Chapter Four: The Future Daughter-In-Law

Isa sa mga dahilan kung bakit tinanggap ni Amanda ang marriage proposal ni Emmett ay gusto niyang mapasaya ang sarili niyang mga magulang. Malinaw na gusto nila si Emmett bilang manugang. 

At ngayon nga ay makikipagkita siya sa mga magulang ni Emmett upang pag-usapan ang mga detalye ng kanilang kasal...

================================

Kasalukuyang nakikinig si Amanda kay Mrs. Katherine Albreicht na walang tigil sa pagsasalita tungkol sa mga ideas nito about their wedding...

"What do you think of having a Victorian-themed wedding, Amanda? Tiyak na bagay sa'yo ang Victorian-inspired wedding gown. You'll be a very classy and elegant bride! At sigurado akong magiging usap-usapan ang kasal ninyo sa mgasociety pages!" ang tuwang-tuwang nasabi ni Mrs. Albreicht.

Walang imik na ngumiti si Amanda. Deep inside, gusto niyang sabihin na magiging simple lamang ang kanilang kasal, at kaunti lamang ang iimbitahan nila...

Ngunit wala siyang lakas ng loob na sabihin sa mag-asawa ang kanyang naiisip dahil ayaw niyang ma-offend ang mga ito.

Amanda snaps out from her reverie nang maramdaman niya ang kamay ni Emmett na nakahawak sa kanyang kamay, as if he is trying to make her calm and feel relaxed. She smiled in return while giving him a small nod.

"Mom, it's too early to talk about the wedding. What we should focus on right now is to talk about your upcoming Diamond wedding anniversary." paalala ni Emmett sa kanyang mga magulang. 

Amanda will thank Emmett later for trying to protect her...

"Tama ang anak mo, Katherine. Let them plan their own wedding, and we should be concentrating on our own wedding anniversary." sa wakas ay nagsalita si Mr. Albreicht.

"You're right, darling. By the way, your family are our special guests in our Diamond Wedding Anniversary. Kaya huwag kayong mawawala sa espesyal na araw namin, okay?" ang nakangiting pag-imbita ni Mrs. Albreicht.

"Of course, Mrs. Albreicht... We are very much excited and honored to witness your renewal of vows. Maraming salamat po sa pag-imbita sa amin." ang magalang na tugon ni Amanda. 

Nakahinga siya ng maluwag nang mag-usap na sina Mr. at Mrs Albreicht tungkol sa mga detalye ng kanilang diamond wedding anniversary... 

====================================

LARA SMITH. 

Tulad ng kanyang nakasanayan, mag-isang kumakain ng tanghalian sa Etoile Company cafeteria. 

Gusto niyang magkaroon ng katahimikan at kapayapaan sa oras na ito, at wala siyang pakialam kung ano ang iisipin at sasabihin ng kanyang mga katrabaho tungkol sa kanya. 

Malaking tulong sa kanya ang libreng lunch ng Etoile company, dahil kahit papaanomay nakakatipid siya.

Kung kasingyaman lamang niya si Amanda Montserrat ay hindi niya titipirin ang kanyang sarili at hindi siya maawa sa kanyang sarili.

Si Amanda Montserrat ay isang self-made na entrepreneur. Nagtayo siya ng sarili niyang cosmetic empire gamit ang sarili niyang pera, kapangyarihan, at koneksyon.

And speaking of the devil, Amanda Montserrat suddenly appeared at the cafeteria, kasama ang ilang supervisor at iba pang empleyado.

Tahimik na pinagmamasdan ni Lara ang kanyang Boss habang pumipila ito sa linya upang kumuha ng pagkain. Pagkaraan ng ilang minuto ay umupo si Amanda Montserrat at ang kanyang mga kasama sa isang mesa, at nagsimulang kumain ng tanghalian habang masayang nagkukwentuhan. 

Pinagmamasdan ni Lara ang bawat galaw ni Amanda. Pinag-aaralan niya ang paraan ng kanyang pagsasalita, ang paraan ng kanyang pagtawa at kung paano ito kumain...

Lara was too focused on Amanda, at hindi na niya namalayan na tapos na pala ang kanyang lunchtime. 

Tumayo na siya upang bumalik sa trabaho. At bago siya tuluyang makalabas ng cafeteria, binigyan ni Lara si Amanda ng huling tingin, at pagkatapos noon ay naglakad na siya palayo.

Siya ay magkukuskos nanaman ng mga toilet bowls at maglalampaso muli ng mga sahig, tulad ng karaniwan niyang ginagawa araw-araw...

=================================

Pagkaraan ng ilang oras.

Lara is currently having her 15-minute break at Etoile Company rooftop. She is having her usual coffee break while enjoying her time alone. Dalawang oras pa siyang maglilinis at pagkatapos noon ay makakauwi na soya upang magpahinga.

She was about to take a sip from her coffee cup but she suddenly stopped when she heard a man's voice nearby. That voice sounded agitated and frustrated.

Nagulat siya nang makita niya ang Head of Security na si Mr. Oliver Doe.

Na-curious si Lara dahil first time niyang makita ang Head of the Security na mukhang balisa. 

"---Kung ayaw mo talaga, puwede mo namang sabihin sa akin ang totoo. Lagi mong sinasabi sa akin na hindi mo magagawang suwayin at saktan ang iyong mga magulang. Pero paano naman ang pagmamahalan at kaligayahan nating dalawa?" ang nasabi ng lalaki sa kausap nito sa telepono. 

Makalipas ang ilang minuto ay natapos na rin ang pakikipag-usap ng lalaki sa telepono. 

Nakaramdaman naman ng pagkapahiya si Lara nang magtama ang mga mata nila ni Oliver Doe. 

"Damn, this is so awkward! Anong gagawin ko?" ang lihim na pagpa-panic ni Lara.

"---Narinig mo naman lahat hindi ba?" tanong agad ng lalaki sa kanya, habang umupo ito sa tabi ni Lara.

"Oo, pero ipinapangako ko sa'yo na wala akong pagsasabihan!" ang mabilis na sagot ni Lara.  

Laking gulat na lamang niya nang biglang tumawa si Oliver Doe habang nakatingin ito sa kanya.

"At ano naman ang nakakatawa?" ang naiinis na tanong ni Lara sa lalaki. 

"Halata kasi sa mukha mo na bigla kang natakot at ninerbiyos." ang natatawang sagot ni Oliver. 

"Basta ang alam ko, wala akong kinalaman sa kung ano man ang sitwasyon mo." ang mariing pahayag ni Lara.