Chapter 5

"O Clea bakit andito ka sa likod bahay?" tanong ni Gardo sa akin ang hardinero nang mga Contreras.

Kanina pa ako nagpapahangin dito sa hardin na inaalagaan niya. Dito ang paborito kung tambayan dahil pakiramdam ko narerelax ako sa tuwing nakatanaw ako sa mga halaman na alaga ni Gardo.

Matanda ito nang walong taon sa akin ganun paman, magkasundo pa rin kami. Minsan nga binibiro ko ito kay Gina pero agad naman akong binabara nito. Ayaw niya daw sa bunganga ni Gina, masyadong prangka. Tsaka may gusto din daw siyang iba at naghihintay lang siya nang tamang pagkakataon para magtapat sa babaeng gusto niya.

May pagka misteryoso din kasi ito si Gardo. Kung hindi ko lang alam na hardinero ito dito, mapagkakamalan ko itong anak nang mga Contreras. Matangkad at malaki ang pangangatawan nito na animo alagang-alaga sa gym.

Nung una nga napansin kong may kamukha ito pero hindi ko lang talaga maalala kung sino.

Matangos ang ilong nito at mapupungay ang kulay tsokolate nitong mga mata. Maayos din ito manamit yon nga lang ang mga damit nito ay may kalumaan na.

Sabagay dito lang naman kami sa mansion paikot-ikot. Ako nga, yong mga damit ko ay yong mga binigay pa sa akin ni Ate Jean noon. Yong mga bagong damit na nabili ko sinusuot ko lang kung isinasama ako ni Nana na mamalengke o magsimba.

"Bakit parang tulala ka? Kanina pa kita tinatanong kung anong ginagawa mo dito sa likod bahay?" Ani niya.

Hindi ko sinagot ang tanong niya dahil ayaw kong malaman nito na iniiwasan kong makita si Sir Luke. Pagkatapos niya kasi akong pagalitan kagabi hindi na ako lumabas ng kwarto. Kahit pa nauhaw ako nung madaling araw, hindi pa rin ako lumabas. Baka kasi pag lumabas pa ako, magpang-abot na naman kami sa kusina.

"Nagpapahangin lang ako dito Gardo. Tapos na kasi ako sa mga labahin ko."

"F*ck!...Gardo?" narinig kong mahinang mura nito. Ay Englisero pala itong si Gardo? sa isip ko, sosyal kung makapagmura ah.

... "My name is Gaden not Gardo." Mahinang sabi nito.

"Huh?" Kunot noong baling ko sa kanya. "Ang sabi nina Nana, Gardo daw ang pangalan mo. Tsaka nung unang beses kitang tinawag na Gardo di ka naman nagreklamo ah. May pa-Gaden-Gaden kapang nalalaman dyan. Gusto mo lang atang pasosyalin pangalan mo eh." Mahabang lintaya ko sa kanya. Nakanguso pa ako pagkatapos.

Pagtingin ko dito kitang kita ko ang pinipigilan niyang tawa. Bahagya pa ngang gumalaw ang balikat nito. Ano kayang nakakatawa sa sinabi ko?

"Ikaw lang ang may alam." Sabi nito sabay lapag sa gunting na gamit niya para sa halaman. "They knew me as Gardo kaya yun ang tawag nila sa akin. Pero pakiramdam ko ang bantot nang pangalan ko 'pag ikaw ang nagsasabi kaya pinaalam ko sayo ang tunay kung pangalan."

"Ay hala seryoso ka?" Napalakas ata ang boses ko dahil sumenyas ito na hinaan ko. "Totoong Gaden ang pangalan mo? Bakit mo pinalitan? Ang ganda kaya nang Gaden, parang tunog pangmayaman." Namamanghang sabi ko sa kanya at nakita ko pang namumula ang tenga niya.

"Ano apelyido mo?" Maya-maya dagdag ko sa tanong ko sa kanya. Parang naco-curious tuloy ako dito kay Gardo. Mukha din naman kasi itong yayamanin,kaya bagay lang ang pangalang Gaden sa kanya.

"Wag na, di na importante yon. Mas mabuti nang wala kang alam tungkol sa akin." Sabi nito pero di ako masyadong sigurado kasi mahina ang pagkasabi niya. Gusto ko ngang ipaulit sa kanya pero ayaw niya nang ulitin.

"Anong gagawin mo ngayon?" Pagbabago nito sa usapan. Siguro hindi ito kumportableng pag-usapan ang personal nitong buhay. Nung minsan nabanggit ni Gina sa akin na magkasunod lang pala kami ni Gardong namasukan dito sa mga Contreras, siguro nauna lang ito nang isang buwan.

"Wala. Maghihintay lang ako kung may ipag-uutos si Nana. Tapos ko na ang labahin ko kanina pa."

Sinadya kong agahan ang paggising ko kanina para maaga kong matapos ang trabaho ko. Gusto ko sanang magmukmok ulit sa kwarto kaso baka magtaka naman sina Nana. Kaya mas pinili ko na lang tumambay dito sa hardin.

Hindi ko rin alam kung andito pa ba si Sir Luke at ang mga kaibigan niya. Pero sana wala na sila. Hindi ko kasi alam paano pakitunguhan si Sir Luke kung andito pa ito. Bigla-bigla na lang kasi itong nagagalit.

Natatakot nga akong baka 'pag makita ako nito ngayong umaga ay baka mabulyawan ako dahil hindi ko ito binalikan kagabi nung tinawag niya ang pangalan ko.

Paano pa ako babalik gayong punong-puno na nang luha ang mukha ko. Edi nagmumukha akong kamatis na napisat kung nagkataon.

"Kung gusto mo turuan kitang magpatubo nang mga bagong bulaklak, yon ay kung gusto mo lang. Kung wala ka namang hilig, okay lang din sa akin." Suhestiyon ni Gaden sa akin.

Parang mas bet ko ata siyang tawagin Gaden pero baka magtataka naman yung mga kasamahan namin, ang sabi pa naman niya ako lang ang may alam.

"Okay lang bang Gaden ang itawag ko sayo? Parang mas gusto ko ang Gaden kesa sa Gardo." Tanong ko sa kanya pero nakita kong medyo nag-aalangan ito. "Sige na, mas bagay sa kagwapuhan mo ang Gaden." Dagdag ko pa pero nagtaka ako nung nakita kong natigilan ito saglit.

"Ano payag ka?"pangungulit ko pa. Nakita kong bahagya itong napangiti na lalong nagpagwapo sa kanya. "Alam mo mas gwapo ka kung palagi kang nakangiti." Napansin ko kasing palagi itong seryoso kaya nagmumukha itong strikto at masungit. "Ano na? Payag ka? Gaden na lang...."

"O...kay? Kaya lang pwede ba...yung tayong dalawa lang. The people here might wonder why you're calling me other name." Sagot nito sa diritsong ingles.

"Wow Gaden, english speaking ka din pala? Baka naman nagpapanggap ka lang na mahirap ah. Yong totoo? Mayaman ka siguro ano? Siguro naglayas ka lang sa inyo kaya ka naging hardinero dito?" Akusa ko sa kanya. Noong una nakita ko pang natigilan ito pero agad din naman ako nitong tinawanan.

"Hindi ah, mahilig lang talaga akong manood nang mga ingles na palabas kaya ako natuto." Wari nito sa akin. "So ako naman ang magtatanong sayo ngayon. "Ano na tuturuan ba kitang magpatubo? Game ka bang magpaturo sa akin? I can teach you how to—"

"You can teach her what?!" Mariing sabat nang taong di naman kasali sa usapan namin.Nagkatinginan pa kami saglit ni Gaden.

Halos manigas ako sa aking kinauupuan nang marinig ko ang boses ni Sir Luke. Alam kong nasa likuran ko lang ito, dahil may naramdaman akong parang nakatayo sa likod ko mismo.

Pagtingin ko ulit kay Gade naging seryoso na ang pagmumukha nito. Ang kaninang maaliwalas nitong awra ay biglang naging strikto . Nakita ko pa ang pag-igting nang mga panga niya at pagkuyom nito sa kanyang kamao. Hala hindi ba siya takot kay Sir Luke? Hindi ba ito takot mawalan nang trabaho? Gusto ko sana itong sawayin na hoy Gaden na walang apelyido maghunos dili ka at baka parehas tayong mawalan nang trabaho.

"What are you going to teach her?!" Ulit nitong tanong gamit ang seryoso ngunit mariing boses.

Bigla akong nag panic nang makita kong wala atang balak si Gaden na sagutin ang tanong ni Sir Luke. Nakipagtagisan pa ito nang tingin, na tila hindi ito uurong sakali mang magpang-abot silang dalawa. Gusto ko sana itong sensyasan na sagutin si Sir pero hindi naman ito bumaling sa akin.

Dahil wala na akong choice ako na lang ang sasagot. Agad akong tumayo at humarap kay Sir Luke. Balak ko sanang salubungin ang mga tingin nito pero hindi ko pala kaya. Para kasi akong natutunaw sa paraan nang pagtitig niya sa akin.

"Ahm..A-ano po S-sir Luke, t-tuturuan niya po akong..."Huminto ako dahil kumunot ang noo niya.

"Tuturuan nang?!...." napalakas pa ang boses nito.

"A**hole." mahinang mura ni Gaden pero dinig ko naman. Ewan ko lang kung narinig ba ni Sir Luke.

---" t-tuturuan na magpatubo nang halaman." Nauutal kong sagot dito.Pakiramdam ko namamawis ang mga kamay ko pati na rin ang mga kili-kili ko sa sobrang nerbyos.

"Oh? Hardinera ka na rin pala ngayon?" Patuyang tanong nito sa akin pero hindi ko na ito inintindi pa. Gusto ko lang makawala sa harapan niya ngayon.

"Ahm sige Gaden...ay Gardo pala, mauna na ako. Next time na lang ako magpapaturo sayo may gagawin pa pala ako." Paalam ko sa kanya at tumalikod na. Hindi ko na hinitay ang sagot nito dahil gusto kong lumayo at iwasan ang matatalim na mga tingin ni Sir Luke sa akin.

"I didn't know that you're close to the gardener." Napahinto ako sa aking paglalakad nang magasalita ito. "And what did you just called him? Gaden? Ano yun endearment niyo? Gaden my ass.." sabi nito bakas ang pagkadisgusto sa boses niya.

Ano bang pinagpuputok nang butse ni Sir Luke? Ang aga-aga badtrip na siya agad? Bakit ba pakiramdam ko palagi na lang itong aburido. Hindi pa naman ito tanders masyado pero sobra naman mainitin ang ulo niya.

"Bakit po Sir? Bawal po ba makipagkaibigan sa mga kasamahan kong nagtatrabaho dito sa mansion niyo?" Seryoso kong balik tanong sa kanya. Ni wala akong sinagot isa man lang sa mga tinanong niya sa akin.

"Not...if you're not flirting with each other during work time." Sagot nito sa sarkastikong tono.

Ay wow! Biglang nag-init ang tenga ko at pakiramdam ko nagsiakyatan lahat ng dugo ko sa ulo. Magalang akong bata pero sumusobra na itong amo ko. Hindi ko na ata mapapalampas ang pang-iinsulto niya sa akin sa pagkakataong 'to. Tanggalin niya na ako sa trabaho wala akong pakiaalam.

"Excuse me lang po Sir ah, pero kagabi mo pa ako hinuhusgahan ah! Porke ba mahirap ako, ganun na kababa ang tingin mo sa akin? Dahil ba nakipag-usap ako sa lalaki nakikipaglandian na agad ako? " Hindi ko na napigilan nang may pumatak na luha sa aking mga mata, pero pinalis ko agad ito.

Sumusobra na ang talas nang bibig nitong amo ko. Ang sakit-sakit niya nang magsalita.

"Hindi ba pwedeng nakipagkaibigan lang ako? Yan ang mahirap sa inyong mga mayayaman, masyado kayong mapangmata! Sobrang baba nang tingin niyo sa aming mga mahihirap. Oo Sir mahirap lang ako pero may dignidad akong tao, kaya wag na wag mo akong matawag na malandi."

Nakita ko ang pagkabahala sa mukha niya nung umiyak na ako. Sinubukan niya pa akong hawakan pero tinaas ko ang kamay ko para pigilan siya.

"Hindi mo alam ang mga pinagdaanan ko. Wala kang alam tungkol sa akin at hindi mo ako kilala kaya wala kang karapatan para husgahan ako, Sir!"

"Look...I don't mean to offend you, it's just...ah!" Nakita ko pa ang pagsabunot niya sa kanyang buhok. He kooks frustrated at tila hindi nito alam ang sasabihin niya sa akin.

..."I'm sorry... I'm sorry if I offended you, Clea. I just want to protect you...you're too young and vulnerable. Ayaw ko lang na mapahamak ka." Sabi nito sa kalmadong boses, pero hindi parin mabura sa isip ko ang mga masasakit na salitang binitawan nito para sa akin.

Gusto ko sana itong tanungin kong kanino niya ako gustong protektahan? Kay Calyx ba? e kaibigan niya naman yon. Kung kay Gaden naman, kaibigan ko naman ito.

"Please look at me." Sabi nito sa nakikiusap na tono, pero hindi ako nakinig. Nanatili akong nakayuko habang pinipigilan ang pagpatak ng mga luha ko.

"Clea..." hinawakan niya ang mga kamay ko kaya napatingin ako sa mukha niya. "I'm sorry...please..." Malamlam itong nakatingin sa akin at dama ko ang sinseridad so boses niya kaya tumango ako. Ayaw ko namang isipin niyang nagda-drama ako.

"Okay lang po Sir. Pero sana sa susunod mag-ingat po kayo sa mga salitang binibitawan niyo."hinila ko ang kamay ko sa kanya at nagmamadali akong pumasok sa silid ko.

Narinig ko pa ang malalim nitong buntong hininga pero hindi na ako lumingon sa kanya. Hindi naman tamang hahayaan ko na lang itong husgahan ako.

Mabuti na din yong naipalabas ko ang saloobin ko sa kanya, kung nainsulto ko man ito wala na akong magawa pa. Maghihintay na lang ako, kung tatangalin niya ba ako sa trabaho ko.

Hindi ko namalayang nakatulog pala ako. Pagtingin ko sa orasan alas dos na pala ng hapon. Kaya pala pakiramdam ko tumutunog na yong tiyan ko.

Lagpas na pala ako sa tamang oras ng pagkain. Tiyak mapapagalitan na naman ako ni Nana Lydia nito. Ayaw pa naman nitong nalilipasan ako nang gutom.

Bumangon ako at agad na pumunta sa kusina. Walang tao dito, siguro nagpapahinga na sina Nana. Nakita ko din si Gina na natutulog sa kama niya.

Nasa kalagitnaan na ako sa aking pagkain nang biglang sumulpot sa harap ko si Sir Luke. Andito pa pala ito. Ngayon lang ata ito nagtagal dito sa mansion nila. Sabagay Sabado naman ngayon, siguro pahinga din nang mga amo.

"Are you always not eating on time Clea?" Tanong nito sa akin. sabay lapag nang isang basong tubig sa harapan ko. Humila pa ito nang upuan at umupo sa aking tapat.

Hala galit na naman ba ito. Halos lahat na lang ba nang ginagawa ko ikinagagalit niya?

"Ngayon lang po Sir Luke." Magalang kong sagot sa kanya pero hindi ako tumingin sa mukha niya dahil nagsisinungaling lamang ako. Hindi ito ang unang beses na hindi ako nakasabay sa tangahalian nila Nana. Dati kasi tinatapos ko muna ang mga gawain ko bago ako kumakain.

"Then why Nana said that you're always doing this?"

Patay! Nagsumbong na pala si Nana sa kanya.