat din ito nang makita siya pero dagli rin namang ngumiti. Tinapon nito sa paanan ang sigarilyo kahit hindi pa nangangalahati. Pinatay nito iyon sa pamamagitan ng pagtapak do'n.Iniiwas niya agad ang tingin. Nagmamadali niyang binuksan ang purse para kunin ang phone para matawagan na si Mang Rogelio."Leaving so soon? The party's not over yet." Umalis na ito sa pagkakasandal sa kotse at papunta na sa direksiyon niya.Mas lalo siyang kinabahan. Napapikit pa siya nang mariin nang hindi makapa ang phone sa loob ng purse. Basta na lang pala niya iyong isinukbit sa balikat kahit wala iyong laman.Naiwan niya ang phone sa bahay at ang dalang coin purse ay walang kal