Chapter 36

"Ayos lang ba kung kayong dalawa lang? Sa labas lang kami maghihintay ni Kuya Sandro." tumango ako ulit saka pa sila lumabas ng silid ni Kuya Dreau.

Pumasok si Knoxx pero iba ang emosyong nakikita ko sa mga mata niya ngayon. Kung kanina blangko at diritso ang tingin niya ngayon may kakaibang emosyon na akong nakikita doon. Sinarado niya ang pintuan at naglakad ito palapit sa akin. Umupo siya sa bakanteng upuan na iniwan ni Kuya Joe.

Umuyos ako ng upo, nanatiling tahimik. Parehas kaming dalawa, nagpapakiramdaman muna. Hanggang sa marinig ko ang malakas niyang buntong hininga. Tumingin ito sa akin at doon ko nakita ang pamumula ng mga mata niya.

Hindi ko napigilan ang agad na pamumuo ng mga luha ko. Ilang beses akong kumurap pero nabalot na ang mga mata ko ng luha kaya nag-uunahan ito sa aking pisngi.

"I'm sorry." yung palang ang nasabi niya naninikip na ang dibdib ko. Dama ko ang kalungkutan sa boses niya dahilan para lalong dumami ang mga luha ko.

"I really don't know where