CHAPTER 7

Hindi binitawan ni Andrei ang kamay ni Tamara habang naglalakad sila kahit pa hinawakan din ni Allan ang isang kamay ng dalaga. Wala siyang plano na makihati sa iba lalo na kung ang paghahatian ay ang babaeng matagal na niyang gusto.

"Don't touch my fiancee," ma-awtoridad na sabi ni Andrei sa nabiglang pinuno ng Triangulo.

"She's mine," matapang na sabi ni Allan.

"Tumigil nga kayo," saway ni Tamara sa dalawa bago pa sila nakapasok sa entrance ng park. "Kung maka-ari kayo, parang isang bagay lang ako na binili ninyo sa kanto. Allan, lakad namin ito nina Andrei at Rod. Pasensya ka na."

Kahit gustong sumabog sa galit ng pinuno ng Triangulo, nagbigay daan siya. Hindi siya makagawa ng action dahil walang kaalam-alam si Tamara sa tunay niyang pagkatao. Ang alam lamang ng dalaga ay empleyado siya ng Torquero Group of Companies kaya naging malapit silang dalawa sa isa't isa.

"Magkita na lang tayo sa mga susunod na araw," wika ni Allan kay Tamara. "Tawagan mo ako. Iyon pa rin ang numbe