Chapter 60

Tumango-tango naman ako bilang sagot.

Nagtaka ako nang sabunutan niya ang kaniyang buhok at tila ba hindi mapakali.

"May problema ba?" tanong ko sa kaniya.

"Sa totoo lang, nahirapan si Father na paalisin iyon sa katawan ng Mama at ng pamangkin mo. Malakas kasi talaga ang kapit ng dalawang multong iyon," wika ni Am-Am.

Nag-Indian seat ako at saka hinayaan na makinig sa mga sasabihin niya.

"Inakala nga namin na isang demonyo ang sumapi sa kanila dahil sa sobrang lakas nito," dagdag niya, "pero mabuti na lang dahil malakas ang pananampalataya sa puso nilang dalawa."

Napatango-tango naman ako sa kaniyang sinabi at ngumiti.

"Pero..." Pinutol niya ang kaniyang sasabihin dahilan para mapatingin ako sa kaniya at sakto naman na nakatingin din siya sa akin.

"Kung gano'n kalakas ang mga multong iyon, paano ka nakatakas sa kanila?" tanong niya sa akin.

"May tumulong sa akin na isang multo. Isang kaibigan. At siguro dahil na rin sa pananampalataya ko," sagot ko rito.

He nodded. "Totoo pala ang sin